ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » រថយន្ត​ដឹក​លើស​ចំណុះ​ក្រឡាប់ រងរបួស​ធ្ងន់​ស្រាល ៤​នាក់

រថយន្ត​ដឹក​លើស​ចំណុះ​ក្រឡាប់ រងរបួស​ធ្ងន់​ស្រាល ៤​នាក់

​ភ្នំពេញ : រថយន្ត​ដឹក​ធ្យូង​មួយគ្រឿង​ធ្វើដំណើរ​លើផ្លូវ មុនី​រ៉េត​បាន​ក្រឡាប់​ផ្ងារជើង ដោយសារ​ដឹក​លើស​ចំណុះ បណ្ដាល​ឲ្យ​អ្នកបើកបរ និង​ព្រូ​រថយន្ត រងរបួស​ស្រាល ចំណែក​កម្មករ​ជិះ​លើ​បាវ​ធ្យូង បាក់ជើង​២​នាក់​កាលពី​វេលា​ម៉ោង​១០ និង​២០​នាទី ថ្ងៃទី​០៣ ខែសីហា ឆ្នាំ​២០១៥ ស្ថិតនៅតាម បណ្តោយ​ផ្លូវ​ព្រះ​មុនី​រ៉េត មុខ​សាលា​ប៊េ​ល​ធី ភូមិ​ប្ញ​ស្សី សង្កាត់​ស្ទឹងមានជ័យ ខណ្ឌមានជ័យ ។​

 
​រថយន្ត​បង្ក ម៉ាក​ហ៊ីយ៉ាន់ដាយ ពណ៌​ត្រួយ​ចេក​ឆ្នូត​ស ពាក់​ស្លាក​លេខ​ភ្នំពេញ 3A-3902 ។ រថយន្ត​បង្ក​ដឹក​ធ្យូង អនាម័យ​ចេញពី​ភូមិ​ប្ញ​ស្សី យកទៅ​តំបន់​ទួលគោក ។ ចំណែក​អ្នកបើកបរ និង​អ្នករងរបួស​ទាំងអស់ មិន​ត្រូវបាន​ស្គាល់ឈ្មោះ​ទេ ។​ក្រោយ​កើតហេតុ មន្ត្រី​នគរ បាល​មូលដ្ឋាន រួមជាមួយ ប្រជា​ការពារ​បាន​ចុះ​អន្តរាគមន៍ ជួយ​សម្រួល​ចរាចរ កុំអោយ​មានការ​កកស្ទះ ចរាចរ​ដល់​អ្នកដំណើ​រ និង​បាន​ហៅ​ម្ចាស់​រថយន្ត មក​សាង​ទំនិញ និង​ស្ទូច​រថយន្ត​ចេញពី​ផ្លូវ​ភ្លាមៗ​ផងដែរ ។ ចំណែក​កម្មករ រងរបួស​បាក់ជើង​ទាំង​២​នាក់ នេះ ត្រូវបាន​ដឹកបញ្ជូន​ទៅ កាន់​មន្ទីរពេទ្យ​ផងដែរ ។​

​តាម​សាក្សី​នៅ​កន្លែងកើតហេតុ បាន​ឲ្យ​ដឹងថា រថយន្ត​នេះ​បាន​ដឹក​សំពីងសំពោង ដោយ​ដាក់​ទំនិញ​ខ្ពស់ លើស​ចំណុះ ស្រប​ផ្លូវ​ព្រះ​មុនី​រ៉េត​នេះ កំពុង​ស្ថាបនា ហើយ​រថយន្ត​បាន​បើក ក្នុងទិសដៅ​ពី​ត្បូង​ទៅ​ជើង ខណ​:​មកដល់​ចំណុចកើតហេតុ រថយន្ត​បើកប​ត់ទៅ​លិច ប្រុង​ឡើង​តាមផ្លូវ​វេ​ង​ស្រេង តែ​រថយន្ត​បាន​ផុង​កង់​ផ្នែក ខាងក្រោយ បណ្តាលអោយ​ក្រឡាប់ ហើយ​បាវ​ធ្យូង​ក៏​សង្កត់​លើ កម្មករ​លីសែង​ដែល​ជិះ​លើ​បាវ​ធ្យូង​នោះ បាក់ជើង​ទាំង​២​នាក់ ដោយ​ម្នាក់​បាក់ជើង​ឆ្វេង និង​ម្នាក់​បាក់ជើង​ស្តាំ ប៉ុន្តែ​មិន​បណ្តាល​ឲ្យ មាន​គ្រោះថ្នាក់​ដល់​អ្នកដំណើរ​ណា​ម្នាក់​នោះឡើយ ដោយ​គ្រាន់តែ​បាវ​ធ្យូង​ខ្ទាត ទៅ​ប៉ះ​រថយន្ត​កូរ៉ូឡា​មួយគ្រឿង កំពុង​ចរាចរ​ក្បែរ ហើយ​ចរចា​សង​ថ្លៃ​ខូចខាត ចំនួន ១០០​ដុល្លារ​៕xcx xx

Copyright © 2010-2021 · អរិយធម៌ · All Rights Reserved.
Develop by Sek Sathya