ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បែកធ្លាយរឿង លោកនាយការិយាល័យប្រឆាំងគ្រឿងញៀន ស្តីទី រត់ការដោះលែងក្រុមជនសង្ស័យ ពាក់ព័ន្ធគ្រឿងញៀន៦នាក់ ជាថ្នូរនិងលុយរាប់ពាន់ដុល្លា​  ||     ឈ្មួញរកស៊ីដឹកទំនិញខុសច្បាប់ ពីប្រទេសថៃ តាមច្រករបៀង នានា ក្នុងខេត្តបន្ទាយមានជ័យ នៅតែមានឥទ្ធិពល ចរាចរណ៍ដដែល​  ||     ឈ្មួញរកស៊ីដឹកទំនិញខុសច្បាប់ តាមច្រករបៀង នៅតែមានឥទ្ធិពល នាំ ជ្រូក ហោះកាត់ ប៉ុស្តិ៍ កុងត្រូល សមត្ថកិច្ច ជំនាញ តាមខ្សែបន្ទាត់ព្រំដែន កម្ពុជា ថៃ ក្នុងភូមិសាស្ត្រ ខេត្តបន្ទាយមានជ័យ បានដដែល​  ||     លោក សែម សាមឿន មេប៉ុស្តិ៍វីរៈ៨៩១ ហៅប៉ុស្តិ៍ក្បាលស្ពាន និង លោក លឹម យូវេង បានឃុបឃិតគ្នា លួចនាំឥវ៉ាន់ខុសច្បាប់ឆ្លងដែនទៅប្រទេសថៃ​  ||     ដីស្នាក់ការប៉ុស្តិ៍នគរបាលរដ្ឋបាលព្រែកលៀប ខណ្ឌជ្រោយចង្វា ត្រូវបានឈ្មួញឃុបឃិតគ្នាលក់បាត់ទៀតហើយ ក្រោមរូមភាពដោះដូរ«យកឆ្នាំងមាសដូរយកឆ្នាំងដី»​  ||   

» សេដ្ឋកិច្ច » ក្រសួង​ការងារ​និង​បណ្តុះបណ្តាល​វិជ្ជាជីវៈ​ប្រមាន​វិធានការ​ច្បាប់ អ្នក​បង្ខំ​កម្មករ​ធ្វើការ​បន្ថែម​ម៉ោង លើសពីរ​ម៉ោង​

ក្រសួង​ការងារ​និង​បណ្តុះបណ្តាល​វិជ្ជាជីវៈ​ប្រមាន​វិធានការ​ច្បាប់ អ្នក​បង្ខំ​កម្មករ​ធ្វើការ​បន្ថែម​ម៉ោង លើសពីរ​ម៉ោង​

​ភ្នំពេញ​: នាពេល​កន្លងមក ម្ចាស់​និង​នាយក​សហគ្រាស គ្រឹះស្ថាន មួយចំនួន​បានដាក់​ឲ្យ​កម្មករនិយោជិត ធ្វើការ​បន្ថែម​ម៉ោង​ច្រើនពេក បណ្តាល​ឲ្យ​សុខភាព​កម្មករនិយោជិត​ចុះខ្សោយ ហើយ​បង្ក​ឲ្យ​មាន​គ្រោះថ្នាក់​ការងារ​កើត​ឡើងជា​ញឹកញាប់​។ ក្នុងករណី​មាន​ការងារ​ច្រើន​ខុសពី​ធម្មតា ក្រសួង​ការងារ​បានអនុញ្ញាត​ឲ្យ​មានការ​បន្ថែម​ម៉ោង​តែ ២ ម៉ោង​ទេ​ក្នុង​មួយថ្ងៃ ប៉ុន្តែ​ម្ចាស់​និង​នាយក​សហគ្រាស គ្រឹះស្ថាន នៅតែ​បំពាន​ក្រសួង​នឹង​ចាត់វិធានការ​តឹងរឹង​បំផុត ទៅតាម​ច្បាប់​ស្តីពី ការងារ​។​

