ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ឡាន​បុក​គោយន្ត​កន្ត្រៃ ស្លាប់​ម្នាក់​រងរបួស​ធ្ងន់​ម្នាក់ ​

ឡាន​បុក​គោយន្ត​កន្ត្រៃ ស្លាប់​ម្នាក់​រងរបួស​ធ្ងន់​ម្នាក់ ​

កំពង់ឆ្នាំង​៖ សមត្ថកិច្ច​ពី​កន្លែងកើតហេតុ បានអោយដឹងថា ជនរងគ្រោះ​ដែល​ស្លាប់​ជាប់​ក្នុង​រថយន្ត ជា​អ្នកបើកបរមានឈ្មោះ សាន្ត សុឃន ភេទ​ប្រុស អាយុ​៣១​ឆ្នាំ មាន​ទីលំនៅ​ភូមិ​ស្បូវ​រីក ឃុំ​លាជ ស្រុក​ក្រវាញ ខេត្តពោធិសាត់ រីឯ​ជន​រង គ្រោះ​របួសធ្ងន់ ជា​អ្នកបើក​គោយន្ត មានឈ្មោះ សាង សុ​ពិត អាយុ ២៨​ឆ្នាំ ភេទ​ប្រុស រស់នៅ​ភូមិ​សន្លង់ ឃុំ
​ត្រពាំង​ចាន់ ស្រុក​បរិបូណ៌ ខេត្តកំពង់ឆ្នាំង​។​
​យ៉ាងហោចណាស់​មាន​មនុស្ស​ម្នាក់ បាន​ស្លាប់​ជាប់ នៅក្នុង​រថយន្ត និង​ម្នាក់​ផ្សេងទៀត​រងរបួស​ធ្ងន់ ក្នុង ឧបទ្ទវហេតុ គ្រោះថ្នាក់​ចរាចរណ៍​មួយ​បានកើត​ឡើង ដោយ​រថយន្ត​កាមរី​ហើម​ស៊េរី ឆ្នាំ​១៩៩២ ពណ៌​ទឹកមាស ពាក់​ស្លាក​លេខ បាត់ដំបង 2A-3271 បុក​គោយន្ត​កន្ត្រៃ​ពីក្រោយ កាលពី​វេលា​ម៉ោង​៩​និង​៣០​នាទី យប់​ថ្ងៃទី​៣០ ខែសីហា ឆ្នាំ​២០១៣ នៅលើ​ផ្លូវជាតិ​លេខ​៥ ចន្លោះ​គីឡូម៉ែត្រ លេខ​១២៩ និង​លេខ​១៣០ ស្ថិតនៅក្នុង​ភូមិសាស្ត្រ ភូមិ​កណ្តាល ឃុំ​ត្រពាំង​ចាន់ ស្រុក​បរិបូណ៌ ខេត្តកំពង់ឆ្នាំង​។​
​ប្រភពព័ត៌មាន​ផ្សេង​មួយទៀត បានអោយដឹងថា រថយន្ត​ក្នុង​គ្រោះថ្នាក់​ចរាចរណ៍​ខាងលើ គឺជា​រថយន្ត សម្រាប់​បិទ គូទ​កាង​រថយន្ត ក្នុង​សកម្មភាព​ដឹកឈើ​គ្រញូង ចេញពី​ទឹកដី​ខេត្តពោធិសាត់ ឆ្ពោះទៅកាន់ ខេត្តកំពង់ចាម និង​ឆ្លងដែន លក់​អោយ​ឈ្មួញ​វៀតណាម ប៉ុន្តែ​សំណាងអាក្រក់ មកដល់​កន្លែងកើតហេតុ ក៏បាន​បុក​គោយន្ត​កន្ត្រៃ ដឹកអុស​ពី ក្រោយ​ពេញ​មួយ​ទំហឹង​តែម្តង​៕

Copyright © 2010-2021 · អរិយធម៌ · All Rights Reserved.
Develop by Sek Sathya