ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បើកសង្វៀនបញ្ជល់មាន់ ទ្រង់ទ្រាយធំដំណើរការយ៉ាងរលូន  ម្ចាស់សៃវៀន ឈ្មោះ វណ្ណ នៅកំពង់ចាម​  ||     ល្បីរឿងលោក អ៊ុំ វុទ្ធទី និងបក្ខពួក ឆបោកលុយ ពីជនរងគ្រោះប្រមាណជាង ៣១ម៉ឺនដុល្លារ  ព្រោះតែ….  នៅភ្នំពេញ​  ||     ផ្ទុះរឿងអាស្រូវ!  លក់អាចម៍ដី(បឹងបែកក្អម) ចំនួន៥៤ហិកតា ដោយក្នុង១ហិកតាៗតម្លៃ៣០.០០០$ ឥឡូវសម្រេចផ្លាស់ប្ដូរ អភិបាលស្រុកមុខកំពូល​  ||     តើប្រជាពលរដ្ឋខុស ឬក៏មន្ត្រីជាអ្នកខូច ក្រោមល្បិចកន្ទេលធំបន្លំដេក ? ភ្ញាក់ផ្អើល! ប្រជាជន៧គ្រួសារ ស្រុកដងទង់ ប្ដឹងអភិបាលរងខេត្តកំពត អភិបាលស្រុកដងទង់ និងមន្ត្រីពាក់ព័ន្ធ រឿងដោះស្រាយដីធ្លីពុករលួយ  ទៅអង្គភាពប្រឆាំងអំពើពុករលួយ​  ||     មន្រ្តីច្រើននាក់ ទទួលបានផលប្រយោជន៍ពីគម្រោងស្តារបឹងបែកក្អម ស្រុកមុខកំពូល​  ||   

» Breaking News, ព័ត៌មានជាតិ » រកស៊ី​រត់​ឈ្នួល​មិន​កាក់កប​លួច​បង្កប់​ឈើ​គ្រញូង ​

រកស៊ី​រត់​ឈ្នួល​មិន​កាក់កប​លួច​បង្កប់​ឈើ​គ្រញូង ​

ក្រចេះ​៖ រថយន្ត​សាំង​យ៉ុង មួយគ្រឿង រត់​ឈ្នួល​ដឹក​មនុស្ស​មិន​កាក់កប​ក៏​លួច​បង្កប់​ឈើ​គ្រញូង គ្រាន់​បាន​លុយ កាក់​ច្រើន ត្រូវ​សមត្ថកិច្ច ក្របួច​ជាប់ កាលពី​វេលា​ម៉ោង ៤​និង​៣០​នាទី ល្ងាច​ថ្ងៃទី ២២ ខែសីហា ឆ្នាំ​២០១៣ នៅ​ចំណុច ភូមិ​/​ឃុំ ថ្ម​គ្រែ ស្រុក​ចិត្រ​បុរី ខេត្តក្រចេះ ។​
ការបង្ក្រាប​រថយន្ដ ដឹកឈើ​គ្រញូង ខាងលើនេះ គឺធ្វើឡើង​បន្ទាប់ពី​សមត្ថកិច្ច ទទួលបាន​ព័ត៌មាន​ថា មាន​រថយន្ត​សាំង​យ៉ុង មួយគ្រឿង ពណ៌​ស្លែ ពាក់​ស្លាក​លេខ ភ្នំពេញ 2I-2013 ដឹក​មនុស្ស ពីរ​បីនាក់ ពី​ខេត្តស្ទឹងត្រែង​មក​ខេត្តក្រចេះ ដោយ​បង្កប់​ឈើ​គ្រញូង​។ ពេលនោះ​សមត្ថកិច្ច​ជំនាញ​រដ្ឋបាល​ព្រៃឈើ​ថ្ម​គ្រែ សហការ​ជាមួយ​កម្លាំងចម្រុះ ស្ទាក់​ចាប់បាន នៅពេលដែល​រថយន្ត​នេះ បម្រុង​បើក​រត់​ចូល​ពី​ភូមិ​ចង្ក្រង់ កាត់​ព្រៃ​ចេញមក​តាម​ភូមិ​ថ្ម​គ្រែ លុះដល់​ចំណុច​ខាង ក្រោយ​ភូមិ ត្រូវបាន​ឈ្មួញ​ប្លុង រថយន្ត​ចោល នាំគ្នា​រត់គេចខ្លួន​បាត់ ។​
​លោក ប៉ុក វណ្ណា នាយ​សង្កាត់រដ្ឋបាល ព្រៃឈើ​ថ្ម​គ្រែ បាន​ឲ្យ​ដឹងថា កម្លាំង​ជំនាញ​លោក បានធ្វើការ​បង្ក្រាប ជា​បន្តបន្ទាប់ ដោយ​អនុវត្ត នូវ​បទបញ្ជា​របស់ ប្រតិភូ​រាជ រដ្ឋាភិបាល ទទួលបន្ទុក​រដ្ឋបាល​ព្រៃឈើ តាម​លិខិត​លេខ 632​រព​.​នរ​ផ​.​ប ចុះ​ថ្ងៃទី​២៨ ខែមិថុនា ឆ្នាំ​២០១៣ ក្នុង​ស្មារតី​អង្គប្រជុំ​កាល ពី​ព្រឹក​ថ្ងៃទី​២១ ខែសីហា ឆ្នាំ​២០១៣​ស្តីពី​នីតិកម្ម ការពង្រឹង​ច្បាប់​ការងារ​ទប់ ស្កាត់ និង​បង្ក្រាប​បទ ល្មើស​ព្រៃឈើ និង​សត្វព្រៃ ។​

​លោក នាយ​សង្កាត់ រដ្ឋបាល​ព្រៃឈើ​ថ្ម​គ្រែ បាន​បន្ត​ឲ្យ​ដឹង​ទៀតថា ចំពោះ​វត្ថុតាង ដែល​កម្លាំង សមត្ថកិច្ច​បង្ក្រាប​និង​រឹបអូស​បាន មាន​ឈើ​គ្រញូង ចំនួន​១០៥​ដុំ ស្មើនឹង ២៩៥​គីឡូក្រាម  ត្រូវបាន​កម្លាំង របស់លោក ដឹក​យកទៅ​រក្សាទុក​នៅ ថ្នាល​បណ្តុះ​កូន ឈើ​ខ្សា​រ ដើម្បី​កសាង​សំណុំរឿង សម្រាប់​ចាត់ការ តាម​នីតិវិធី​ច្បាប់ ។ សមត្ថកិច្ច​បានបញ្ជាក់​ថា រថយន្ត​នេះ​អាច​លួច​ដឹកឈើ​គ្រញូង​បាន​ច្រើនលើក​ហើយ ទម្រាំ សមត្ថកិច្ច​បានដឹង​និង​បង្ក្រាបបាន​នោះ​៕

ដោយ​៖ ឌឹ​ម សឿន​

Copyright © 2010-2021 · អរិយធម៌ · All Rights Reserved.
Develop by Sek Sathya