ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||   

» ព័ត៌មានជាតិ » ក្មេង​កម្មករ​ឡឥដ្ឋ​ម្នាក់​ស្លាប់ ៣​នាក់​ទៀត រងរបួស ​

ក្មេង​កម្មករ​ឡឥដ្ឋ​ម្នាក់​ស្លាប់ ៣​នាក់​ទៀត រងរបួស ​

ប៉ៃលិន​:  ក្មេងប្រុស​អាយុ​១៣​ឆ្នាំ​ម្នាក់ បាន​ស្លាប់ ពេល​បញ្ជូន​ដល់​មន្ទីរពេទ្យ និង​ក្មេងប្រុស​៣​នាក់​ទៀត​រងរបួស​ធ្ងន់​ស្រាល ដោយសារ​ឡាន​ដឹក​ឥដ្ឋ​កែច្នៃ​មួយគ្រឿង ដែល​ពួកគេ​ជិះ​បាន​បើក​គេច​ឡាន​កែច្នៃ​មួយគ្រឿង​ទៀត បណ្តាល​ឲ្យ​ធ្លាក់​ប្រឡាយ​ក្រឡាប់​សង្កត់ កាលពី​វេលា​ម៉ោង​១៣​និង​១៥ នាទី​ថ្ងៃទី​២២ ខែសីហា ឆ្នាំ​២០១៣ នៅក្នុង​ភូមិ​ទំនប់ ឃុំ​ស្ទឹងត្រង់ ស្រុក​សាលា​ក្រៅ​។​

លោក ស៊ុំ សុខ នាយ​បុ​ស្តិ៍​ប៉ូលិស​ឃុំ​សាលា​ក្រៅ បាន​ឲ្យ​ដឹងថា ក្មេងរងគ្រោះ​ទាំង​៤​នាក់ ទី​១-​ឈ្មោះ ផន ញ៉​ត់ ភេទ​ប្រុស អាយុ​១៣​ឆ្នាំ បាន​ស្លាប់​ពេល​ដឹក​ដល់​មន្ទីរពេទ្យ​ខេត្ត​ប៉ៃលិន​។ ទី​២-​ឈ្មោះ រុំ រី ភេទ​ប្រុស អាយុ​១៣​ឆ្នាំ​រងរបួស​ធ្ងន់​។ ទី​៣-​ឈ្មោះ សង គីន ភេទ​ប្រុស អាយុ​១៦​ឆ្នាំ រងរបួស​ស្រាល​។ ទាំងបី​នាក់​នេះ​ជា​កម្មករ​លើកដាក់​ឥដ្ឋ និង​ធ្វើការ​នៅ​កន្លែង​ឡឥដ្ឋ មក​ស្នាក់នៅ​កន្លែង​ឡ​ដុត​ឥដ្ឋ​ស្ថិតក្នុង​ភូមិ​ទំនប់ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន​។

ទី​៤-​ឈ្មោះ សៅ បូរ៉ា ភេទ​ប្រុស អាយុ​១៨​ឆ្នាំ រងរបួស​ស្រាល ជា​អ្នកបើកបរ​រថយន្ត​កែច្នៃ​ដឹក​ឥដ្ឋ​រងគ្រោះ​នោះ​។ ចំណែក​អ្នកបើកបរ​រថយន្ត​កែច្នៃ​ដឹក​ពោត​មួយគ្រឿង បម្រុង​បើក​ឡើង​ពី​ផ្លូវលំ​ឈ្មោះ​ឈន សុខ ភេទ​ប្រុស អាយុ​៥៤​ឆ្នាំ មាន​ទីលំនៅ​ភូមិ​ទំនប់ ឃុំ​ស្ទឹងត្រង់ ស្រុក​សាលា​ក្រៅ ខេត្ត​ប៉ៃលិន​។​
ប៉ូលិស​បាន​ស្រង់​សំដី​សាក្សី​ប្រាប់​ឲ្យ​ដឹងថា មុនពេល​កើតហេតុ​រថយន្ត​កែច្នៃ​ដឹក​ឥដ្ឋ ដែល​រងគ្រោះ បាន​បើកបរ​តាម​បណ្តោយ​ផ្លូវជាតិ​លេខ​៥៩ ពី​ទិស​ខាងត្បូង​ទៅ​ទិស​ខាងជើង (​ពី​ប៉ៃលិន​ទៅ​ស្រុក​សាលា​ក្រៅ​) ខណៈដែល​រថយន្ត​ដឹក​ឥដ្ឋ​នេះ បាន​ត្រឡប់​ពី​ដាក់​ឥដ្ឋ​ឲ្យ​គេ​អស់​នៅឯ​ខេត្ត​ប៉ៃលិន​មកវិញ​។ ពេល​បើក​មកដល់​ចំណុចកើតហេតុ ស្រាប់​តែមាន​រថយន្ត​កែច្នៃ​ដឹក​ពោត​ពេញ​មួយគ្រឿង​ទៀត បាន​បើកបរ​ចេញពី​ផ្លូវលំ ឡើងមក​លើផ្លូវ​ជាតិ ធ្វើ​ឲ្យ​អ្នកបើកបរ​រថយន្ត​ដឹក​ឥដ្ឋ​ស្លន់ស្លោ មិនបាន​ជាន់​ហ្វាំ​ង​ទេ ស្រាប់តែ​បួង​ចង្កូត​គេច​រថយន្ត​ដឹក​ពោត ជ្រុល​ទៅ​ធ្លាក់​ចូលក្នុង​ប្រឡាយ​ក្រឡាប់​សង្កត់​កម្មករ​ក្មេងៗ​៣​នាក់ ។ ក្រោយពី​ឃើញ​ហេតុការណ៍​នេះ ប្រជាពលរដ្ឋ​បាននាំគ្នា​ទៅ​មើល និង​ជួយសង្គ្រោះ បានឃើញ​រថយន្ត​សង្កត់ពីលើ​ក្មេងៗ​អាយុប្រមាណ​ជាង​១០​ឆ្នាំ ៣ ទៅ ៤ នាក់​ដឹក​ទៅ​សង្គ្រោះ​នៅ​មន្ទីរពេទ្យបង្អែក​ខេត្ត​ប៉ៃលិន​តែម្ដង​។​

