ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » អាជ្ញាធរ​ព្រមព្រៀង​ដោយ​ភ្ជាប់​លក្ខខណ្ឌ​សំរាប់​​គណបក្ស​សង្គ្រោះ​ជាតិ ក្នុង​ការ​ជួបជុំ​នៅ​ថ្ងៃទី​២៦​សីហា​

អាជ្ញាធរ​ព្រមព្រៀង​ដោយ​ភ្ជាប់​លក្ខខណ្ឌ​សំរាប់​​គណបក្ស​សង្គ្រោះ​ជាតិ ក្នុង​ការ​ជួបជុំ​នៅ​ថ្ងៃទី​២៦​សីហា​

​ភ្នំពេញ​៖​ក្រោយពី​មានការ​ចុះផ្សាយ​នូវ​ព័ត៌មាន​ថា គណបក្ស​សង្គ្រោះ​ជាតិ​គ្រោង​ធ្វើ​មហា​បាតុកម្ម នៅ​ថ្ងៃទី​២៦ សីហា ខាងមុខនេះ​ត្រូវបាន​លោក​សមរង្សី ប្រធាន​គណបក្ស​សង្គ្រោះ ជាតិ បាន​បញ្ជាក់ថា មិនមែនជា​ការធ្វើ​មហា​បាតុកម្ម​នោះទេ គឺ​គ្រាន់តែ​ជា​ការជួប​សំណេះសំណាល​ជាមួយ​ប្រជាពលរដ្ឋ​ជាធម្មតា​តែប៉ុណ្ណោះ​។​
​លោក​សមរង្ស៊ី​បាន​ថ្លែង​បែបនេះ នៅ​ចំពោះមុខ​អ្នកសារព័ត៌មាន​គ្រា​ដែល​លោក​បាន​ចុះទៅ​ជួប​អាជីវករ​នៅ​ផ្សារ​អូឡាំពិក​ទួល​ទំពូង​នា​ព្រឹក​ថ្ងៃទី​២៣ ខែសីហា ឆ្នាំ​២០១៣​ម្សិលមិញ​នេះ​ខណៈដែល​សកម្មភាព​រប​ស់លោក​ត្រូវបាន​មជ្ឈដ្ឋាន​នានា​តាមដាន​ដោយ​យកចិត្តទុកដាក់​ដោយ​បារម្ភ​ថា​កន្លងមក​លោក​ចង់អោ​យ​មាន​អ្វីដែល​គេ​ហៅថា​មហា​បាតុកម្ម​ដើម្បី​ការផ្លាស់ប្តូរ​និង​ធ្វើ​ឲ្យ​ប្រជាពលរដ្ឋ ក៏ដូចជា​ក្រុមអាជីវករ​នៅតាម​ផ្សារ និង​កម្មករ​នៅតាម​រោងចក្រ​មានការ​ព្រួយបារម្ភ​នោះ​។​
​លោក សម រង្ស៊ី បាន​មានប្រសាសន៍ប្រាប់​ដល់​ក្រុមអ្នកកាសែត​ក្រោយពី​ចេញពី​ផ្សារ​មកវិញ​ថា ការដែល​លោក​មកនេះ គឺ​ដើម្បី​ថ្លែងអំណរគុណ​ដល់​បងប្អូន​ជា​ម្ចាស់ឆ្នោត ដែល​បាន​បោះឆ្នោត​គាំទ្រ​គណបក្ស​សង្គ្រោះ​ជាតិ​។​​មនុស្ស​នៅ​ភ្នំពេញ​កន្លងមក​ត្រូវបាន​ដាក់អោយ​ស្ថិតនៅក្រោម​ការភ័យខ្លាច​នៅពេលដែល​លោក​ប្រកាស​ចង់​ធ្វើ​មហា​បាតុកម្ម ហើយ​កម្លាំង​សមត្ថកិច្ច​បាន​ត្រៀមកម្លាំង​ដោយ​ខ្លាចក្រែង​មាន​អំពើហិង្សា​នោះ​។​
