ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » ជំងឺ​ស្ត្រី​កើត​ពិស​ជើង មកពី​ខេត្ត​ត្បូងឃ្មុំ បាន​ធូរស្រាល​ច្រើន ព្យាបាល​ដោយ​យកចិត្តទុកដាក់​ពី​គ្រូពេទ្យ ​

ជំងឺ​ស្ត្រី​កើត​ពិស​ជើង មកពី​ខេត្ត​ត្បូងឃ្មុំ បាន​ធូរស្រាល​ច្រើន ព្យាបាល​ដោយ​យកចិត្តទុកដាក់​ពី​គ្រូពេទ្យ ​

ភ្នំពេញ​៖ ស្ត្រី​កម្មករសំណង់​នៅ​ខេត្ត​ត្បូងឃ្មុំ កើត​ជំងឺ «​ពិស​ធ្យូង​» ស៊ី​រូង​អស់​ជើង​ម្ខាង មកដល់ពេលនេះ ស្ថានភាព ជំងឺ​បាន​ធូរស្រាល​ច្រើន​ហើយ បន្ទាប់​ពី​ទទួលបាន​ការព្យាបាល និង​ថែទាំ​យ៉ាង​យកចិត្តទុកដាក់​ពី​ក្រុមគ្រូពេទ្យ​កាល ម៉ែត​រយៈពេល​ប្រមាណ ១៤​ថ្ងៃ​មក​នេះ​។​
​អ្នកស្រី ស្រេង ស្រី​អាង អាយុ​ប្រមាណ​ជា ៤០​ឆ្នាំ មាន​ស្រុកកំណើត​នៅ​ខេត្ត​ត្បូងឃ្មុំ បាន​កើត​ជំងឺ ដែល​អ្នក​ភូមិ ហៅថា «​ពិស​ធ្យូង​» ស៊ី​រូង​អស់​ជើង​ម្ខាង ត្រឹម​រយៈពេល​ត្រឹមតែ ២​ខែ​ប៉ុណ្ណោះ​។ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា បាន​ចាត់ចែង​ក្រុមការងារ​កាកបាទក្រហម​កម្ពុជា​ភ្លាមៗ ឲ្យទៅ​ទទួល យក​ស្ត្រី​រងគ្រោះ​ពី​ខេត្ត​ត្បូងឃ្មុំ មក​ព្យាបាល​ជំងឺ​នៅក្នុង​មន្ទីរពេទ្យ​កាល់ម៉ែត កាលពី​ថ្ងៃ​ទី​១៨ ខែកក្កដា ឆ្នាំ​២០១៥ ។​
​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី បាន​ធានារ៉ាប់រង​រាល់​ថ្លៃ​ព្យាបាល ព្រមទាំង​បាន​ផ្តល់​ថវិកា ៥​លាន​បន្ថែមទៀត សម្រាប់​ការចាយវាយ​របស់​ក្រុមគ្រួសារ​អំឡុងពេល​ស្ត្រី​រងគ្រោះ​សម្រាក​ព្យាបាល​ជំងឺ​។​
​លោក​វេជ្ជបណ្ឌិត​មន្ទីរ​ពេទ្យ​កាល់ម៉ែ​ត បាន​បញ្ជាក់​ឲ្យដឹងថា វា​ជា​រឿង​សំណាង​មួយ ដែល​អ្នកស្រី ស្រេង ស្រី​អាង ត្រូវបាន​បញ្ជូន​មក​ព្យាបាល​ទាន់ពេលវេលា បើ​ទុក​បណ្តែតបណ្តោយ​ឲ្យ​កាន់តែ​យូរ​ទៀត អាច​មាន​គ្រោះថ្នាក់​ដល់ អាយុជីវិត​ជាក់​ជាមិនខាន​។​
