ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, បរិយាយថ្ងៃនេះ » ប្រយ័ត្នឡានចេញចោល

ប្រយ័ត្នឡានចេញចោល

ភ្នំពេញ៖ របងដែលមានបន្ទះដែកចុងស្រួចៗ កំពុងតែត្រូវ​បានសាងសង់ព័ទ្ធជុំវិញរបង​ថ្ម​នៃអគាររដ្ឋសភា ដែលមាន ស្រាប់នោះជាបណ្តើរៗហើយ។ ប៉ុន្តែរបងដែលត្រូវសាងសង់​បន្ថែមមួយជាន់ទៀតនេះ គឺមិនមែនការពារពួកចោរ ដែលចូលទៅលួច​របស់របរអ្វីនៅ​ក្នុងរ​ដ្ឋសភា ដូចមតិមួយចំនួនបានលើកឡើងរបៀបធ្វើជាមិនដឹងការពិតនោះទេ។

ការពិតការធ្វើរបងដែកដែលមានចុងស្រួចៗព័ទ្ធបន្ថែមមួយជាន់ទៀតលើរបងថ្មចាស់នោះ ជាសញ្ញាមួយបង្ហាញ ច្បាស់ថា បើទោះបីសមាជិករដ្ឋសភាថ្មីដែល​ទើបនឹងជាប់ឆ្នោត​របស់​គណបក្សសង្រ្គោះជាតិចូលឬមិនចូលប្រជុំ សភាដំបូងយ៉ាងណាក៏ដោយ ក៏សមាជិក​រដ្ឋសភាដែលទើបនឹងជាប់ឆ្នោតរបស់គណបក្សប្រជាជនកម្ពុជា ត្រូវតែចូល​ប្រជុំតាមការកោះអញ្ជើញពីព្រះមហាក្សត្រ ព្រោះការប្រជុំ​ដំបូងនេះ​រដ្ឋធម្មនុញ្ញ​ក៏មិន​បាន​កំណត់ចំនួនកូរ៉ុម ថាទាល់តែមានសមាជិកសភាជាប់ឆ្នោតថ្មីប៉ុន្មាន ទើបអាច​ប្រជុំ​បាន​នោះដែរ។

រដ្ឋធម្មនុញ្ញដែលបានធ្វើវិសោធនកម្មកាលពីដើមឆ្នំា២០០៦បានចែងថា បើបញ្ហាណា​ត្រូវ​អនុម័តដោយសភា ដោយសំឡេងភាគច្រើនដាច់ខាត(៥០បូក១) ចំនួនសមាជិក​សភា​ដែល​មានវត្តមានក្នុងអង្គប្រជុំស្មើពាក់កណ្តាល បូក១ អង្គប្រជុំនោះអាចចាត់ទុកថា យកជាការបាន។ ដូច្នេះប្រសិនបើតំណាងរាស្រ្តគណបក្សសង្រ្គោះជាតិ ធ្វើពហិការ​មិន​ព្រម​ចូលរួមប្រជុំសភាដំបូងក្នុងគោលបំណងប្រើល្បិច ដើម្បីចង់បានអ្វីមួយជា​ថ្នូរ​នោះ​គឺប្រាកដជា ទៅមិនរួចទេ និយាយឲ្យចំគឺឡានប្រាកដចេញទៅចោលហើយ ស្រួល​មិន​ស្រួលអាចរត់តាមឡាននោះមិនទាន់ នឹងត្រូវខាតបង់អត់ប្រយោជន៍។

សម្តេច ហ៊ុន សែន បានប្រកាសរួចហើយថា កុំគិតរឿងចាញ់ឈ្នះ (បើទោះបីគណបក្ស​ប្រជា​ជនកម្ពុជាជាអ្នក ឈ្នះក៏ដោយ) ហើយសម្តេចបានអំពាវនាវឲ្យគណបក្ស​សង្រ្គោះ​ជាតិ ចរចាគ្នាជាមួយមន្រ្តីគណបក្សប្រជាជន កម្ពុជា ដើម្បីពិភាក្សា​គ្នាអំពីការ​បែងចែក​តួនាទីសភាឲ្យបានឆាប់ៗទៅ។

