ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » អធិការ​ស្រុក​អូ​រយ៉ា​ដាវ ជាប់ចោទ​ពីបទ​រំលោភ​នារី​មិន​គ្រប់ទឹក​

អធិការ​ស្រុក​អូ​រយ៉ា​ដាវ ជាប់ចោទ​ពីបទ​រំលោភ​នារី​មិន​គ្រប់ទឹក​

​រតនគិរី ៖ ជនរងគ្រោះ​ពីរ​នាក់​ម្ដាយកូន បានមក​ដាក់ពាក្យ​បណ្ដឹង​ទៅ​សាលាដំបូង​ខេត្តរតនគិរី ចោទ​លោក ជួប វណ្ណ​រក្ស អធិការនគរបាល​ស្រុក​អូ​រយ៉ា​ដាវ និង​បក្សពួក​ចំនួន​៣​នាក់​ឃុបឃិត​គ្នា​លោម​យក​កូនស្រី​គាត់​ទៅ​ឲ្យ​អធិការ រំលោភ​បានសម្រេច​២​លើក រួច​គំរាម​សម្លាប់ បើ​នាង​ហ៊ាន​ប្រាប់​គេ ពី​ករណីនេះ ជនរងគ្រោះ​ពីរ​នាក់​ម្ដាយកូន​បាន​ប្ដឹង​ទារជំងឺចិត្ត​២​ម៉ឺន​ដុល្លារ​។​

 
​ករណី​ខាងលើនេះ ស្ត្រី​ជា​ម្តាយ និង​កូនស្រី​រងគ្រោះ​បាន​រៀបរាប់​ដូចគ្នា​ថា គាត់​ជា​ម្ដាយ​មានឈ្មោះ សេន ស៊ី​លិ​ក អាយុ​៥៧​ឆ្នាំ និង​កូនស្រី​ឈ្មោះ ន ល ត អាយុ​២១​ឆ្នាំ មុខរបរ​ដើរ​ស៊ីឈ្នួល​បេះ​ម្រេច និង​ដក​ដំឡូង រស់នៅ​ភូមិ​អ៊ុន ឃុំ​លំ​ជ័រ ស្រុក​អូរ​យ៉ា​ដាវ ខេត្តរតនគិរី (​ផ្ទះ​ទល់មុខ​អធិការដ្ឋាន​ស្រុក​អូ​រយ៉ា​ដាវ​)​។​

 
​បើតាម​ការរៀបរាប់​ក្នុង​ពាក្យបណ្ដឹង​របស់​ស្ត្រី​ពីរ​នាក់​ម្តាយ​និង កូន​បាន​ឲ្យ​ដឹងថា កាលពី​ថ្ងៃទី​០៦ ខែមីនា ឆ្នាំ​២០១៥ វេលា​ម៉ោង​ប្រហែល​ម៉ោង​៨​និង​០០​នាទី​យប់ កូន​នាង​ខ្ញុំ​ឈ្មោះ ន ល ត អាយុ​២១​ឆ្នាំ មាន​ស្មារតី​មិន​ពេញលក្ខណៈ បាន​ដើរ​ចេញពីផ្ទះ​ដើម្បី​រក​ទិញ​អី​ហូប ក៏​ស្រាប់តែ​ជួប​ឈ្មោះ ចរ ប៊ុន​សៃ ហៅ​ប៉ោយ ជា​មន្ត្រីប៉ូលិស​នៅ​អធិការដ្ឋាន​នគរបាល​ស្រុក​អូរ​យ៉ា​ដាវ បាន​បបួល​កូន​នាង​ខ្ញុំ​មករក​ហូប​អី​នៅ​ភោជនីយដ្ឋាន​ជំនោ​រាត្រី ដែលមាន​ឈ្មោះ ចរ ប៊ុន​សៃ ជា​អ្នកជិតខាង​ស្គាល់គ្នា​។ បន្ទាប់មក​បាន​នាំ​កូន​នាង​ខ្ញុំ ដោយ​មិនដឹងថា​ឈ្មោះ ចរ ប៊ុន​សៃ បាន​នាំ​ឲ្យ​ជួប​លោក​អធិការ​អូរ​យ៉ា​ដាវ​ឈ្មោះ ជួប វណ្ណ​រក្ស នោះទេ​។ ហើយ​ឈ្មោះ ជួប វណ្ណ​រក្ស បាន​ហៅ​អាហារ និង​ស្រា​បៀ​អាន់​ឆ័​រ​ចំនួន​០៦​កំប៉ុង ក្រោយមក​ឈ្មោះ ចរ ប៊ុន​សៃ បាន​ចាក់​ស្រា​បៀ​ឲ្យ​កូន​នាង​ខ្ញុំ​ផឹក​អស់​ចំនួន​០២​កំប៉ុង ធ្វើ​ឲ្យ​កូន​នាង​ខ្ញុំ​បាត់បង់​ស្មារតី នៅពេលនោះ​ឈ្មោះ ជួប វណ្ណ​រក្ស បាន​លោម​យក​កូន​នាង​ខ្ញុំ ជិះ​រថយន្ត​ម៉ាក​ហាយ​ឡេ​ឌ័​រ ពណ៌​ទឹកមាស ពាក់​ស្លាក​លេខ​៨១៨០ ហើយ​បាន​បើក​នាំ​កូន​នាង​ខ្ញុំ​ចូល​បន្ទប់​ផ្ទះសំណាក់​រតនៈ​ជូ​លី នៅ​ផ្សារ​ស្រុក​បរ​កែវ​។​

