ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ក្រាល​បេតុង​ឆ្អឹង​ដែក​លើ​កំណាត់​ផ្លូវ​លេខ​៣៧១ អភិបាល​​រាជធានី​ដឹកនាំ​​មន្ត្រី​ជំនាញ​ចុះ​​ធ្វើការ​ត្រួតពិនិត្យ

ក្រាល​បេតុង​ឆ្អឹង​ដែក​លើ​កំណាត់​ផ្លូវ​លេខ​៣៧១ អភិបាល​​រាជធានី​ដឹកនាំ​​មន្ត្រី​ជំនាញ​ចុះ​​ធ្វើការ​ត្រួតពិនិត្យ

ភ្នំពេញ ៖ កាលពី​ព្រឹក​ថ្ងៃទី​៣០ ខែសីហា ឆ្នាំ​២០១៣ លោកប៉ា សុជាតិ​វង្ស អភិបាល​រាជធានី​បាន​ដឹកនាំ​មន្ត្រី​ជំនាញ​ចុះ​ធ្វើការ​ត្រូតពិនិត្យ​សំដៅ ធ្វើយ៉ាងណា​អោយ​ក្រុមហ៊ុន​ដែល​ទទួល​ម៉ៅការ​ការដ្ឋាន​នេះ​ស្ថាបនា​អោយបាន ត្រឹមត្រូវ​តាម​លក្ខណៈ​បច្ចេកទេស​ប្រើប្រាស់​ជាប់​បានយូរ​។​
​ការស្ថាបនា​ផ្លូវ​៣៧១ នេះ​ឡើង​គឺ​ពិតជា​ទទួល​បានការ​សាទរ​យ៉ាងខ្លាំង​ពី​សំណាក់​បងប្អូន ប្រជាពលរដ្ឋ​ដែល​ម្នាក់ៗ​គិតថា បន្ទាប់ពី​ផ្លូវ​នេះ​ចាក់​ក្រាល​បេតុង​រួចរាល់​វា​នឹងធ្វើ អោយ​យើង​គ្រប់គ្នា​ធ្វើដំណើរ​បាន​ស្រួល​វិញ ។ កំណាត់​ផ្លូវ​លេខ​៣៧១ ត្រូវបាន​បើក​ការដ្ឋាន​ជួសជុល​កាលពី​រសៀល​ថ្ងៃទី​១១ ខែមិថុនា ឆ្នាំ​២០១៣ ដោយបាន​អញ្ជើញ​ជា
​អធិបតីភាព​លោកប៉ា សុជាតិ​វង្ស​អភិបាល​រាជធានី​ភ្នំពេញ​។ មន្ត្រី​សាលា​រាជធានី​ភ្នំពេញ​បានអោយដឹងថា កំណាត់​ផ្លូវ​លេខ​៣៧១ ទំនប់​បឹងទំពុន​ត្រូវបាន​ស្ថាបនា​ឡើងជា​ផ្លូវ​បេតុង​ឆ្អឹង​ដែក​១​ខ្សែ ប្រវែង​៤៣១០​ម៉ែត្រ ទទឹង​១១​ម៉ែត្រ កំរាស់​២​តឹក​កន្លះ ហើយ​ផ្លូវ​១​ខ្សែ​នេះ​ប្រាកដជា​បាន​ជួយ​សំរួល​ដល់​ការធ្វើដំណើរ​របស់​បង ប្អូន​ប្រជាពលរដ្ឋ​នៅ​តំបន់
​នេះ​ក្នុងការ​ធ្វើដំណើរ​ឆ្លងកាត់​ប្រកបការងារ ដឹក​កសិផល​យកមក​លក់​នៅ​ទីផ្សារ​បាន​ស្រួល និង ចំណេញ​ពេលវេលា ជាពិសេស​គឺ​ធានា​រថយន្ដ​ធុន​ធំ​ដឹក​ធ្ងន់​ឆ្លងកាត់​លើ​កំណាត់​ផ្លូវ​នេះ​ផង ដែលជា​ផ្លូវ​វាង​ក្រុង​ដ៏​សំខាន់​ក្នុងការ​បញ្ចៀស​ចរាចរ​ណ៍​កុំឱ្យ កកស្ទះ​ក្នុង​ក្រុង​ផង​។ ដើមឡើយ​ផ្លូវ​១​ខ្សែ​នេះ​ជា​ផ្លូវ​កៅស៊ូ​ដែល​ជប៉ុន​គេ​ធ្វើការ​ជួសជុល​ឱ្យ ចាប់ពី
​គល់ស្ពាន​ភូមិ​ម័ល (​ស្ពានដែក​) ដល់ ផ្លូវ​២៧១ ប្រវែង​៤៣១០​ម៉ែត្រ ចាប់តាំងពី​ឆ្នាំ​២០០៦​មកម្ល៉េះ​។ ផ្លូវ​នេះ​ត្រូវ​ប្រើ​រយៈពេល​នៃ​ការស្ថាបនា​អោយ​រួចរាល់​ក្នុង​រយៈពេល​៥​ខែ គឺ​គិត​ចាប់​ថ្ងៃ​បើក​ការដ្ឋាន ដោយបាន​ចំណាយ​ថវិកា​អស់​ជាង​២​លាន​ដុល្លារ​អាមេរិក​ដែលជា​ថវិកា​របស់​សាលា រាជធានី​ភ្នំពេញ​ទាំងស្រុង​៕

Copyright © 2010-2021 · អរិយធម៌ · All Rights Reserved.
Develop by Sek Sathya