ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » លោក សយ សុភាព ដាក់​ពាក្យសុំ​ពន្យារ​ពេល​សវនាការ​រឿងក្ដី​ជាមួយ​លោក ទូច គង្គា​ ​

លោក សយ សុភាព ដាក់​ពាក្យសុំ​ពន្យារ​ពេល​សវនាការ​រឿងក្ដី​ជាមួយ​លោក ទូច គង្គា​ ​

ភ្នំពេញ ៖ តាម​គម្រោង នៅ​ព្រឹក​ថ្ងៃទី​៣១ ខែកក្កដា ឆ្នាំ​២០១៥​ខាងមុខនេះ តុលាការ​កំពូល​នឹង​បើក​សវនាការ​ជំនុំជម្រះ​បណ្ដឹងសាទុក្ខ​របស់លោក ទូច គង្គា នាយក​គ្រប់គ្រង​កាសែត​នគរវត្ត និង​ជា​នាយការិយាល័យ​ព័ត៌មាន​ទូទៅ​នៃ​ស្នងការដ្ឋាន​ព័ត៌មាន និង​សន្តិសុខ​កងរាជអាវុធហត្ថ​លើ​ផ្ទៃ​ប្រទេស​ប្ដឹង​មិន​សុខចិត្ត​នឹង សាលដីកា​សាលាឧទ្ធរណ៍ ដែល​សម្រេច​ឱ្យ​លោក សយ សុភាព អគ្គនាយក​មជ្ឈមណ្ឌល​ព័ត៌មាន​ដើមអម្ពិល រួចផុត​ពី​បទ ”​ប៉ះពាល់​ដល់​ការ​ឆ្លងឆ្លើយ​តាម​លិខិត​”​។ ស្របពេល​ជាមួយគ្នានេះ លោក សយ សុភាព បាន​ដាក់​ពាក្យសុំ​ពន្យារ​ពេល​សវនាការ​ទៅ​ថ្ងៃក្រោយ ហើយ​តុលាការ​កំពូល​បាន​ទទួល​រួច​ហើយ នៅ​ថ្ងៃ​ទី​២៧ ខែកក្កដា ឆ្នាំ​២០១៥​។ មូលហេតុ​នៃ​ការសុំ​ពន្យារ​ពេល​នេះ គឺ​លោក សយ សុភាព មិន​បាន​ដាក់​សារ​ណា​តប​នឹង​បណ្ដឹង​សារទុក្ខ ដោយហេតុ​ថា លោក​ចៅក្រម​របាយការណ៍​មិន​បាន​ចេញ​ដីកា​បង្គាប់​ឱ្យ​ដាក់​សារ​ណា​តប​នឹង បណ្ដឹង​សារទុក្ខ​នោះ និយាយ​រួម នៅក្នុង​ដំណើរការ នីតិវិធី នៅ​តុលាការ​កំពូល គឺ​លោក​ពុំដែល​បាន​ទទួល​ឯកសារ ឬ​ព័ត៌មាន​អ្វី​ទាំងអស់​ពី​តុលាការ​។​
​សាលាឧទ្ធរណ៍ កាលពី​ព្រឹក​ថ្ងៃទី​៥ ខែ​សីហា ឆ្នាំ​២០១៣ បាន​តម្កល់​សាលក្រម​សាលាដំបូង​រាជធានី​ភ្នំពេញ​ទុកជាបានការ​ដដែល ពោល​គឺ​ឱ្យ​លោក សយ សុភាព រួចផុត​ពី​ការចោទប្រកាន់​។ មិន​សុខចិត្ត​នឹង​ការសម្រេច​នេះ​លោក ទូច គង្គា បាន​ប្តឹង​ឧទ្ធរណ៍​។​
​ចៅក្រម​សាលាឧទ្ធរណ៍ លោក ប្លង់ សំណាង ធ្លាប់​ថ្លែង​ថា លោក សយ សុភាព ត្រូវ​បាន​ប្ដឹង​ដោយ​លោក ទូច គង្គា ពីបទ​«​លួច​មើល​លិខិត​ឆ្លើយឆ្លង​សម្ងាត់ រវាង​លោក ទូច គង្គា និង​លោក​ឧកញ៉ា លឹម ប៉ុន​ហេង តាម​សារ​អេឡិចត្រូនិក​» ទាក់ទង​នឹង​ការផ្ទេរ​វិទ្យុ FM នៅក្នុង​ខេត្ត​បាត់ដំបង របស់​មជ្ឈមណ្ឌល​ព័ត៌មាន​ដើម​អម្ពិល​ឲ្យ​ស្ថិតនៅក្រោម​ការគ្រប់គ្រង​របស់ នាយ​ឧត្ដមសេនីយ៍ គន់ គីម អគ្គមេបញ្ជាការ​រង នៃ​កងយោធពល​ខេមរភូមិន្ទ កាលពី​ឆ្នាំ​២០១១​។​
​លោក​ចៅក្រម​បន្តថា នៅ​ក្នុង​សំណុំរឿង​នេះ សាលាដំបូង​រាជធានី​ភ្នំពេញ កាលពី​ថ្ងៃ​ទី​១៦ ខែ​កុម្ភៈ ឆ្នាំ​២០១២​កន្លងមក​បាន​សម្រេច​កាត់សេចក្ដី​ឲ្យ​លោក សយ សុភាព ឈ្នះ​លោក ទូច គង្គា ដោយ​សម្រេច​ឱ្យ​លោក សយ សុភាព បាន​ផុត​ពី​បទ​ចោទប្រកាន់​៕Pisey-2015-07-27-full-M

Copyright © 2010-2021 · អរិយធម៌ · All Rights Reserved.
Develop by Sek Sathya