​អាជ្ញាធរ​រាជធានី​ភ្នំពេញ​ដឹកនាំ​ដោយ​លោក ឃួ​ង ស្រេង អភិបាលរង​រាជធានី​ភ្នំពេញ​បាន​ជួបប្រជុំ​ជាមួយ​តំណាង​គណបក្ស​សង្គ្រោះ​ជាតិ ដឹកនាំ​ដោយ​លោក ឡុង រី​ប្រធាន​អង្គរក្ស​លោក​សមរង្ស៊ី នៅ​សាលា​រាជធានី​ភ្នំពេញ​កាលពី​ព្រឹក​ថ្ងៃទី​២៣ ខែសីហា ឆ្នាំ​២០១៣​ម្សិលមិញ​នេះ ។​
​អាជ្ញាធរ​រាជធានី​ភ្នំពេញ​បានសម្រេច​ព្រមព្រៀង​ដោយ​ភ្ជាប់​លក្ខខណ្ឌ​មួយចំនួន​សម្រាប់​គម្រោង​ជួបជុំ​របស់
​គណបក្ស​ស​ង្គ្រោះ​ជាតិ នៅ​ទីលាន​ប្រជាធិបតេយ្យ​នៅ​រសៀល ថ្ងៃ​ចន្ទ ទី​២៦ ខែសីហា ឆ្នាំ​២០១៣​។​ក៏ប៉ុន្តែ​ដូច​ទម្លាប់​រាល់ដង គឺ​អាជ្ញាធរ​រាជធានី​ភ្នំពេញ​ត្រូវបញ្ជូន​សំណើសុំ​ជួបជុំ​របស់​គណបក្សប្រឆាំង ទៅកាន់​ក្រសួងមហាផ្ទៃ​ដើម្បី​សុំ​គោលការណ៍​ផងដែរ​។​
​តាម​កម្មវិធី​ដែល​បាន​គ្រោងទុក​ប្រមុខ​បក្សប្រឆាំង​ទាំងពីរ នឹងធ្វើ​ដំណើរ​ទៅ​ជួប​មហាជន សកម្មជន​អ្នកគាំទ្រ​និង​សមាជិក​របស់ខ្លួន​ជា​បន្តបន្ទាប់ ចាប់ពី​ថ្ងៃ​សៅរ៍​ទី​២៤​ខែសីហា​រហូតដល់​ថ្ងៃ​ចន្ទ​ទី​២៦​សីហា​។​
​សំរាប់​នៅ​ថ្ងៃ​សៅរ៍​ទី​២៤​សីហា លោក​សមរង្ស៊ី និង​លោក កឹម​សុខា​គ្រោង​ចុះទៅ​ជួប​មហាជន នៅ​ខេត្តកណ្តាល កំពង់ចាម និង​ខេត្តកំពង់ធំ​។​ចំណែក​នៅ​ថ្ងៃអាទិត្យ​ទី​២៥​សីហា ប្រមុខ​បក្សប្រឆាំង​ទាំងពីរ​ត្រូវ​ជួប​ប្រជាពលរដ្ឋ និង​មហាជន​នៅតាម​ផ្សារ ក្នុង​ខេត្តសៀមរាប​និង​ខេត្តកំពង់ធំ​។ រីឯ​នៅ​ថ្ងៃ​ចន្ទ ទី​២៦​សីហា លោក​សមរង្ស៊ី និង​លោក​កឹម​សុខា ត្រូវ​ជួប​បេក្ខជន​តំណាងរាស្ត្រ​និង​ប្រធាន​គណៈកម្មាធិការ​ប្រតិបត្តិ​ខេត្ត នៅ​ទីស្នាក់ការ​កណ្តាល​ព្រមទាំង​ជួប​មហាជន នៅ​សួន​ប្រជាធិបតេយ្យ​នៅ​ភ្នំពេញ​។​
​អ្នកនាំពាក្យ​សាលា​រាជធានី​ភ្នំពេញ លោក ឡុង​ឌី​ម៉​ង់ បាន​ឲ្យ​ដឹងថា​ក្នុង​កិច្ចប្រជុំ​រវាង​អាជ្ញាធរ​រាជធានី​ភ្នំពេញ​និង​តំណាង គណបក្ស​សង្គ្រោះ​ជាតិ នោះ​គឺ​បាន​ឯកភាព ក្រោម​លក្ខខណ្ឌ​មួយចំនួន សម្រាប់​ការជួបជុំ​នៅ​ទីលាន​ប្រជាធិបតេយ្យ ។ ប៉ុន្តែ​សាលា​រាជធានី​ភ្នំពេញ​ក៏​រង់ចាំ​ការសំរេច​យល់ព្រម​ពី​ក្រសួងមហាផ្ទៃ​ផងដែរ​។​​អ្នកនាំពាក្យ​រូបនេះ​បាន​បន្ថែមថា