ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» ព័ត៌មានជាតិ » លោក លឹម គានហោ ចុះ​ជួយ​អន្តរាគមន៍ បូមទឹក​ដាក់​ស្រូវ ប្រជាកសិករ នៅ​ស្រុក​ឯក​ភ្នំ ​

លោក លឹម គានហោ ចុះ​ជួយ​អន្តរាគមន៍ បូមទឹក​ដាក់​ស្រូវ ប្រជាកសិករ នៅ​ស្រុក​ឯក​ភ្នំ ​

បាត់ដំបង​៖ លោក លឹម គានហោ រដ្ឋមន្ត្រី​ក្រសួង​ធនធានទឹក និង​ឧតុនិយម នៅ​ថ្ងៃ​ទី​១៩ ខែកក្កដា ឆ្នាំ​២០១៥​នេះ បាន​ដឹកនាំ​ក្រុមការងារ ចុះទៅពិនិត្យ​មើល និង​ជួយ​អន្តរាគ​ន៏ បូមទឹក​ដាក់ ស្រូវ សន្ទូង និង​ដំណាំ​ផ្សេងៗ របស់​ប្រជាកសិករ នៅ​ឃុំ​ព្រែក​នរិន្ទ ស្រុក​ឯក​ភ្នំ ខេត្ត​បាត់ដំបង ក្រោយ​ពី​ប្រជាពលរដ្ឋ នៅ​នោះ ជួប​គ្រោះ​អត់​ទឹក សម្រាប់​ស្រោចស្រព លើ​ផ្ទៃដី​ដាំ​ដុះ ទាំង​ស្រូវ និង​ដំណាំ​ផ្សេងៗ​ប្រមាណ​១១០០​ហិច​តា ។​
​លោក ចាន់ យុ​ត្ថា អ្នកនាំពាក្យ​ក្រសួង ធនធានទឹក បាន​ថ្លែងអោយដឹងថា ដោយ​មើលឃើញ​ស្ថានភាព​បែប​នេះ លោក លឹម គានហោ បាន បញ្ជា​អោយ​មន្ទីរ​ធនធានទឹក និង​ក្រុមការងារ របស់ខ្លួន ប្រើ​ម៉ាស៊ីនបូមទឹក ចល័ត​ចំនួន​២​គ្រឿង ដើម្បី​បូមទឹក ចេញ​ពី​ស្ទឹង​សង្កែ យក​ទៅ​ស្រោចស្រព ផ្ទៃដី​ស្រែ និង​ផល​ដំណាំ​របស់​ប្រជាពលរដ្ឋ ដែល​កំពុង ជួប​គ្រោះ​ធម្មជាតិ​មួយ​នេះ ។​
​ព្រោះ​តែ​ជួប​បញ្ហា​មួយ​នេះ​ជា​ញឹកញាប់ និង​ការប្រើ​ម៉ាស៊ីនបូមទឹក​ចល័ត មានការ​ខ្វះខាត​នោះ មេឃុំ​ព្រែក​នរិន្ទ និង​ប្រជាពលរដ្ឋ បាន​ស្នើសុំ អោយជួយ​ដំឡើង​ស្ថានីយ៏​បូមទឹ​កមួយ នៅ​ក្បាល​ព្រែក​នរិន្ទ តែម្តង ពី​ព្រោះ​ថវិកា​របស់​ឃុំ មាន​ត្រឹមតែ ១៥០០០​ដុល្លារ ដូច្នេះ​មិន​អាច​ធ្វើ​ស្ថានីយ៏​បូមទឹក​មួយ​នេះ​បាន​ទេ មានតែ​ស្នើសុំ​ពី​លោក​រដ្ឋមន្ត្រី ។​
​លោក ចាន់ យុ​ត្ថា បានបញ្ជាក់​ថា ជា​ការឆ្លើយតប និង​ចង់បាន​ទៅហើយនោះ របស់​លោក​មេឃុំ​និង​ប្រជាពលរដ្ឋ សម្រាប់​ផលប្រយោជន៏​រួម លោក​រដ្ឋមន្ត្រី បាន​ឯកភាព ដោយ​ជួយ​ចេញ​បង្គ្រប់ លើ​ថវិកា ដែល​ឃុំ​មាន ហើយ​តាម​ការវាយតម្លៃ របស់​មន្ត្រី​ជំនាញ បានបង្ហាញ​ថា ទាំង​ការរៀបចំ​ប្រព័ន្ធ​ហេដ្ឋារចនាសម្ព័ន្ធ ការស្តា​ប្រឡាយ និង​ការដំឡើង​ស្ថានីយ៏ អោយ​ដូច​ទៅ​ហ្នឹង​ស្ថានីយ៏​តេជោ សែន ទី​៤៧ នោះ​គឺ​ត្រូវ​ចំណាយ ចម្លោះ​ពី​៦ ទី​៧​មឺ​ុ​ន​ដុល្លារ ហើយ​លោក​រដ្ឋមន្ត្រី នឹង​ចាត់​អោយ​ក្រុមការងារ បច្ចេកទេស និង​មន្ត្រី​ជំនាញ​ចុះ​មក​ពិនិត្យ​មើល​ការងារ ដើម្បី​រៀបចំ​ធ្វើ​។​
​ក្រោយ​ទទួល​បានករ​យល់ព្រម​ពី​លោក លឹម គានហោ ភ្លាម លោក​មេឃុំ​ព្រែក​នរិន្ទ តាងនាម​អោយ​ប្រជាពលរដ្ឋ នៅក្នុង​ភូមិ​ទាំង​១០ បាន​ថ្លែងអំណរគុណ​យ៉ាងខ្លាំង ហើយ​នឹង​លែង​ជួប​ការខ្វះខាត​ទឹក សម្រាប់​ស្រោចស្រព ផ្ទៃដី​ស្រែ និង​ផលដំណាំ​ទៀតហើយ នា​ឆ្នាំ​ខាងមុខ​៕v_0664 v_0666 v_0669

Copyright © 2010-2021 · អរិយធម៌ · All Rights Reserved.
Develop by Sek Sathya