ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||     ល្បី ឈ្មួញសម្រុកដឹកជញ្ជូនឈើចេញពីឃុំកន្ទួត ស្រុកចិត្របុរី​​  ||   

» Breaking News, ព័ត៌មានជាតិ » កុងត្រូលជជុះ​ នៅតែមាន​ដាក់​តាមផ្លូវ រទេះ​ជំរិត​យកប្រាក់​ពី​អ្នកដឹកឈើ​តាម​ម៉ូតូ​

កុងត្រូលជជុះ​ នៅតែមាន​ដាក់​តាមផ្លូវ រទេះ​ជំរិត​យកប្រាក់​ពី​អ្នកដឹកឈើ​តាម​ម៉ូតូ​

​ពោធិ៍សាត់៖​:​ ​ប្រជាពលរដ្ឋ​មួយចំនួន​ដែល​តែងតែរ​ស៊ី​ដឹក​ក្រាក់​គ្រញូង​ដែល​សេសសល់​ពីមុនមក តាម​ម៉ូតូ​ជិះ​ឆ្លងកាត់​ផ្លូវ​រទេះ​ចេញពី​ភ្នំ​យាយ​ម៉ៅ​ឆ្ពោះ​មក​តាម​ច្រក​អូរ​ក្រសា បន្ត​តាមផ្លូវ​ដើម​ផ្ចឹក ឆ្លងកាត់​ភូមិ​ព្រែក​១ ឃុំ​សំរោង​មក​ឡើង​ផ្លូវ​ក្រហម​ស្ថិត​ក្នុងភូមិ​ព្រហស្ថ​ក្បាល​ឃុំ​ផ្ទះ​រុង ស្រុក​ភ្នំក្រវាញ ខេត្ត​ពោ​ធី៍​សាត់​។​