ភាគី​ទាំងពីរ ក៏បាន​ព្រមព្រៀងគ្នា​លើ​លក្ខ​ខ័​ណ្ឌ​មួយចំនួន​រួមមាន​៖ គណបក្ស​សង្គ្រោះ​ជាតិ ត្រូវ​ធានាថា​មិន​ដើរ​ហែ​ក្បួន ចេញពី​ទីលាន​ប្រជាធិបតេយ្យ នៅពេល​ជួបជុំ​នា​រសៀល​ថ្ងៃ​ចន្ទ​នោះ និង​មិន​ត្រូវយក​វេទិកា​ជួបជុំ​នោះ​ដើម្បី​វាយប្រហារ​លើ​អង្គ​ព្រះមហាក្សត្រ អ្នកនយោបាយ​ណាមួយ​ឬក៏​ញុះញង់​ឲ្យ​អ្នកចូលរួម​ធ្វើបាតុកម្ម បង្ក​អសន្តិសុខ​សង្គម​ឡើយ​។​ជាមួយគ្នា​នោះ​គណបក្ស​សង្គ្រោះ​ជាតិ​ក៏​មិនត្រូវ​នាំយក​មនុស្ស​ពី​ខេត្ត​នានា មក​ចូលរួម​ពិធី​ជួបជុំ​នោះទេ​។​រីឯ​ចំនួន​អ្នកចូលរួម​ទៀតសោត ក៏​អាជ្ញាធរ តម្រូវ​ឲ្យ​គណបក្សប្រឆាំង​ពិនិត្យ​ពិ​ច្ច័​យ មិន​ឲ្យ​ដល់ ១ ម៉ឺន​នាក់ តាម​ការស្នើសុំ​នោះឡើយ​។​
​ក្រៅពីនោះ​លោក ឡុង ឌី​ម៉​ង់ ក៏បាន​បញ្ជាក់ថា ការជួបជុំ​នៅ​ទីលាន​ប្រជាធិបតេយ្យ នា​រសៀល​ថ្ងៃ​ចន្ទ ទី​២៦​សីហា​គឺ​គណបក្ស​សង្គ្រោះ​ជាតិ ត្រូវធ្វើ​ចាប់ពី​ម៉ោង ២ យ៉ាងយូរ​ដល់​ត្រឹម​ម៉ោង​៦​ល្ងាច​ប៉ុណ្ណោះ​។ ក្នុងនោះ​បើសិនជា​កើតហេតុ​ការណ៍​អ្វី​នាំ​ដល់​ការប្រទូសរ៉ាយ គឺ​អ្នកទទួលខុសត្រូវ សុំច្បាប់​ធ្វើការ​ជួបជុំ​ជា​អ្នកទទួលខុសត្រូវ​ចំពោះ​មុខ​ច្បាប់​។​
​រហូតដល់​រសៀល​ថ្ងៃទី​២៣​ខែសីហា ឆ្នាំ​២០១៣​ម្សិលមិញ​នេះ​ក្រសួងមហាផ្ទៃ មិនទាន់​ឆ្លើយតប​បែបណា​ចំពោះ​សេចក្តីរាយការណ៍​របស់​សាលា​រាជធានី​ភ្នំពេញ​ជុំវិញ​សំណើសុំ​ជួបជុំ​របស់​គណបក្ស​ស​ង្គ្រោះ​ជាតិ នៅ​ទីលាន​ប្រជាធិបតេយ្យ​នោះ​នៅឡើយ​ទេ​។​
​ប៉ុន្តែ​កន្លងមក ការជួបជុំ​របស់​គណ​បក្ស​សង្គ្រោះ​ជាតិ នៅ​ទីលាន​ប្រជាធិបតេយ្យ​រួមទាំង​ការធ្វើ​បាតុកម្ម គឺ​អាជ្ញាធរ​មិនបាន​រារាំង​អ្វី​ទេ​។​ប៉ុន្តែ​បើ​ការដើរ​ហែ​ក្បួន​គឺ​ហាក់ដូចជា​មានការ​រឹតបន្តឹង​នៅក្រោយ​ការបោះឆ្នោត​៕

​ដោយ​៖ ហង្ស

​ទេព​

Copyright © 2010-2021 · អរិយធម៌ · All Rights Reserved.
Develop by Sek Sathya