ដំបូងគណបក្សប្រជាជនកម្ពុជា និងគណបក្សសង្រ្គោះជាតិ បានចាប់ផ្តើមពិភាក្សាគ្នា បង្កើតគណៈកម្មការចំរុះ មួយ ដើម្បីដោះស្រាយភាពមិនប្រក្រតីដែរ តែគណបក្ស​សង្រ្គោះ​ជាតិ មិនព្រមឲ្យ គ.ជ.ប ធ្វើជាអាជ្ញាកណ្តាលទេ គឺគេបែរជាចង់ឲ្យ​ខាងអង្គការ​សហប្រជាជាតិ ធ្វើជាអាជ្ញាកណ្តាលវិញ។ ឯគណបក្សប្រជាជនកម្ពុជាឲ្យអង្គការ សហ​ប្រជាជាតិនិងសង្គមស៊ីវិល ធ្វើជាអ្នកសង្កេតការណ៍ ធ្វើឲ្យ​ការចរចា​នេះត្រូវរលាយ​ទៅវិញ​។ ក្រោយមក ស្រាប់តែ សមរង្ស៊ី ចេញទៅសហរដ្ឋអាមេរិក ដើម្បីរៀបចំការកូនស្រី គាត់ក៏​បានឆ្លៀតឱកាសទៅសុំឲ្យអង្គការ សហប្រជាជាតិចូលរួមដែរ តែចូលរួមជា​អ្នកសង្កេត​ការណ៍ដូចដែលគណបក្សប្រជាជនកម្ពុជា បានលើកឡើងពីមុនដដែល។

ដោយសារមានល្បិចកលនិងធ្វើចរិតកិកកុកច្រើន ពេលគណបក្សប្រជាជនកម្ពុជា​លែង​សូវខ្វល់ពីរឿងជួប ចរចាគ្នានោះទៀតហើយ ពេលនេះគណបក្សសង្រ្គោះជាតិ ហាក់ដូច​ជាតាមអង្វរឲ្យគណបក្សប្រជាជនកម្ពុជា ចូលតុចរចាវិញ។

ការប្រឆំាងតវ៉ាពីលទ្ធផលនៃការបោះឆ្នោតអាណត្តិនេះ ក៏មិនខុសពីអាណត្តិមុនៗដែរ អាចនិយាយថានេះជា ប្រពៃណីគណបក្សប្រឆំាងដែលចាញ់ឆ្នោតតែប៉ុណ្ណោះ ព្រោះ​បើ​មិនទទួលស្គាល់លទ្ធផលបោះឆ្នោតឬមិន ប្រកាសធ្វើមហាបាតុកម្មនោះ ក៏មិនមាន​ឈ្មោះថា សមរង្ស៊ីឬ កឹម សុខា ដែរ។

ប៉ុន្តែចង់ប្រើល្បិចកលធ្វើមហាបាតុកម្មឬធ្វើពហិការមិនចូលប្រជុំសភាដំបូង ឬយ៉ាងណា​នោះគឺជាសិទ្ធិរបស់ ពួកគេ ដែលជាអ្នកចាញ់ឆ្នោតហើយស្រែកឡំាប៉ាប៉ុណ្ណោះ ឯគណ​បក្សប្រជាជនកម្ពុជាដែលឈ្នះឆ្នោតបាន៦៨ អាសនៈនៅក្នុងសភានោះ មិនមែន​ជា​ចំណាប់​ខ្មំាងរបស់គណបក្សសង្រ្គោះជាតិទេ គឺត្រូវតែប្រជុំសភាដំបូងនិង បង្កើតរដ្ឋា​ភិបាល​អាណត្តិថ្មី ស្របតាមរដ្ឋធម្មនុញ្ញឲ្យទាល់តែបាន។ ដូច្នេះប្រយ័ត្នឡានចេញ​ចោល​គណបក្ស សង្រ្គោះជាតិ រត់តាមមិនទាន់ណា៕ ដោយ៖ ម៉ារីណា

Copyright © 2010-2021 · អរិយធម៌ · All Rights Reserved.
Develop by Sek Sathya