ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ចាប់ពី​ថ្ងៃទី១៧ មិថុនា តទៅ​រាជធានី​ភ្នំពេញ​លែង​ខ្វះ​ភ្លើង​ទៀតហើយ​

ចាប់ពី​ថ្ងៃទី១៧ មិថុនា តទៅ​រាជធានី​ភ្នំពេញ​លែង​ខ្វះ​ភ្លើង​ទៀតហើយ​

​ភ្នំពេញ​៖ រាជធានី​ភ្នំពេញ លែង​ជួប​បញ្ហា​កង្វះ ខាត​ថាមពល​អគ្គិសនី ឬ​ការ​កាត់ផ្តាច់​ចរន្ត​ដោយ​អន្លើ​ទៀតហើយ ចាប់ពី​ថ្ងៃទី​១៧ ខែមិថុនា​នេះ​តទៅ បន្ទាប់ពី​កន្លែង​ផលិត​ថាមពល​អគ្គិសនី​ជាច្រើន​កន្លែង ត្រូវបាន​ដាក់​ឲ្យ​ដំណើរកា រ​។ នេះ​បើ​យោងតាម​ការប្រកាស​ឲ្យ​ដឹង​របស់​អគ្គិសនី​កម្ពុជា ឬ​ហៅ​ជា​ភាសា​បារាំង​ថា EDC​។​

អគ្គិសនីកម្ពុជា

​ថ្វីត្បិតតែ​គម្រោង​ដាក់​ឲ្យ​ដំណើរការ ម៉ាស៊ីន​ទីមួយ ៥០​មេ​ហ្គា​វ៉ា​ត់​នេះ កំពុងស្ថិត​នៅក្នុង​ដំណាក់កាល​សាកល្បង ដែល​អាចមាន​ការរអាក់រអួល​ខ្លះ​ជា យថាហេតុ​ក៏ដោយ ប៉ុន្តែ​អគ្គិសនី​កម្ពុជា​មានជំនឿថា ចាប់ពី​ឥឡូវនេះ តទៅ​វា​ជាការ​ចេញដំណើរ​ឆ្ពោះទៅ​ការរក្សា បាន​ស្ថេរភាព នៃ​ការផ្គត់ផ្គង់​សម្រាប់​ប្រព័ន្ធ​រាជធានី​ភ្នំពេញ​។​

​សេចក្តីជូនដំណឹង​នេះ​បាន​បញ្ជាក់ថា ដោយ​កំណើនសេដ្ឋកិច្ច នៃ​ប្រទេស​កម្ពុជា មាន​កម្រិត​ខ្ពស់ ស្រប​ពេលដែល គម្រោង​រោងចក្រ​ផលិត​អគ្គិសនី​មួយចំនួន កំពុងស្ថិត​នៅក្នុង​ដំណាក់កាល​សាងសង់​នៅឡើយ ការផ្គត់ផ្គង់​អគ្គិសនី  នៅក្នុង​តំបន់​រាជធានី​ភ្នំពេញ ទី​រួម​ខេត្តកណ្តាល និង​កំពង់ស្ពឺ ជួបប្រទះ​ការខ្វះខាត​ចរន្តអគ្គិសនី​រហូតដល់​ប៉ុន្មាន​ខែ មុននេះ ការ​កាត់​ចរន្តអគ្គិសនី ដល់​ជិត ៨០​មេ​ហ្គា​វ៉ា​ត់ ក្នុង​ម៉ោង​បន្ទុក​ប្រើប្រាស់​អតិបរមា​។​

​ប៉ុន្តែ​ដោយមាន​ការខិតខំ​ប្រឹង​ប្រែង​របស់​អគ្គិសនី​កម្ពុជា កន្លែង​ផលិត​ថាមពល​អគ្គិសនី​ជាច្រើន​កន្លែង​នៅ​កម្ពុជា ត្រូវ បានដាក់​ឲ្យ​ដំណើរការ ដើម្បី​ដោះស្រាយ​បញ្ហា​ទាំងអស់នេះ​។ កន្លែង​ផលិត​ថាមពល​អគ្គិសនី ដែល​ដាក់​ឲ្យ​ដំណើរ  ការ​នេះ រួមមាន​៖

១- ការវិនិយោគ​នៅ​អនុ​ស្ថានីយ​តង់ស្យុង​ខ្ពស់​២៣០​គីឡូវ៉ុល​ថ្មី នៅ​ឧ​ត្តុ​ង្គ និង​ខ្សែ​បញ្ជូន​រង​នៅ​ទីនោះ បានអនុញ្ញាត ឲ្យ​អគ្គិសនី​កម្ពុជា មានលទ្ធភាព​ថ្មី​ក្នុងការ​ស្រូបយក​ថាមពល​ពី​ប្រភព​រួម របស់​បណ្តាញ​ជាតិ មក​ផ្គត់ផ្គង់​នៅ​តំបន់ ចាប់ពី​ឧ​ត្តុ​ង្គ​ទៅ​ខេត្តកំពង់ចាម ក៏បានផ្តល់​លទ្ធភាព​បន្ថែម​ក្នុងការ​ផ្គត់ផ្គង់​អគ្គិសនី ទៅ​ខេត្តកំពង់ចាម និង​កំពង់ធំ​ផង ដែរ​។​

​ទី​២- ការរៀបចំ​ដាក់​ឲ្យ​ដំណើរការ​រោងចក្រ​អគ្គិសនី​ដើរ​ដោយ​ធ្យូងថ្ម នៅ​ខេត្ត​ព្រះសីហនុ ដែលមាន​អនុភាព ៥០​មេ ហ្គា​វ៉ា​ត់ នៃ​អនុភាព​គម្រោង​សរុប​១០០ មេ​ហ្គា​វ៉ា​ត់ នៅ​សប្តាហ៍​នេះ ក៏បាន​អនុញ្ញាត​ឲ្យ​អគ្គិសនី​កម្ពុជា អាច​ផ្គត់ផ្គង់ បន្ថែម​ឲ្យ​ប្រព័ន្ធ​រាជធានី​ភ្នំពេញ ធ្វើ​ឲ្យ​ការ​កាត់​ចរន្តអគ្គិសនី​ធំដុំ​ដូច​បាន​ជួបប្រទះ​កន្លងមក​នឹង​ពុំមាន​ទៀត​ទេ​។​

​ទោះបីជា​យ៉ាងនេះ​ក្តី EDC តាមរយៈ​លិខិត​ជូនដំណឹង​របស់ខ្លួន ក៏បាន​សម្តែង​នូវ​ការ​សូម​អភ័យទោស ចំពោះ​ការ រ អាក់រ​អួល​ចរន្ត​ផ្គត់ផ្គង់​ថាមពល​អគ្គិសនី​នាពេល​កន្លងមក ហើយ EDC បាន​ថ្លែងអំណរគុណ​ចំពោះ​អតិថិជន ធំៗ​ផងដែរ​៕​

 

Copyright © 2010-2021 · អរិយធម៌ · All Rights Reserved.
Develop by Sek Sathya