​យោងតាម​សេចក្តីជូនដំណឹង​កាលពី​ថ្ងៃទី​២៧​ខែកុម្ភៈ​ឆ្នាំ ២០១៥ របស់​ក្រសួង​ការងារ​និង​បណ្តុះបណ្តាល​វិជ្ជាជីវៈ បាន​លើកឡើងថា ក្រសួង​ការងារ​និង​បណ្តុះបណ្តាល​វិជ្ជាជីវៈ បាន​ជម្រាប​ដល់​ម្ចាស់ និង​នាយក​សហគ្រាស​គ្រឹះស្ថាន​ដូចជា​មានចែង​ក្នុង​មាត្រា​១​នៃ​ច្បា​ច់ ស្តីពី​ការងារ​បាន​ជ្រាបថា កន្លងមក​ក្រសួង​ការងារ និង​បណ្តុះបណ្តាល​វិជ្ជាជីវៈ​សង្កេតឃើញថា នៅមាន​ម្ចាស់​និង​នាយក​សហគ្រាស គ្រឹះស្ថាន​មួយចំនួន​បានដាក់​ឲ្យ​កម្មករនិយោជិត​ធ្វើការ​បន្ថែម​ម៉ោង ច្រើនពេក​បណ្តាល​ឲ្យ​សុខភាព​កម្មករនិយោជិត​ចុះខ្សោយ ហើយ​បង្ក​ឲ្យ​មាន​គ្រោះថ្នាក់​ការងារ​កើត​ឡើងជា​ញឹកញាប់​។ ដើម្បី​ថែរក្សា​និរន្តរភាព នៃ​កម្លាំង​ពលកម្ម បង្ការ​អំពី​គ្រោះថ្នាក់​ការងារ​ដល់​បងប្អូន​ក​ម្មករ​និយោជិត ក្រសួង​ការងារ​និង​បណ្តុះបណ្តាល​វិជ្ជាជីវៈ​សូម​ក្រើនរំលឹក​ដល់​ម្ចាស់​និង នាយក​សហគ្រាស គ្រឹះស្ថាន​ទាំងអស់​ត្រូវអនុវត្ត​ដូចតទៅ​៖
១)​ក្នុងករណី ដែល​ម្ចាស់​និង​នាយក​សហគ្រាស​គ្រឹះស្ថាន​មានការ​ងារ​ច្រើន​ខុសពី​ធម្មតា ដែល​តម្រូវ​ឲ្យ​មានការ​ធ្វើការ​បន្ថែម​ម៉ោង​ក្រៅពី​ថិរវេលា​ធ្វើការ​ធម្មតា ម្ចាស់​ឬ​នាយក​រោងចក្រ សហគ្រាស​ត្រូវ​ស្នើសុំ​ការអនុញ្ញាត​ពី​ក្រសួង​ការងារ​និង​បណ្តុះបណ្តាល វិជ្ជាជីវៈ​ជាមុនសិន​។ នៅពេល​ទទួល​បានការ​អនុញ្ញាត​ទើប ម្ចាស់​និង​នាយក​សហគ្រាស​គ្រឹះស្ថាន អាច​រៀបចំ​ធ្វើការ​បន្ថែម​ម៉ោង​នេះ​បាន​។ ការធ្វើការ​បន្ថែម​ម៉ោង​នេះ​គឺ​អនុញ្ញាត​ឲ្យ​តែ​២​ម៉ោង​ទេ​ក្នុង​មួយថ្ងៃ ហើយ​ថិរវេលា​ធ្វើការ មិនត្រូវ​ឲ្យ​លើសពី​ដប់​ម៉ោង​ទេ​ក្នុង​មួយថ្ងៃ​។​
២)​ការរៀបចំ​ធ្វើការ​បន្ថែម​ម៉ោង​ត្រូវ​ផ្អែកលើ​គោលការណ៍​ស្ម័គ្រចិត្ត​។​
៣) ម្ចាស់​ឬ​នាយក​សហគ្រាស​គ្រឹះស្ថាន​មិនត្រូវ​ឲ្យ​កម្មករនិយោជិត​ធ្វើការ បន្ថែម​ម៉ោង​លើសពី​ការអនុញ្ញាត​របស់​ក្រសួង​ការងារ​និង​បណ្តុះបណ្តាល វិជ្ជាជីវៈ​ឡើយ​។ ទោះបី​មានការ​ស្ម័គ្រចិត្ត​ពី​បងប្អូន​កម្មករនិយោជិត​ក៏ដោយ​។​

ក្រសួង​ការងារ​និង​បណ្តុះបណ្តាល​វិជ្ជាជីវៈ នឹង​ចាត់វិធានការ​តឹងរឹង​បំផុត​ទៅតាម​ច្បាប់​ស្តីពី​ការងារ​និង លិខិតបទដ្ឋាន​នានា​ដែលមាន​ជា​ធរមាន ចំពោះ​ម្ចាស់​និង​នាយក​សហគ្រាស​គ្រឹះស្ថាន​ដែល​ប្រព្រឹត្តល្មើស​លើ​ចំណុច ដែល​បាន​រៀបរាប់​ខាងលើ​នៃ​សេចក្តីជូនដំណឹង​នេះ​។ ក្រសួង​ការងារ​និង​បណ្តុះបណ្តាល​វិជ្ជាជីវៈ មាន​ក្តីសង្ឃឹម​យ៉ាង​មុតមាំ​ថា ម្ចាស់​និង​នាយក​សហគ្រាស​គ្រឹះស្ថាន​ទាំងអស់ នឹង​អនុវត្តតាម​សេចក្តីជូនដំណឹង​នេះ​បានល្អ​ប្រសើរ​និង​ត្រឹមត្រូវ​ជាពុំខាន ៕

images petitentreprise_432

Copyright © 2010-2020 · អរិយធម៌ · All Rights Reserved.
Develop by Sek Sathya