​ក្រៅ​ពី​ការជួយ​សង្គ្រោះ​ពី​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ហើយ​នោះ នៅ​មាន​សប្បុរសជន​ក្នុង និង​ក្រៅ ប្រទេស ដែល​បាន​ឃើញ​ស្ថានភាព​ជំងឺ​របស់​ស្រី ស្រេង ស្រី​អាង ហើយ កើត​ក្តី​អាណិតអាសូ​រយ៉ា​ង​ខ្លាំង និង​បាន ផ្តល់​ប្រាក់​ឧបត្ថម្ភ​ជា​បន្តបន្ទាប់​។​
​អ្នកស្រី គង់ អំណ​ត់ ម្ចាស់​ហាង​កែ​សម្ផស្ស «​អូ​គី​ដេ​» ស្ថិត​នៅ​ម្តុំ​ប៉ុស្តិ៍​សង្កាត់​ជួយ​ជម្នះ ខាងក្រោយ​ព្រះបរមរាជវាំង រួម​និង​មិត្តភក្តិ ក៏​បាន​ប្រមែប្រមូល​ថវិកា​គ្នា បាន​ប្រមាណ ៣៦៥​ដុល្លារ យកទៅ​ជូន​ស្ត្រី​រងគ្រោះ ដើម្បី​ដោះស្រាយ នូវ​បញ្ហា​ខ្វះខាត​ក្នុង​ជីវភាព​។​
​សម្បុរ​ស​ជន ដែល​ឧបត្ថម្ភ​ថវិកា​ដល់​អ្នកស្រី ស្រេង ស្រី​អាង រួមមាន​៖ អ្នកស្រី អ៊ុក ចំ​ប៉ា និង លោក ឈី​វ ណូ​រ៉ា​, លោក អៀ​វ ប៊ុន​វ៉េង​, អ្នកស្រី លឹម ចាន់ណា​រី​, ម្ចាស់​ហាង​លក់​ខោអាវ​ដា​ដា​, អ្នកស្រី ស៊ុម ស៊ីថា​, លោក សឿង ណា​រិទ្ធ និង​អ្នកស្រី ហៃ សុខ​ឃីម​, លោក​វេជ្ជបណ្ឌិត សំ សាយ​, អ្នកស្រី ហាក់ វី​រ៉ែ​ន​, អ្នកស្រី ស៊ឹម សេដ្ឋា និង​អ្នក ស្រី យូ សុខ​ឃីម​។​
​ថវិកា​របស់​អ្នកស្រី គង់ អំណ​ត់ និង​សប្បុរសជន ត្រូវបាន​លោក គឹម ចន្ថា អ្នកយក​ព័ត៌មាន​មជ្ឈមណ្ឌល​ព័ត៌មាន ដើមអម្ពិល យកទៅ​ប្រគល់ជូន​ដល់​ដៃ​ស្ត្រី​រងគ្រោះ នៅក្នុង​មន្ទីរពេទ្យ​កាល់ម៉ែ​ត កាលពី​ថ្ងៃ​សុក្រ ទី​៣១ ខែកក្កដា កន្លងទៅនេះ​។​
​អ្នកស្រី ស្រេង ស្រី​អាង និង​ស្វាមី លោក សុខ ស្រ៊ៀង បាន​ថ្លែងថា ពួកគាត់​គ្មាន​អ្វី​ឆ្លើយតប​ទៅ​នឹង​ក្តី​សណ្តោស​ប្រ ណី ដ៏​ធំធេង របស់​សម្តេច​កិត្តិ​ព្រឹទ្ធ​បណ្ឌិត និង​សប្បុរសជន​នោះទេ គឺមាន​តែ​ម្រាមដៃ​ដប់​លើកឡើង​ប្រណម​ថ្លែង​អំ ណរ​គុណ និង​បួង​សួរ​ដល់​វត្ថុ​ស័ក្តិ​សិទ្ធ​ក្នុង​លោក តាម​ជួយ​បីបាច់​ថែរក្សា សម្តេច​កិត្តិ​ព្រឹទ្ធ​បណ្ឌិត និង​សម្បុរ​ស​ជន ឲ្យបាន​ជួប​តែ​សេចក្តីសុខសប្បា​យ និង​ជោគជ័យ​គ្រប់​ភារកិច្ច​៕ST-160 ST-161

Copyright © 2010-2021 · អរិយធម៌ · All Rights Reserved.
Develop by Sek Sathya