ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» ព័ត៌មានជាតិ » សមត្ថកិច្ច​នគរបាល​ស្រុក​កោះ​ញ៉ែ​ក​ឃាត់​រថយន្ដ​2​គ្រឿង​បន្ទាប់​ពី​សង្ស័យថា​ដឹក​សារធាតុ​គ្រឿងផ្សំ​រំសេវ​ជាតិ​ផ្ទុះ​ ​

សមត្ថកិច្ច​នគរបាល​ស្រុក​កោះ​ញ៉ែ​ក​ឃាត់​រថយន្ដ​2​គ្រឿង​បន្ទាប់​ពី​សង្ស័យថា​ដឹក​សារធាតុ​គ្រឿងផ្សំ​រំសេវ​ជាតិ​ផ្ទុះ​ ​

មណ្ឌលគិរី​៖ ចាប់ឃាត់រថយន្ដនៅវេលាម៉ោង4ទាបភ្លឺថ្ងៃទ29ឈានចូលថ្ងៃទី30ខែកក្កដាឆ្នាំ2015 បន្ទាប់ពី​មាន​ការពិនិត្យ​យ៉ាង​យកចិត្តទុកដាក់ និង​ល្អិតល្អន់​ទៅលើ​សារធាតុ​ម្យ៉ាង​ដែល​មន្ត្រី​នគរបាល​ស្រុក​កោះ​ញែក បាន​ឃាត់ សង្ស័យថា​ជា​ធាតុ​ផ្សំ​សម្រាប់​ធ្វើ​គ្រឿង​បំផ្ទុះ​នោះ មកទល់​និង​ពេល​នេះ​នាយកដ្ឋាន​គ្រប់គ្រង​អាវុធជាតិផ្ទុះ​បាន​ពិនិត្យ​រួច ហើយ ដោយ​សារធាតុ​ទាំងអស់នោះ ជា​គ្រឿងផ្សំ​ដើម្បី​បន្សុទ្ធ​មាស​តែប៉ុណ្ណោះ មិនមែន​ជា​គ្រឿងផ្សំ​ធ្វើ​គ្រឿង​បំផ្ទុះ​ទេ នេះ​បើ​តាម​ការឲ្យដឹង ពី​លោក ញែម វ៉ាន​នី ស្នងការ​នគរបាល​ខេត្ត​មណ្ឌលគិរី ។ លោក ញែម វ៉ាន​នី បានឲ្យដឹង​ទៀតថា សារធាតុ​ទាំងអស់នោះ​គឺមាន​៣​ប្រភេទ ក្នុងនោះ​ទី​១​ជា​ប្រភេទ​ម្សៅ​ពណ៌​ស គេ​ហៅ ម្សៅ​សូ​ដា ទី​២​ជា​ប្រភេទ​ម្សៅ​ពណ៌​ខ្មៅ គេ​ហៅ​ធ្យូង​ដូង ទី​៣​ជា​ប្រភេទ​សារធាតុ​ម្យ៉ាង​ដែល​សណ្ឋាន​ដូច​ដុំ​ថ្ម​តូច គេ​ហៅ​ជី​ង​ឆាន ។ លោក​បន្តថា បច្ចុប្បន្ន​វត្ថុតាង​ទាំងអស់​រួម​ទាំង​មនុស្ស​ចំនួន​៧​នាក់ កំពុង​ឃាត់ខ្លួន​បណ្ដោះអាសន្ន​សិន​នៅ​ស្នងការដ្ឋាន​នគរបាល​ខេត្ត រងចាំ​យោបល់​ពី​លោក​ព្រះរាជអាជ្ញា ថា​និង​នឹង​ត្រូវ​ដូចម្ដេច​ចំពោះ​ករណី​នេះ ហើយ​ចំពោះ​មនុស្ស​៦​នាក់​ផ្សេង​ទៀត​ក្រៅ​ពី​ជនជាតិ​ចិន រូបនោះ ដែល​ជា​ម្ចាស់​ឡាន តៃកុង​ឡាន ព្រូឡាន និង​អ្នកបកប្រែ អាច​នឹង​មិន​មាន​ការ​ជាប់​ពាក់ព័ន្ធ​ក្នុងករណី​នេះ​ឡើយ ដោយសារតែ ពួក​គេ​គ្រាន់តែ​ជា​មនុស្ស​ដែល​ជនជាតិ​ចិន​នោះ​ជួល​តែប៉ុណ្ណោះ ។ លោកស្នងការ​បាន​បញ្ជាក់​ទៀតថា ជនជាតិ​រូបនោះ​អាច​នឹង​មិន​មាន​ទោសទណ្ឌ​ធ្ងន់ធ្ងរ​ឡើយ ដោយ​រូបគេ​មាន​ឯកសារ​ឆ្លងដែន​ត្រឹមត្រូវ គ្រាន់​តែ​ទំនិញ​ដែល​គេ​ដឹកជញ្ជូន​នោះ​គ្មាន​ច្បាប់ទម្លាប់ ដូច្នេះ​ចំពោះ​ចំណាត់ការ​តាម​ផ្លូវច្បាប់ គឺ​អាចឲ្យ​គេ​បង់ព​ន្ធ​លើ​ទំនិញ​ទាំងនោះ ឲ្យបាន​ត្រឹមត្រូវ​ជូន​រដ្ឋ ។ លោក​បញ្ជាក់ទៀតថា