ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » អង្គការ​សង្គម​ស៊ីវិល​ចំនួន ២០​ស្ថាប័ន​នឹង​​ប្រារព្ធ​ពិធីបួងសួង​​សុំ​សេចក្តីសុខ​​ជា​លើក​ទី​២​ ​

អង្គការ​សង្គម​ស៊ីវិល​ចំនួន ២០​ស្ថាប័ន​នឹង​​ប្រារព្ធ​ពិធីបួងសួង​​សុំ​សេចក្តីសុខ​​ជា​លើក​ទី​២​ ​

ភ្នំពេញ​៖ ចាប់តាំងពី​បានប្រកាស​លទ្ធផល​បណ្តោះ​អាសន្ន​ផ្លូវការ​នៃ​ការបោះឆ្នោត​កាលពី​ថ្ងៃទី​១២ ខែសីហា ឆ្នាំ ២០១៣ បានធ្វើឱ្យ​ប្រជាពលរដ្ឋ​ភ័យខ្លាច​ពី​បញ្ហា​អស្ថិរភាព​នយោបាយ​ថ្មី​ខណៈ​គណបក្ស សង្គ្រោះ​ជាតិ ប្រកាស​មិន​ទទួលយក​លទ្ធផល​បោះឆ្នោត​ព្រមទាំង​ទាមទារ​ឲ្យ​មានការ​ដោះស្រាយ​ភាពមិនប្រក្រតី​នៃ​ការបោះឆ្នោត​ដើម្បី​ផ្តល់
​យុត្តិធម៌​ដល់​ម្ចាស់ឆ្នោត​។ ដោយឡែក​គណបក្ស​ប្រជាជន​កម្ពុជា​ដែល​កំពុង​កាន់អំណាច បានដាក់​ពង្រាយ​កងក​ម្លាំ​ង​យោធា និង​បំពាក់​ដោយ​គ្រឿង​សព្វាវុធ​នៅតាម​តំបន់​គោលដៅ​សំខាន់ៗ​នានា​ក្នុង​រា​ធា​ជនី​ភ្នំពេញ ក៏ដូចជា នៅតាម​បណ្តា​ខេត្ត​មួយចំនួន​ប៉ុន្តែ​ត្រូវបាន​តំណាង​មន្ត្រី​រដ្ឋាភិបាល និង​អ្នកនាំពាក្យ​ប៉ូលិស​ប៉េអឹម បាន​អះអាងថា
​ការដាក់​ពង្រាយ​កងកម្លាំង​ប្រដាប់អាវុធ មាន​ទាំង​កាំភ្លើង​និង​ទាំង​ការ​ចល័ត​រថពាសដែក​ជាដើម​នោះ ដើម្បី​តែ​ការពារ​សន្តិសុខ​និង​ផ្តល់នូវ​សុវត្ថិភាព ដល់​ប្រជាពលរដ្ឋ​ក្រែងលោ​មាន​បាតុកម្មហិង្សា​កើតឡើង ប្រឆាំងនឹង​លទ្ធផល​បោះឆ្នោត​តែប៉ុណ្ណោះ​។​
​នៅ​ថ្ងៃ​នឹងមាន​ពិធីបួងសួង​សុំ​សន្តិភាព ដែលមាន​រៀបចំ​ធ្វើជា​លើក​ទី​២​ដោយ​ក្រុម​អង្គការ​សង្គម​ស៊ីវិល​ជាង​២០​ស្ថាប័ន​ចូលរួម​នៅក្នុង​បរិវេណ​រមណី​ដ្ឋា​ន​វត្តភ្នំ គោលបំណង​ដើម្បី​អំពាវនាវ​ក៏ដូចជា បង្ហាញ​សារ​មួយចំនួន​ដល់​គ្រប់ភាគី​ទាំងអស់​ចូលរួម​ដោះស្រាយ​ការជាប់គាំង ផ្នែក​នយោបាយ​ដោយ​សន្តិភាព​នៅ​កម្ពុជា​ក្រោយ​ការបោះឆ្នោត
​ដែល​រហូតមក​ដល់ពេលនេះ នៅ​មិនទាន់មាន​ការដោះស្រាយ​ជា​ស្ថាពរ​នៅឡើយ​ទេ​។​ខណៈដែល​គណបក្សប្រឆាំង​ព្រមាន​ថា នឹងធ្វើ​មហា​បាតុកម្ម​ប្រឆាំងនឹង​លទ្ធផល​បោះឆ្នោត​ករណី​ដែល​គណៈកម្មាធិការ​ជាតិ​រៀបចំ​ការបោះឆ្នោត មិន​ដោះស្រាយ​ភាពមិនប្រក្រតី នៃ​ការបោះឆ្នោត​ឲ្យ​បាន​ត្រឹមត្រូវ​នោះ រីឯ​រដ្ឋាភិបាល​វិញ​ក៏បាន​ព្រមាន​បង្ក្រាប​ដែរ បើ​មាន​មហា​បាតុកម្ម​កើតឡើង​។ រំលឹកថា​ពិធីបួងសួង​សុំ​សន្តិភាព​នេះ​ត្រូវបាន​ប្រារព្ធ​ធ្វើ​ម្តង​រួចមកហើយ​កាលពី​ថ្ងៃទី​១៤ ខែសីហា​កន្លងទៅ​ដោយមាន​ការចូលរួម​ពី​អង្គការ​សង្គម​ស៊ីវិល​ជាង​២០​រួម​នឹង​ប្រជាពលរដ្ឋ​ប្រមាណ​៥០០​នាក់
ហើយ​អ្នក​ចូលរួមបាន​លើក​បដា​មួយចំនួន ដោយ​ផ្តល់​សារ​ទៅ​អ្នកនយោបាយ ដូចជា​យើង​ជា​ម្ចាស់​ប្រទេស ហើយក៏​ជា​ម្ចាស់​អំណាច​យើង​ត្រូវការ​ឲ្យ​ប្រទេស​មាន​សន្តិភាព​យើង​មិន​ត្រូវការ​បាតុកម្ម​ដោយ​ហិង្សា​ហើយ ក៏​មិន​ត្រូវការ​ការបង្ក្រាប​ដោយ​ហិង្សា​យើង​ត្រូវការ​ដំណោះស្រាយ​ដោយ​សន្តិវិធី គ្មាន​ហិង្សា​និង​សូមអ្នក​នយោបាយ​តម្កល់
​ប្រយោជន៍​ជាតិ និង​រាស្ត្រ​ជាធំ​កុំ​បំភិតបំភ័យ​រាស្ត្រ​ម្ចាស់ឆ្នោត​៕

ដោយៈ សេរី​មករា


Copyright © 2010-2021 · អរិយធម៌ · All Rights Reserved.
Develop by Sek Sathya