ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||   

» Breaking News, ព័ត៌មានជាតិ » ប្រធាន​មន្ទីរ​ធម្មការ​ខេត្ត​កែប​ប្រមូលប្រាក់​ពុករលួយ​បាន​មិន​ចាញ់​ប្រធាន​មន្ទីរ​ខេត្ត​ធំ​ ​

ប្រធាន​មន្ទីរ​ធម្មការ​ខេត្ត​កែប​ប្រមូលប្រាក់​ពុករលួយ​បាន​មិន​ចាញ់​ប្រធាន​មន្ទីរ​ខេត្ត​ធំ​ ​

កែប​៖  រឿងអាស្រូវ​ពុករលួយ​ដែល​គេ​នឹកស្មាន​មិន​ដល់ គឺ​បាននិងកំពុង​កើតឡើង​នៅ​មន្ទីរ​ធម្មការ​និង​សាសនា ខេត្ត​កែប ដែលមាន​លោក មៀ​ច អែម ជា​ប្រធាន​មន្ទីរ​ដែលជា​ដើមហេតុ​ធ្វើ​ឲ្យ​រដ្ឋ​បាត់បង់​ថវិកាជាតិ ទៅ​និង​ករណី នេះ​។ តាម​ប្រភព​បាន​ឲ្យ​ដឹងថា នៅ​មន្ទីរ​ធម្មការ​និង​សាសនា​ខេត្ត​កែប បើ​អ្នកមើល​ពី​សំបក​ខាងក្រៅ​គឺ​ឃើញថា មន្ទីរ​មួយ​នេះ ទាំង​ប្រធាន​មន្ទីរ​និង​អ្នក​កាន់​ការងាររដ្ឋបាល​និង​ហិរញ្ញវត្ថុ​របស់​មន្ទីរ ប្រហែលជា​រកលុយ​ផឹក​កាហ្វេ មិនបាន​ផង​។ ព្រោះ​យល់ថា​ខេត្ត​មួយ​នេះ​មាន​ផ្ទៃដី​ដ៏​តូច​បំផុត ប្រជាពលរដ្ឋ​ក៏​តិច​ហើយ​ចំនួន​វត្ត​អារាម​ក៏​តិច​ដែរ ហើយ​ការចំណាយ​ក្នុង​ការចុះ​បេសកកម្ម​របស់​មន្ត្រី​ម្នាក់ៗ ទៅកាន់​មូលដ្ឋាន​ក៏​ទទួលបាន​ប្រាក់​តិច​ដែរ ដោយសារ តែ​វា​ពុំមាន​ចំណាយ​ឆ្ងាយ​ដូច​នៅ​ខេត្ត​ដទៃ ដែល​ទទួល​ប្រាក់​បេសកកម្ម​ច្រើន​។​
សំរាប់​មន្ត្រី​នៅក្នុង​មន្ទីរ​មួយ​នេះ បាន​អះអាងថា បើ​ក្រ​ឡែក​ទៅ​មើល​ទិដ្ឋភាព​ខេត្ត​កែប​នោះ​វា​ផ្សេង ប៉ុន្តែ​អ្វីដែល ជាការ​ជាក់ស្តែង​នៅក្នុង​មន្ទីរ​គឺ​វា​មិន​ដូចគ្នា​ទេ ដូចជា​នៅ​ឆ្នាំ​២០១៤ លោក​ប្រធាន​មន្ទីរ មៀ​ច អែម រួម​និង​បក្សពួក របស់គាត់​បាន​រួមដៃគ្នា ប្រព្រឹត្ត​អំពើពុករលួយ​ដោយ​កិបកេង​ប្រាក់​សំរាប់​ថែទាំ​និង​ជួសជុល​អគារ​បាន​មិនតិចជាង ៣០​លាន​រៀល​ទៀត​ទេ រួម​និង​ការ​កិបកេង​ប្រេងឥន្ធនៈ​យ៉ាងតិច​៣​ពាន់​លីត្រ ការចំណាយ​លើ​សំភារៈ ការិយាល័យ លើ​ប្រាក់​បេសកកម្ម​រួម​និង​ប្រាក់​ប្រជុំ​ប្រហែលជា​ជិត​២០​លាន​រៀល​ថែមទៀត​។ ហើយ​ថវិកា​ទាំង នោះ​គឺ​ភាគច្រើន​បានជា​ផលប្រយោជន៍​លោក​ប្រធាន​មន្ទីរ​ស្ទើរ​ទាំងអស់​។​
ហើយ​កន្លងទៅ មន្ទីរ​ធម្មការ​ខេត្ត​កែប មិនសូវមាន​សកម្មភាព​ការងារ​ដូច​នៅ​មន្ទីរ​ធម្មការ​ខេត្ត​ដទៃទៀត​ទេ ប៉ុន្តែ​សំរាប់​ការចំណាយ​ថវិកា​នៅ​មន្ទីរ​មួយ​នេះ លើ​គ្រប់ជំពូក​គឺ​បាន​ចាយ​អស់ប្រាក់​រហូត​ទៅដល់​អ​ស់​ជិត​៤០០ លាន​រៀល ស្ទើរ​ស្មើ​មន្ទីរ​ធម្មការ​នៅ​ខេត្ត​ដែលមាន​សកម្មភាព​ការងារ​ច្រើន​។ បញ្ហា​ការចាយវាយ​ថវិកា​នៅ​មន្ទីរ ធម្មការ​ខេត្ត​កែប គឺមាន​ភាពមិនប្រក្រតី​យ៉ាងច្រើន ប៉ុន្តែ​កន្លងមក​ទាំង​ថ្នាក់ដឹកនាំ​ក្រសួង​ធម្មការ​និង​ក្រសួង​ស្ថាប័ន ពាក់ព័ន្ធ​គឺ​មិនបាន​ចាប់អារម្មណ៍​នោះទេ​។​
តាម​មន្ត្រី​នៅ​មន្ទីរ​ធម្មការ​ខេត្ត​កែប ទទូច​សុំ​លោក​រដ្ឋមន្ត្រីក្រសួង​ធម្មការ​និង​សាសនា​រួម​និង​ក្រសួង​ស្ថាប័ន ពាក់ព័ន្ធ​ទាំងអស់​ជួយ​ពិនិត្យ​ស្រាវជ្រាវ​ករណី​ខាងលើនេះ​៕

Copyright © 2010-2021 · អរិយធម៌ · All Rights Reserved.
Develop by Sek Sathya