​ពេលដែល​កូន​នាង​ខ្ញុំ​បានដឹងខ្លួន ទើប​ដឹងថា​នៅផ្ទះ​សំណាក់ ពេលនោះ​ឈ្មោះ ជួប វណ្ណ​រក្ស បានធ្វើ​សកម្មភាព​រំលោភ​សេពសន្ថវៈ​មកលើ​កូន​នាង​ខ្ញុំ​រហូត​សម្រេច​។ ក្រោយមក​ឈ្មោះ ជួប វណ្ណ​រក្ស បាន​ដឹក​កូន​នាង​ខ្ញុំ​ត្រលប់មក​ផ្ទះ​មកវិញ​។ ពេលមកដល់​ជិត​ផ្ទះ​រៀប​ចុះ​ពីលើ​រថយន្ត​ឈ្មោះ ជួប វណ្ណ​រក្ស បាន​និយាយប្រាប់​កូន​នាង​ខ្ញុំ​ថា ថ្ងៃក្រោយ​បើ​ឃើញ​រថយន្ត​គាត់​ឲ្យ​ដើរចូល​ក្នុង​បន្ទប់ធ្វើការ​ទៅ​។

 


​ក្រោយមក ខែឧសភា ឆ្នាំ​២០១៥ វេលា​ម៉ោង​១១​និង​១០​នាទី​យប់ ដោយសារតែ​កូន​នាង​ខ្ញុំ​ខ្លាច​អំណាច​របស់លោក ជួប វណ្ណ​រក្ស ជា​អធិការ​ស្រុក​អូរ​យ៉ា​ដាវ កូន​នាង​ខ្ញុំ ក៏បាន​ដើរ​ចូលទៅ​កន្លែង​អធិការដ្ឋាន​នគរបាល​ស្រុក​អូរ​យ៉ា​ដាវ ពេលនោះ​លោក ជួប វណ្ណ​រក្ស បាន​លើក​កាំភ្លើង​ប្រុង​បាញ់​កូន​នាង​ខ្ញុំ​ឈ្មោះ រួច​បាន​ហៅ​កូន​នាង​ខ្ញុំ​ចូលក្នុង​បន្ទប់ធ្វើការ​របស់គាត់ ហើយក៏​បានធ្វើ​សកម្មភាព​ចាប់បង្ខំ​រំលោភ​សេពសន្ថវៈ​កូន​នាង​ខ្ញុំ​នៅលើ ប៉ៅ​អ៊ី​បានសម្រេច​ជា​លើក​ទី​២ ក្រោយ​រំលោភ​សេពសន្ថវៈ​រួច ក៏​ប្រាប់​ឲ្យ​កូន​នាង​ខ្ញុំ​ត្រលប់​ដើរទៅ​ផ្ទះ​វិញ ដោយ​ហុច​លុយ​៥០​ដុល្លារ​អាមេរិក រួច​ក៏បាន​បង្ខំ​ឲ្យ​កូន​នាង​ខ្ញុំ​ទៅធ្វើ​ការ​នៅ​ហាង​ខារ៉ាអូខេ​សប្បាយៗ​នៅ ខេត្តស្ទឹងត្រែង​។​

