ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានអន្តរជាតិ » សេត​វិមាន៖ អាមេរិក នឹងមិន​ប្រញាប់​លូកដៃ​ចូល​សង្គ្រាមស៊ី​រី​នោះទេ

សេត​វិមាន៖ អាមេរិក នឹងមិន​ប្រញាប់​លូកដៃ​ចូល​សង្គ្រាមស៊ី​រី​នោះទេ

​វ៉ាស៊ីនតោន​៖ ទីភ្នាក់ងារ​ព័ត៌មាន ចិន​ស៊ិន​ហួ បានចេញ​ផ្សាយ នៅ​ថ្ងៃ​ចន្ទ ទី​១៧ ខែមិថុនា ឆ្នាំ​២០១៣ នេះ​ថា ប្រធាន​សេត​វិមាន អាមេរិក​លោក ដេ​នី​ស ម៉ា​ដូ​ណាស បានបញ្ជាក់​អំពី​ជំហរ របស់​អាមេរិក ដោយ​ថា​ខ្លួន​នឹង មិន​លូកដៃ ចូល​សង្គ្រាម​ស៊ី​រី លឿន​ពេក ដូច​កាលពី​អតីតកាល នៅក្នុង​តំបន់​នេះ​ទេ​។​

​នៅក្នុង​កម្មវិធី “​ក្តី​ប្រឈមមុខ​របស់​ជាតិ​” របស់​ទូរទស្សន៍ CBS លោក ដេ​នី​ស បានលើកឡើង ថា “​យើង​ត្រូវតែ មានការ​វិនិច្ឆ័យ​ល្អ ថា​តើ​អ្វី​ដែលជា​ផលប្រយោជន៍​របស់​យើង ព្រមទាំង លទ្ធផល ដែល​ប្រសើរ​បំផុត​សម្រាប់ យើងទាំងអស់គ្នា និង អ្វីដែល​យើង​ត្រូវ​ចំណាយ​សម្រាប់ កិច្ចការ​ទាំងឡាយ​នាពេល​ខាងមុខ​នោះ​។​”

​ប្រធាន​សេត​វិមាន​រូប​នោះបាន​បន្តទៀតថា “​យើង​បាន​ប្រញាប់​លូកដៃ​ចូល​សង្គ្រាម​ក្នុង​តំបន់ នេះ​កាលពី អតីតកាល ហេតុដូច្នេះ​ហើយ​យើង​នឹងមិន​ធ្វើ​ដូច​មុន​ទៀត​ទេ​ពេលនេះ​។​” ការលើក ឡើង​បែប​នេះដែរ គឺ​អាមេរិក ចង់​សំដៅ​ទៅលើ​ការឈ្លានពាន​ប្រទេស​អ៊ីរ៉ាក់​កាលពី​ឆ្នាំ ២០០៣ ដែល​ត្រូវបាន​មតិ​ភាគច្រើន ចាត់ទុកថា​ជា​ទង្វើ ខុសឆ្គង ដែល​បានផ្តល់​ផលវិបាក​ដល់​អាមេរិក និង ប្រទេស​អ៊ីរ៉ាក់ រហូតមក​ទល់នឹង​ពេលបច្ចុប្បន្ន​នេះ​។​

​គួរ​បញ្ជាក់ថា រដ្ឋបាល​របស់លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា ត្រូវបាន​គ្របដណ្តប់ ដោយ ភាព​ក្តៅ គគុក​នៃ​អំពើហិង្សា​ក្នុងប្រទេស​ស៊ី​រី ហើយ​ថ្មីៗ​នេះ​ខ្លួន​បានសម្រេច​ចេញ​សេចក្តី ថ្លែង​ការ​ចុងក្រោយ​មួយ បន្ទាប់ ពី​ការស៊ើបអង្កេតរ​កថា​តើ​អ្នកណា​ជា​អ្នកប្រើប្រាស់​អាវុធ​គីមី ពិតប្រាកដ​នៅក្នុង​ប្រទេស​ស៊ី​រី​នោះ​។ ការរកឃើញ ថា​រដ្ឋាភិបាល​ស៊ី​រី ជា​អ្នកប្រើប្រាស់​អាវុធ​គីមី នោះ នឹង​បើកផ្លូវ​ឲ្យ​អាមេរិក​បន្ថែមទៀត ក្នុង​ការជួយ​គាំទ្រ​ក្រុម ប្រឆាំង ដើម្បី​បន្ត​យុទ្ធនាការ ផ្តួលរំលំ​របប​ដឹកនាំ​របស់លោក​ប្រធានាធិបតី បា​ហ្សា អាល់ អាស្សាដ​៕​

Copyright © 2010-2021 · អរិយធម៌ · All Rights Reserved.
Develop by Sek Sathya