ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ឪពុក​អន់​ជាង​សត្វ តិរច្ឆាន រំលោភ​កូនស្រី​បង្កើត អាយុ​៧​ឆ្នាំ​

ឪពុក​អន់​ជាង​សត្វ តិរច្ឆាន រំលោភ​កូនស្រី​បង្កើត អាយុ​៧​ឆ្នាំ​

 ខេត្តបាត់ដំបង​៖  បុរស​ចិត្ត​តិរច្ឆាន​ម្នាក់  បានធ្វើ​សកម្មភាព​ចាប់រំលោភ​កូនស្រី​បង្កើត​ដែលមាន​អាយុ​ទើបតែ​៧​ឆ្នាំ   បានសម្រេច​៦​ដង ទើប​ប្រពន្ធ​ទ្រាំ​មិនបាន​ក៏​មក​រាយការណ៍​ប្រាប់​សមត្ថកិច្ច​ឲ្យ​ចាប់ខ្លួន កាលពី​ម៉ោង​៨​ព្រឹក​ថ្ងៃទី​២៦ ខែសីហា ឆ្នាំ​២០១៣​។
លោក ឈិ​ត សេង អធិការរង​នគរបាល​ស្រុក​សំពៅ​លូន បាន​ប្រាប់​ឲ្យ​ដឹងថា ជនសង្ស័យ​ដែលជា​មនុស្ស​តែមាន​ចិត្តជា​សត្វ​ត​រិ​ច្ឆា​ន ចាប់រំលោភ​កូនបង្កើត​របស់ខ្លួន​នោះ​មានឈ្មោះ សាន សុភា​រ៉ាត់ អាយុ​៣៣​ឆ្នាំ មុខរបរ​ជា​កម្មករ មាន​ប្រពន្ធ​ឈ្មោះ អ៊ុំ ស្រី​ថា អាយុ​៣៣​ឆ្នាំ ចំណែក​ក្មេងស្រី​រងគ្រោះ​មានឈ្មោះ ស​.​ទ​.​យ អាយុ​៧​ឆ្នាំ ពួកគេ​មាន​ទីលំនៅ​ក្នុងភូមិ​ខាងលើ​។
ស្ត្រី​ជា​ប្រពន្ធ​របស់​ជនល្មើស និង​ជា​ម្តាយ​របស់​ក្មេងស្រី​រងគ្រោះ​បាន​ឲ្យ​ដឹងថា កាលពី​ប៉ុន្មាន​ខែ​មុន ខណៈពេលដែល​ពួកគាត់​កំពុង​បម្រើ​ការងារ​ជា​ពលករ​នៅ​ប្រទេស​ថៃ កូនស្រី​របស់គាត់ បាន​ប្រាប់​អំពី​រឿង​ដែល​ត្រូវ​ឪពុក​ចាប់រំលោភ​ចំនួន​៤​ដង​។ បន្ទាប់ពី​ដឹង​រឿង​ភ្លាម ខ្លួន​ជា​ប្រពន្ធ​បាន​ស្តីបន្ទោស​និង​ប្រដៅ​ឲ្យ​ឈប់​ធ្វើ​ទង្វើ​ដ៏ អាក្រក់​បែបនេះ ដោយ​មិនបាន​ប្តឹងផ្តល់​អ្វី​ទេ ព្រោះ​មិន​ចង់​ខ្មាស់់​គេ ក៏​ត្រឡប់មក​រស់នៅ​ទឹកដី​កម្ពុជា​វិញ ។​
​រហូតដល់​វេលា​ថ្ងៃទី​២៤ ខែសីហា ឆ្នាំ​២០១៣ កូនស្រី​របស់គាត់​បាន​ប្រាប់ថា ឪពុក​របស់ខ្លួន​បាន​ចាប់រំលោភ​ចំនួន​២​ដង​ទៀត គឺ​កាលពី​ថ្ងៃ​១៧ និង​២២ ខែសីហា ឆ្នាំ​២០១៣ នៅផ្ទះ​គេ​ទុកចោល​ក្បែរ​វត្ត​អូរ​ជុំ​ស្ថិត​ក្នុងភូមិ​ត្រពាំង​ព្រលឹត ឃុំ​សន្តិភាព ស្រុក​សំពៅ​លូន ខេត្តបាត់ដំបង​។

​ម្តាយ​ក្មេងស្រី​រងគ្រោះ​អត់ទ្រាំ​នឹង​អំពើ​ដ៏​សែន​ថោកទាប​របស់​ប្តី​នេះ​តទៅទៀត មិនបាន ក៏បាន​រត់​ទៅប្តឹង​សមត្ថកិច្ច​ក៏​ចាប់​ឃាត់ខ្លួន​ប្តី ចិត្ត​អប្រិយ​នេះ​ឲ្យ​យកទៅ​កាត់ទោស​ទៅតាម​ផ្លូវច្បាប់​។​
នៅ​ចំពោះមុខ​សមត្ថកិច្ច ឪពុក​តិរច្ឆាន​ឈ្មោះ​រូបនេះ​បាន​សារភាពថា ខ្លួន​ពិតជា​បាន​រំលោភ​ក្មេងស្រី​នោះ​ពិតមែន ប៉ុន្តែ​មិនដឹងថា​ក្មេងស្រី​នោះ​ជា​កូនបង្កើត​របស់ខ្លួន​នោះទេ ព្រោះ​រាល់​ពេលដែល​ខ្លួន​បានធ្វើ​សកម្មភាព​ចាប់រំលោភ​នោះ គឺ​ស្ថិតក្នុង​ស្ថានភាព​ស្រវឹង​ថ្នាំញៀន​បាត់បង់​ស្មារតី ហើយ​ការរំលោភ​ចំនួន​៣​ដង​មិនបាន​ស៊ីជម្រៅ​នោះទេ​។

​លោក អធិការរង​នគរបាល​ស្រុក​សំពៅ​លូន បាន​បញ្ជាក់ថា​ជនសង្ស័យ​ខាងលើនេះ ធ្លាប់ប្រើ​ប្រាស់​ថ្នាំញៀន​ក្នុង​១​ថ្ងៃ​ចំនួន​៥​គ្រាប់​ទៅ​១០​គ្រាប់ ហើយ​ត្រូវគេ​បញ្ជូន​ចូល​មណ្ឌល​កែប្រែ​អាវុធហត្ថ​បន្ទាយមានជ័យ​កាលពី​ឆ្នាំ ២០០៤​។ ហើយ​ក្រោយមក​ជនសង្ស័យ​ប្រើប្រាស់​ថ្នាំញៀន​ប្រភេទ​ចាក់​តាម​ម្ជុល​វិញ ដោយ​ក្នុង​១​ម្ជុល ប្រើពេល​១​សប្តាហ៍​ទើប​ថ្នាំ​សាប​។

​បច្ចុប្បន្ន ជនសង្ស័យ​ត្រូវបាន​សមត្ថកិច្ច​កសាង​សំណុំរឿង​បញ្ជូនទៅ​ស្នងការដ្ឋាន​នគរបាល ខេត្ត នា​ព្រឹក​ថ្ងៃទី​២៧ ខែសីហា​ឆ្នាំ ២០១៣​នេះ ដើម្បី​ចាត់ការ​តាមច្បាប់​៕
ដោយ សំណាង

Copyright © 2010-2021 · អរិយធម៌ · All Rights Reserved.
Develop by Sek Sathya