ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||     ភ្ញាក់ផ្អើល! មន្ត្រីមួយចំនួនសើមមាត់ ដោយសារអាចម៍ដី លក់ឲ្យឈ្មួញមួយហិកតា តម្លៃ ៣ម៉ឺនដុល្លារ?​  ||     លោក ឈួន សោភា ទៅកាន់តំណែងជាប្រធានការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ , ធ្វើបាបនាយទាហាន ចាប់ឡានស្លាក(ខម) ដែលមានឯកសារពីក្រសួងការពារជាតិទៀត បង្កការភ្ញាក់ផ្អើល  នៅបន្ទាយមានជ័យ​  ||   

» ព័ត៌មានជាតិ » សាលា​ឧ​ទ្ឋ​រណ៍​​ជម្រះក្តី អតីត​​ទាហាន​រក​ស៊ី​ឈើ​គ្រញូង​ ​

សាលា​ឧ​ទ្ឋ​រណ៍​​ជម្រះក្តី អតីត​​ទាហាន​រក​ស៊ី​ឈើ​គ្រញូង​ ​

ក្រចេះ​៖​នៅ​ព្រឹក​ថ្ងៃទី​២៦ ខែសីហា ឆ្នាំ​២០១៣ លើកយក​សំណុំរឿង​មក​ជំនុំជម្រះ​សារជាថ្មី តប​តាម បណ្តឹង​ឧ​ទ្ឋ​រណ៍ របស់ ព្រះរាជអាជ្ញារង​ខេត្តក្រចេះ ប្តឹង​ប្រឆាំងនឹង​បទចោទប្រកាន់ ព្រមទាំង​កម្រិត​នៃ​ការ​ផ្តន្ទា ទោស ។​
ចំពោះ​សេចក្តីសម្រេច​នេះ ជនជាប់ចោទ​ទាំងពីរ​បានទទួល​យក ដោយ​ពុំបាន​ប្តឹង ឧ​ទ្ឋ​រណ៍ នោះទេ ។ ប៉ុន្តែ ព្រះរាជអាជ្ញារង បាន​ប្តឹង​ឧ​ទ្ឋ​រណ៍​ប្រឆាំងនឹង​សេចក្តីសម្រេច​នេះ ដោយ​បញ្ជាក់​ឲ្យ​ធ្វើការ​ចោទប្រកាន់ ពីបទ​ប៉ុនប៉ង​មនុស្សឃាត​ដោយ​ចេតនា ។ សាលា​ឧ​ទ្ឋ​រណ៍ បាន​លើកយក​សំណុំ​រឿងនេះ មក​ជំនុំជម្រះ ដោយមាន​លោក ញូ​ង ធុល ជា​ប្រធាន លោក ឃុន លាង​ម៉េង លោក យ៉ុង ណា​រ៉ុង ជា​សមាជិក និង លោក ហ៊ាន រិ​ទ្ឋ ជា​តំណាង​មហាអយ្យការ ។​
​តាម​អង្គហេតុ គឺ នៅ​ថ្ងៃទី​៨ ខែមេសា ឆ្នាំ​២០១១ ក្នុងភូមិ​សំបូរ ឃុំ​ស្វាយ​ច្រេះ ស្រុក​ស្នួល សមត្ថកិច្ច​ចម្រុះ បាន​ដឹកនាំ​កម្លាំង​ចុះទៅ​បង្ក្រាប​ទីតាំង​ស្តុក​ឈើ​គ្រញូង​របស់ ឈ្មោះ ថៃ គា ។ ប៉ុន្តែ​ខណៈនោះ ថៃ គា បាន​ស្ពាយ​កាំភ្លើង​អាកា បាញ់រះ​ទៅលើ​ក្រុម សមត្ថកិច្ច តែ​ពុំមាន​អ្នករបួស​នោះទេ ។ ក្រោយមក ថៃ គា បាន​ជិះ​រថយន្ត​ទៅ​ភ្ជង់​គំរាម សមត្ថកិច្ច​កុំ​ឲ្យ​មក​បង្ក្រាប​ទីតាំង​ស្តុក​ឈើ​គ្រញូង នេះ​ទៀត ។ មួយសន្ទុះ​កម្លាំង​ប៉េអឹម​ជាច្រើន នាក់ បាន​ចុះ​ឃាត់ខ្លួន ថៃ គា និង រឹបអូស​ឈើ​គ្រញូង​ជាច្រើន​ទុកជា​វត្ថុតាង ។​ទោះបីយ៉ាងណា លោក ហ៊ាន រិ​ទ្ឋ តំណាង​មហាអយ្យការ បាន​ច្រានចោល​បណ្តឹង ឧ​ទ្ឋ​រណ៍​របស់​ព្រះរាជអាជ្ញា​ខេត្តក្រចេះ ហើយ​សំណូមពរ​ចៅក្រម​ឲ្យ​តម្កល់​សាលក្រម​តុលាការ ខេត្តក្រចេះ​ទុកជាបានការ​ដដែល ។ ក្រោយ​ការសួរដេញដោល ចៅក្រម​បាន​លើ​ពេល​ប្រកាស​សាលដីកា ទៅ​ថ្ងៃទី​២៩ ខែសីហា ឆ្នាំ​២០១៣ ៕

ដោយ​៖ សហការី​

Copyright © 2010-2021 · អរិយធម៌ · All Rights Reserved.
Develop by Sek Sathya