​បន្ទាប់​មកដល់​ថ្ងៃទី​២៩ ខែមិថុនា ឆ្នាំ​២០១៥ វេលា​ម៉ោង​៩​និង​៣០​នាទី​យប់ កូន​នាង​ខ្ញុំ​បាន​ដើរ​ចេញពីផ្ទះ​ទៅ​កន្លែង​អធិការនគរបាល​ស្រុក​អូរ​យ៉ា ដាវ​តាម​ការបញ្ជា​របស់លោក ជួប វណ្ណ​រក្ស ក៏បាន​ជួប​មន្ត្រីនគរបាល ឈ្មោះ ហាវ សុខ​ហេន បាន​យក​ឈើ​បន្ទះក្ដារ​ប្រវែង​កន្លះ​ម៉ែត្រ មក​វាយ​កូន​នាង​ខ្ញុំ​ចំ​កែងដៃ​ខាងឆ្វេង ហើយ​ឈ្មោះ ឃុ​ត វិ​ច្ច័​យ បាន​ឈរ​កាន់​បន្ទះក្ដារ​ដោយនិយាយ​គំរាម​វាយបំបាក់​ចោល​ឥឡូវ និង​ឈ្មោះ ចរ ប៊ុន​សៃ បាន​គំរាម​បាញ់សម្លាប់​កូន​នាង​ខ្ញុំ បច្ចុប្បន្ន​កូន​នាង​ខ្ញុំ​ឈ្មោះ​នាង ន ល ត មាន​សុខភាព​ទ្រុឌទ្រោម និង​មាន​ជំងឺ​ដោយសារ​ការភ័យខ្លាច​។​

 
​ក្នុង​រឿង​ចោទប្រកាន់​ខាងលើ​ត្រូវបាន​លោក ជួប វណ្ណ​រក្ស អធិការ​ស្រុក​អូ​រយ៉ា​ដាវ​បាន​ឲ្យ​អ្នកសារព័ត៌មាន​ដឹង​នៅ​ថ្ងៃទី​៥​រសៀល ថ្ងៃទី​៣០ ខែកក្កដា ឆ្នាំ​២០១៥ ថា ក្នុងករណីនេះ​ដោយ​មានការ​ញុះញង់ និង​មាន​មនុស្ស​នៅ​ពីក្រោយ​ខ្នង ចង់​ដណ្ដើម​អំណាច​របស់គាត់​។ ស្ត្រី​រងគ្រោះ​គាត់​គ្មាន​ចេតនា​ទៅ​រំលោភ​ដូច​ការចោទប្រកាន់​នោះទេ ព្រោះ​ក្មេងស្រី​នេះ​ដើរលេង​ពេលយប់ ដេក​តាមផ្លូវ​ដូច​មនុ​ស្សញៀន​ថ្នាំ​។ ចំណែក​គាត់​ជា​អ្នកមាន​មុខមាត់ និង​ជា​មន្ត្រីរាជការ​ផង​មិនអាច​ប្រព្រឹត្តិ​ដូច​ពាក្យ​ចោទប្រកាន់​នោះ ឡើយ​។​

 
​លោក ងួន គឿន ស្នងការ​នគរបាល​ខេត្ត​បាន​ឲ្យ​ដឹងថា រឿង​ខាងលើ​ពិតជា​មាន​មែន កម្លាំង​ស្នងការ​ធ្វើតាម​ដាន​ស្រាវជ្រាវ​រឿង​ករណី​ខាងលើនេះ​៕xxx

Copyright © 2010-2021 · អរិយធម៌ · All Rights Reserved.
Develop by Sek Sathya