​ ​ប្រភពពី​ប្រជាពលរដ្ឋ​ម្នាក់​បាន​ឲ្យ​ដឹងថា​ក្នុង​រយះពេល​ដក​ស្ទូង​រួចរាល់​ទំនេរ​ក៍​នាំគ្នា​ទៅ​កាប់​គាស់​ឫស​ក្រាក់​គ្រញូង ដឹក​តាម​ម៉ូតូ​យកមក​លក់​គ្រាន់​បាន​កម្រៃ​ខ្លះ​យកមក​ចិញ្ចឹម​ឆ្នាំង ។​នៅពេលដែល​ក្រុម​ខ្លួន​ចេញទៅ​ព្រៃ​ម្ដងៗ​មាន​ចំនួន​៥​ទៅ​១០​ម៉ូតូ រយះពេល​ពីរ​ទៅ​បី​ថ្ងៃ​ទើប​ត្រឡប់មកផ្ទះ​វិញ ពេលមកដល់​ចំណុច អូរ​ច្រក​ក្រសា មាន​អ្នក​ឈរ​ចាំ​យកលុយ​ចំនួន​បីនាក់​ស្លៀកពាក់​ឯកសណ្ឋាន​ជា​ប៉ូលិស និង​ទាហាន ប្រដាប់​ដោយ​កាំភ្លើង​អាកា​បត់​ស្វាយ​ចំនួន​ពីរ​ដើម​។ កម្លាំង​ទាំងនោះ​បាន​ទារ​យកលុយ​ក្នុង​ម៉ូតូ​មួយគ្រឿង​ចំនួន​២​ម៉ឺន​រៀល បើ​ឲ្យ​មិន​គ្រប់​ចំនួន​គេ​ឆ្លើយថា​<<​ខាត​>> នៅ​ទិស​ខាងជើង​ដល់​ចំណុចដើម​ផ្ចិ​ក​គឺមាន​មួយកន្លែង​ទៀត ពួកគេ​មាន​គ្នា​បួន​នាក់​ប្រដាប់​ដោយ​អាវុធ​អាកា​បត់​ស្វាយ​មួយ​ដើម​បាន​ទារលុយ​ក្នុង​មួយ​ម៉ូតូ​យក​២​ម៉ឺន​រៀល​ទៀត ប៉ុន្តែ​គេ​មើល​តាម​ម៉ូតូ​ដឹក​ច្រើន​ឬ​តិច បើ​ដឹក​តិច​គេ​យកតែ​៥០០០​រៀល​ទេ​។​​
​ ​ប្រភព​ដដែល​បាន​បន្តថា ឈើ​ដែល​ដឹក​តាម​ម៉ូតូ​នោះ​គឺ​មិន​លើសពី​ដុំ​ទេ ហើយ​កម្លាំង​ឈរ​ចាំ​យកលុយ​នោះបាន​ស្គាល់ឈ្មោះ​តែ​ម្នាក់​គត់​គឺ លោក ទូច ហៅ​ធា ជា​ប្រធាន​ការពារ​ព្រៃ​សហគមន៍​នៅ​ទីនោះ ក្រៅពីនោះ​មិនបាន​ស្គាល់​ទេ​។
​ ​ចំណែក​ទីតាំង​ដែល​ពួកគេ​ឈរជើង​នោះ​គឺមាន​លក្ខណៈ​គត់មត់​ល្អ​ណាស់ គេ​ធ្វើជា​រាង​ឃ្ឃូ​សដា​ក់សសរ​បួន​កម្ពស់​ប្រហែលជា​៦​ម៉ែត្រ ប្រក់ស​ង្ក័​សី​។​នៅពេលដែល​គ្មាន​ម៉ូតូ​ដឹកឈើ​ឆ្លងកាត់​ផ្លូវ​នេះ​ពួកគេ​មិន​នៅ​កន្លែង​ទីតាំង​នេះ​ទេ គឺ​គេ​យក​អង្រឹង​ទៅ​ចង​ពួន​សំងំ​ក្នុងព្រៃ​ពេល​ម៉ូតូ​មកដល់​ទើប​គេ​ចេញមក​ស្ទាក់​យកលុយ​តែម្ដង​។
​ ​ប្រភពពី​ប្រជាពលរដ្ឋ​បាន​បន្តទៀតថា ពួក​អ្នក​ឈរ​យកលុយ​ទាំងអស់នេះ​គឺមាន​ប៉ូលិស ទាហាន និង​ប្រធាន​សហគមន៍​ការពារ​ព្រៃឈើ ពួកគេ​ហាក់បីដូចជា​ប្រឆាំងនឹង​ប្រសាសន៍​សម្ដេច​តេ​ជោ ហ៊ុន សែន ទាំងស្រុង ហើយ​ព្រោះ​សម្ដេច​ធ្លាប់​បានប្រកាស​តាម​វិទ្យុ​និង​សារព័ត៌មាន​ជាច្រើន​ថា​ហាម​មិន​ឲ្យ​កើតមាន​កុងត្រូលជជុះ​ជាដាច់ខាត​។​
​ ​ទាក់ទង​និង​ការដាក់​កុងត្រូលជជុះ​ឈរ​ស្ទាក់​ចាំ​យកលុយ​ពី​ពលរដ្ឋ​ដឹកឈើ​តាម​ម៉ូតូ​នៅ​ចំណុច​ខាងលើ លោក ទូច ហៅ ធា ប្រធាន​សមាគមន៍​ការពារ​ព្រំប្រទល់​ដែន​ព្រៃ​បម្រុង​ទុក​អចិន្ត្រៃយ៍ សង្កាត់រដ្ឋបាល​ព្រៃឈើ​សំរោង​បាន​ឲ្យ​ដឹង​តាម​ទូរ​សព្ទ័ នៅ​រសៀល​ថ្ងៃទី​២៨​ខែសីហា​ឆ្នា​២០១៣​ថា នៅ​ទីនោះ​គឺមាន​កម្លាំង​របស់លោក​មែន​។​តែ​កម្លាំង​ទាំងនោះ​នៅ​ការពារ​ព្រៃឈើ​របស់​សហគមន៍​មិនមែន​ឈរ​ចាំ​យកលុយ​ពី​ប្រជាពលរដ្ឋ ច្រើន​ដូច​ការចោទប្រកាន់​នោះទេ គឺ​គ្រាន់តែ​យកលុយ​ក្នុង​មួយ​ម៉ូតូ ២០០០​រៀល​ទៅ​៣០០០​រៀល​ប៉ុណ្ណោះ គ្រាន់​ដោះស្រាយ​ថ្លៃ​សាំង​។
​ ​លោក​បាន​បន្តថា​រឿង​កម្លាំង​ប៉ូលិស គេ​ចុះមក​ដើម្បី​បង្ក្រាប​បទល្មើស​ព្រោះថា​មាន​ម៉ូតូ​ដឹកឈើ​ឆ្លងកាត់​បំ​តន់​នេះ​ច្រើនណាស់​។ ចំពោះ​ឃ្ឃូ​ស​ដែល​សង់​ទាំងពីរ​កន្លែង​គឺ​ដើម្បី​ងាយស្រួល​ឲ្យ​កម្លាំង​ស្នាក់នៅ​ការពារ​ដែន​ព្រៃ​សហគមន៍​នេះឯង​៕ ភ្នំក្រវាញ​


Copyright © 2010-2021 · អរិយធម៌ · All Rights Reserved.
Develop by Sek Sathya