លោកនាយ​ប៉ុស្តិ៍​បាន​បញ្ជាក់ថា ករណីនេះ​គឺ​បណ្តា​លពី​អ្នកបើកបរ​រថយន្ត​កែច្នៃ​ដឹក​ពោត ដែល​បើកបរ​មិន
​មើលមុខមើលក្រោយ មុននឹង​បើករថយន្ត​ចេញពី​ផ្លូវលំ បម្រុង​ឡើងមក​លើផ្លូវ​ជាតិ​។ ម្យ៉ាងទៀត​រថយន្ត​ដែល​កែច្នៃ​ក្នុងស្រុក ទាំង​រថយន្ត​របស់​ជ​ន​រងគ្រោះ​បើកបរ​លឿន​ពេក ដោយសារ​អ្នកបើកបរ​នៅ​ក្មេង​ទៀតផង ទើប​នៅពេល​ជួបប្រទះ​ឧបទ្ទវហេតុ​បែបនេះ ស្លន់ស្លោ​គ្រប់គ្រង​បញ្ជា​យានយន្ត​មិនបាន កាច់​ច​ង្កូ​ច​គេច​ធ្លាក់​ប្រឡាយ​ខ្លួនឯង​តែម្ដង​។​

​ករណីនេះ គឺ​អាជ្ញា​ធរមាន​សមត្ថកិច្ច​ពុំទាន់​មាន​វិធានការ​ណាមួយ​ទៅលើ​ម្ចាស់​ឡឥដ្ឋ ដែល​ប្រើ​ក្មេង​ជា​អនីតិជន​ដែល​ច្បាប់​ការពារ​នៅឡើយ​ទេ​។ ប៉ុន្តែ​ប៉ូលិស​ខេត្ត​ប៉ៃលិន បានចាត់ទុក​ករណីនេះ ជា​ករណី​គ្រោះថ្នាក់​ចរាចរ​ហើយ ឃាត់​ទាំង​រថយន្ត​ដឹក​ពោត ចោទថា ជា​អ្នក​បង្កហេតុ​ទៀតផង​។ ពាក់ព័ន្ធ​ករណីនេះ អ្នកយកព័ត៌មាន​យើង​មិនអាច​ទំនាក់ទំនង​ម្ចាស់​ឡឥដ្ឋ ដើម្បី​ដឹងថា​តើ​មានការ​ទទួលខុសត្រូវ​បែបណា​? ចំពោះ​ការប្រើ​អនីតិជន​ក្នុង​ឡឥដ្ឋ​របស់គាត់ និង​អាជ្ញា​ធរមាន​សមត្ថកិច្ច មាន​វិធានការ​បែបណា​ទៅលើ​ម្ចាស់​ឡឥដ្ឋ​នោះទេ ៕

ដោយ​៖​ភ្នំ​យ៉ា​ត


Copyright © 2010-2021 · អរិយធម៌ · All Rights Reserved.
Develop by Sek Sathya