ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី! សៀ ម៉ុ​ន ខ្លាំងមែន មិន​ត្រឹម​ទិញ​ព្រៃ​ក្រៅ​តំបន់ទេ មាន​ប្រមូល​​ឈើ​ប្រណីត​រាប់​សិប​តោន​ចូល​​ទៀត​  ||     លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||   

» ព័ត៌មានជាតិ » ព្រឹទ្ធសភា ប្រជុំពិភាក្សា អនុម័ត​សេចក្តីព្រាងច្បាប់ សមាគម និង​អង្គការ​មិនមែន​រដ្ឋាភិបាល​

ព្រឹទ្ធសភា ប្រជុំពិភាក្សា អនុម័ត​សេចក្តីព្រាងច្បាប់ សមាគម និង​អង្គការ​មិនមែន​រដ្ឋាភិបាល​

​ភ្នំពេញ​៖ នៅ​ថ្ងៃទី​២៤ ខែកក្កដា​នេះ ព្រឹទ្ធសភា បាន​បើក​សម័យប្រជុំ​របស់ខ្លួន​លើក​ទី​៧ នីតិកាល​ទី​៣ ដោយមាន​កូរ៉ុម​ចំនួន​៤៤​រូប ប៉ុន្តែ​ក្រុម​សមាជិក​ព្រឹទ្ធសភា នៃ​គណបក្ស​សមរង្ស៊ី បានធ្វើ​ពហិការ​មិន​ចូលរួម​ប្រជុំពិភាក្សា និង​អនុម័ត​សេចក្តីព្រាងច្បាប់ សមាគម និង​អង្គការ​មិនមែន​រដ្ឋាភិបាល ។ ទោះជា​យ៉ាងណា ព្រឹទ្ធសភា បានអនុម័ត​សេចក្តីព្រាង ច្បាប់​នេះដែរ តាម​សំឡេង​គ្រប់គ្រាន់​។​

​របៀបវារៈ​សម័យប្រជុំ នៅថ្ងៃនេះ មាន​ចំនួន​២​គឺ​៖
១.​ការប្រកាស​ទទួលស្គាល់​សមាជិក​ព្រឹទ្ធសភា​ថ្មី​។​
២.​ពិនិត្យ និង​ផ្តល់យោបល់ លើ​សេចក្តីព្រាងច្បាប់ ស្តីពី​សមាគម និង​អង្គកា​មិនមែន​រដ្ឋាភិបាល​។​

សេចក្តីព្រាងច្បាប់ ស្តីពី​សមាគម និង​អង្គកា​មិនមែន​រដ្ឋាភិបាល នេះ​មាន​ចំនួន ៩ ជំពូក និង ៣៩ មាត្រា ដែល​ត្រូវបាន​សភាជាតិ យកទៅ​ពិភាក្សា និង​អនុម័ត កាលពី​ថ្ងៃទី​១៣ ខែកក្កដា ឆ្នាំ​២០១៥ រួចហើយ ដោយមាន​សម្លេងគាំទ្រ ចំនួន ៦៨ សំឡេង ដោយ ក្រុម​សមាជិកសភា នៃ​គណបក្ស​សង្គ្រោះ​ជាតិ ធ្វើពហិការ មិន​ចូលរួម​ពិភាក្សា​សេចក្តីព្រាង ច្បាប់ ស្តីពី​សមាគម និង​អង្គកា​មិនមែន​រដ្ឋាភិបាល នេះ​ទេ​។​

នៅក្នុង​សម័យប្រជុំ នៅថ្ងៃនេះ​ដែរ សមាជិក​ព្រឹទ្ធសភា បានផ្តល់​យោបល់​ថា ត្រូវតែ​មានច្បាប់​ស្តីពី​សមាគម និង​អង្គកា​មិនមែន​រដ្ឋាភិបាល ពីព្រោះ​នៅក្នុង​គោលការណ៍​នីតិរដ្ឋ និង​គោរព​រដ្ឋធម្មនុញ្ញ ចែង​អំពី​សិទ្ធិសេរីភាព នៃ​ការចូលរួម​បង្កើត​សមាគម អង្គការក្រៅរដ្ឋាភិបាល និង​សេរីភាព​បញ្ចេញមតិ និង​សេរីភាព​ចូលរួម ក្នុង​សកម្មភាព​នយោបាយ​។​

ទោះបីជា​សមាជិក​ព្រឹទ្ធសភា នៃ​គណបក្ស​សមរង្ស៊ី មិន​ចូលរួម​ប្រជុំ ក៏​ពុំមាន​ឧបសគ្គ នៅក្នុង​ការប្រជុំ​ពិភាក្សា និង​ការ​ផ្តល់យោបល់​លើ សេចក្តីព្រាងច្បាប់ ស្តីពី​សមាគម និង​អង្គកា​មិនមែន​រដ្ឋាភិបាល​ឡើយ គឺ​ព្រឹទ្ធសភា បានអនុម័ត​សេចក្តីព្រាងច្បាប់ សមាគម និង​អង្គកា​មិនមែន​រដ្ឋាភិបាល នេះដែរ​។​

​នៅ​កម្ពុជា មាន​សមាគម និង​អង្គការ​មិនមែន​រដ្ឋាភិបាល ចំនួន​ជិត ៤.០០០ និង​អង្គការ​ស​មាគ​អន្តរជាតិ ចំនួន​ជិត ៤០០ ដែល​បាន​ចុះបញ្ជី នៅ​ក្រសួងការបរទេស​។ បន្ទាប់ពី​ច្បាប់​នេះ ចូល​ជា​ធរមាន​គឺ សមាគម​និង​អង្គកា​មិនមែន​រដ្ឋាភិបាល ដែល​បាន​ចុះបញ្ជី នៅ​ក្រសួងមហាផ្ទៃ និង​ក្រសួងការបរទេស​រួច​ហើយ​នោះ មិន​តម្រូវ​ឲ្យ​សុំ​ចុះបញ្ជី​កា​ទៀតឡើយ គឺ​ច្បាប់​នោះ អនុញ្ញាត​ឲ្យ​ចុះបញ្ជី​ជា​ស័​យ្វ​ប្រវត្តិ​តែម្តង​។​

នៅថ្ងៃនេះ​ដែរ មាន​ក្រុម​មេដឹកនាំ​នៃ សមាគម​និង​អង្គកា​មិនមែន​រដ្ឋាភិបាល រាប់រយ​នាក់ រួមទាំង​ព្រះសង្ឃ​ផង​នោះ មក​ប្រមូល​ផ្តុំគ្នា នៅខាងមុខ​វិមាន​ព្រឹទ្ធសភា តវ៉ា​សុំ​ឲ្យ​ព្រឹទ្ធសភា ច្រានចោល​កុំ​ពិនិត្យ និង​កុំ​ពិភាក្សា​សេចក្តីព្រាងច្បាប់ ស្តីពី​សមាគម និង​អង្គកា​មិនមែន​រដ្ឋាភិបាល ដែល​ក្រុម​នោះ យល់ថា ជាការ​រឹតត្បិត​សេរីភាព បញ្ចេញមតិ សេរីភាព និង​ការជួបជុំ នៃ​ការបង្កើត​សមាគម អង្គការក្រៅរដ្ឋាភិបាល​។​ល​៕ sd dsf

Copyright © 2010-2021 · អរិយធម៌ · All Rights Reserved.
Develop by Sek Sathya