ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ស្រឡាញ់​កូនស្រី​មិនបាន​ប៉ង​រំលោភ​ម្តាយ​មិនបាន​សម្រេច​ចាក់ឱ្យ​របួស​២​កាំបិត ប៉ូលិស​ចាប់ខ្លួនបាន​ ​

ស្រឡាញ់​កូនស្រី​មិនបាន​ប៉ង​រំលោភ​ម្តាយ​មិនបាន​សម្រេច​ចាក់ឱ្យ​របួស​២​កាំបិត ប៉ូលិស​ចាប់ខ្លួនបាន​ ​

តាកែវ ៖​ជនសង្ស័យ​ប៉ុនប៉ង​រំលោភ​មិន​សម្រេច និង​បង្ក​ឱ្យ​ស្ដ្រី​រងគ្រោះ​រងរបួស​ដោយ កាំបិត​ត្រូវបាន​ចាប់ខ្លួន​មានឈ្មោះ ញ៉ែម អន អាយុ​២៩​ឆ្នាំ រស់នៅ​ភូមិ​ផ្សារ​ជ្រែ ឃុំ​អង្កាញ់ ស្រុក​ព្រៃកប្បាស ខេត្ដ​តាកែវ​។ រីឯ​ស្ដ្រី​រងគ្រោះ​ត្រូវបាន​គេ​ស្គាល់ឈ្មោះ ឡុង ឈី អាយុ​៥៥​ឆ្នាំ រស់នៅ​ភូមិ​-​ឃុំ ស្រុក​ជាមួយ​ជនសង្ស័យ ។​
បុរស​ម្នាក់​ដែល​ត្រូវបាន​ស្ដ្រី​ម្នាក់​ចោទ​ពីបទ​ប៉ុនប៉ង​រំលោភ តែ​ពុំបាន​សម្រេច​ឈានដល់​បង្ក​របួស ស្នាម​នោះ​នៅ​ព្រឹក​ថ្ងៃទី​៣១ ខែសីហា ឆ្នាំ​២០១៣ ត្រូវបាន​សមត្ថកិច្ច​ចាប់ខ្លួន​បញ្ជូនទៅ​តុលាការ បន្ទាប់ពី​ស្ដ្រី​រងគ្រោះ បាន​ប្ដឹង​សមត្ថកិច្ច ។
​គួររំលឹកថា កាលពី​ថ្ងៃទី​២៦ ខែសីហា ឆ្នាំ​២០១៣ វេលា​ម៉ោង​២​និង​៣​នាទី​រំលង  អធ្រាត្រ បុរស​ជា​ជនសង្ស័យ​ត្រូវបាន ស្ដ្រី​រងគ្រោះ​ចោទប្រកាន់ថា បាន​ស្លៀក ខោ​លី​អូ​ចូលទៅ​បើក​មុង​ប៉ុនប៉ង​រំលោភ លើ​រូបគាត់ ហើយ​ពេលនោះ​ស្ដ្រី​រងគ្រោះ ដឹងខ្លួន​ធ្វើឱ្យ​ជនសង្ស័យ​ប្រើ​កូនកាំបិត ចាក់​បណ្ដាលឱ្យ​រងរបួស​នៅលើ​ថ្ពាល់ និង ចង្ការ រួច
​គេចខ្លួនបាត់​តែម្ដង ។ នេះ​បើ តាម​ការអះអាង​របស់​ស្ដ្រី​រងគ្រោះ​ឈ្មោះ ឡុង ឈី តែបើ​តាម​ការសារភាព​របស់ ជនសង្ស័យ​ប្រាប់​សមត្ថកិច្ច​ថា មូលហេតុ ដែល​រូបគេ​ចាក់ទៅលើ​ស្ដ្រី​រងគ្រោះ ដោយសារ​រឿង​គំនុំ​ក្រុមគ្រួសារ​គេ និង ក្រុមគ្រួសារ​ជនរងគ្រោះ​ក្នុង​ទំនាស់​មួយ ដែល​ខ្លួន​បាន​ស្រឡាញ់​កូនស្រី​ជនរងគ្រោះ តែ​ត្រូវ​ស្ដ្រី​រងគ្រោះ​បំបែក​ឱ្យ
​កូនស្រី​ទៅ រៀបការ​ជាមួយ​អ្នកផ្សេង ។​
គួរ​បញ្ជាក់ថា ជនសង្ស័យ និង​ស្ដ្រី​រង គ្រោះជា​មីង​និង​ក្មួយបង្កើត​នឹង​គ្នា ។ ដោយឡែក​ស្ដ្រី​រងគ្រោះ ឡុង ឈី បាន អះអាងថា នៅ​ថ្ងៃកើតហេតុ​ជនសង្ស័យ បាន​លប​ចូលទៅ​ខ្ទប់មាត់​របស់គាត់​ប៉ុន ប៉ង​រំលោភ តែ​ត្រូវ​រូបគាត់​រើ​បម្រាស ធ្វើឱ្យ​ជនសង្ស័យ​ប្រើ​កាំបិត​ចាក់​គាត់ បន្ទាប់មក​ក៏បាន​រត់​គេចខ្លួនបាត់​តែម្ដង​។ រហូតដល់​ថ្ងៃទី​២៩ ខែសីហា ឆ្នាំ​
២០១៣ យោងតាម​បណ្ដឹង​របស់គាត់​ជនសង្ស័យ រូបនេះ​ត្រូវ​សមត្ថកិច្ច​ឃាត់ខ្លួន​បាន​នា វេលា​ម៉ោង​៤​រសៀល ខណៈ​ជនសង្ស័យ បាន​ព្យាយាម​ចូលមក​ផ្ទះ​របស់គេ ៕

Copyright © 2010-2021 · អរិយធម៌ · All Rights Reserved.
Develop by Sek Sathya