ទាក់ទិន​ទៅ​នឹង​ចម្ងល់​នានា​ដែល​លើកឡើង​ថា ហេតុ​អ្វី​ទើប​ជនជាតិ​ចិន​នោះ​ដឹក​ទំនិញ​នោះ​យក​មក​ទុក​ក្នុង​ក្រុង​សែន​មនោ​រម្យ ខេត្ត​មណ្ឌលគិរី មិន​ដឹកយក​ទៅ​ក្រុមហ៊ុន​ដែល​នៅ​ខេត្ត​ព្រះវិហារ​តែម្ដង គឺ​ដោយសារតែ​នេះ គឺជា​វិធីសាស្ត្រ​ក្នុងការ​ធ្វើ​ជំនួញ​របស់គេ ដើម្បី​រក​ផលចំណេញ​តែប៉ុណ្ណោះ ។ សូម​រម្លឹក​ផងដែរ​ថា កំលាំង​នគរបាល​ស្រុក​កោះ​ញែក បាន​ធ្វើការ​ស្ទាក់​ចាប់រ​ថយ​ន្ត​សាំង​យ៉ុង​ពីរ​គ្រឿង ដែល​រថយន្ត​ទាំង​ពី​គ្រឿង​នោះ​ត្រូវបាន​គេ​សង្ស័យថា ដឹក​សារធាតុ​ផ្សំ​សំរាប់ធ្វើ​គ្រឿងផ្ទុះ​ប្រមាណ​ជិត​៧​តោន ។ ប្រតិបត្តិការ​នេះ ត្រូវបាន​ធ្វើឡើង កាលពី​ម៉ោង ៣​និង​៤៥​នាទី​ទៀ ប​ភ្លឺ ថ្ងៃទី ៣០ ខែកក្កដា ឆ្នាំ​២០១៥ ត្រង់​ចំណុច​ក្បែ​ស្ពាន​អូរ​ច្បារ ស្ថិតក្នុង​ភូមិ​ថ្មី ឃុំ​ស្រែ​ហ៊ុយ ស្រុក​កោះ​ញែក ខេត្ត​មណ្ឌលគិរី និង​បាន​បញ្ជូន​វត្ថុតាង​អស់នោះ រួម​និង​មនុស្ស​៧​នាក់ មក​ស្នងការដ្ឋាន​នគ​របាល​ខេត្ត​នៅ​រសៀល​ថ្ងៃ​ដដែល​នោះ ដើម្បី ធ្វើការ​សាកសួរ និង​ពិសោធន៍​បន្ថែម​ទៅលើ​សារធាតុ​នោះ ។ ហើយ​មនុស្ស​ទាំង​៧​នាក់​នោះ ទី​១​ឈ្មោះ ស៊ិវ ហ្វេ ភេទ​ប្រុស អាយុ​៣៩​ឆ្នាំ ជនជាតិ​ចិន ជា​ម្ចាស់​ទំនិញ ទី​២​ឈ្មោះ សេង ហុង ភេទ​ប្រុស អាយុ​២៧​ឆ្នាំ ជា​អ្នកបកប្រែ ទី​៣​ឈ្មោះ តុង តាវ ភេទ​ប្រុស អាយុ​៣៥​ឆ្នាំ ជា​ម្ចាស់​រថយន្ត​ទាំងពីរ ទី​៤​ឈ្មោះ ស៊ាន ជាង ភេទ​ប្រុស អាយុ​៣៥​ឆ្នាំ ជា​អ្នកបើកបរ​រថយន្ត ទី​៥​ឈ្មោះ ឆុន ឈៀង ភេទ​ប្រុស អាយុ​៣៥​ឆ្នាំ ជា​អ្នកបើកបរ​រថយន្ត ទី​៦​ឈ្មោះ ជា ជាង ភេទ​ប្រុស អាយុ​២៨​ឆ្នាំ ជា​ព្រូឡាន ទី​៧​ឈ្មោះ ហាក់ មករា ភេទ​ប្រុស អាយុ​៣១​ឆ្នាំ ជា​ព្រូឡាន ហើយ​អ្នក​ទាំង​៦​នាក់​នេះ​ជា​ជនជាតិ​ខ្មែរ ។ ហើយ​បើ​តាម​សម្ដី​របស់​ម្ចាស់​រថយន្ត​ទាំង​ពីរ​គ្រឿង ដែល​ជនជាតិ​រូប​នោះ​ជួល​ដឹកទំនិញ គឺ​គេ​ជួល​ក្នុង​មួយ​ឡាន​៦០០ ដុល្លា ដោយ​ប្រាប់ថា​ជា​ជី ៕ ដោយ​៖ ឌឹ​ម សឿន​
11780616_1622726797970381_1603663469_n 11790348_1622726781303716_1334770347_o 11791648_1622726831303711_22671093_n 11815768_1622726801303714_108094784_n 11830156_1622726764637051_1037416918_n 11832066_1622726777970383_428945401_o

Copyright © 2010-2021 · អរិយធម៌ · All Rights Reserved.
Develop by Sek Sathya