ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! លោក ស៊ីន គង់ អភិបាលស្រុកស្រីសន្ធរ និងលោក សុខ យ៉េន អធិការនគរបាលស្រុក រងការចោទប្រកាន់ពីប្រជាពលរដ្ឋឃុំព្រែកដំបូកថា ជាអ្នកនៅពីក្រោយខ្នងនៃការឈូសឆាយដីព្រៃលិចទឹក របស់រដ្ឋរាប់សិបហិកតាធ្វើកម្មសិទ្ធិ?​  ||     ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||   

» ព័ត៌មានជាតិ » កត្តា​គោរព​ច្បាប់​​ចរាចរណ៍​​ចម្បង​គេ គឺ​កើត​ចេញពី​បុគ្គល​​ខ្លួនឯង​ ​

កត្តា​គោរព​ច្បាប់​​ចរាចរណ៍​​ចម្បង​គេ គឺ​កើត​ចេញពី​បុគ្គល​​ខ្លួនឯង​ ​

​ភ្នំពេញ​៖ ដើម្បី​ចូលរួម​លើកកម្ពស់​ការ​ពាក់មួក​សុវត្ថិភាព និង​កាត់បន្ថយ​ការបើកបរ​នៅក្រោម ឥទ្ធិពល​គ្រឿង​ស្រវឹង​ដល់​យុវជន​កម្ពុជា​នេះ គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក និង​សហភាព សហព័ន្ធ​យុវជន​កម្ពុជា ក៏ដូចជា​អង្គការ​សុខភាព​ពិភពលោក បាន​សហការ​រៀបចំ​វេទិកា​លើកកម្ពស់​ការយល់ដឹង​អំពី​ការពាក់
​មួកសុវត្ថិភាព និង​ការបើកបរ​ក្រោម​ឥទ្ធិពល​គ្រឿង​ស្រវឹង​កាលពី​ថ្ងៃទី ២០ សីហា នៅ​មជ្ឈមណ្ឌល​សហប្រតិបត្តិ​ការ​មិត្តភាព​កម្ពុជា​-​ជប៉ុន​។​
​    ​លោក ស្ទី​វឹ​ន​អ៊ី​ឌី​ង តំណាង​អង្គការ​សុខភាព​ពិភពលោក បាន​ថ្លែង​ក្នុង​អង្គ​វេទិកា​លើក កម្ពស់​ការពាក់​មួកសុវត្ថិភាព​នៅ​មជ្ឈមណ្ឌល​សហប្រតិបត្តិ​ការ​កម្ពុជា​-​ជប៉ុន​ថា ការរង​របួស​ពិការភាព និង​ការស្លាប់​ដោយសារ​គ្រោះថ្នាក់​ចរាចរ គឺជា​បញ្ហា​សុខភាព​សាធារណៈ​ដែល​កំពុងតែ​កើនឡើង គួរឱ្យ​បារម្ភ ហើយ​ជនរងគ្រោះ​ទាំងអស់នោះ បាន​នឹង​កំពុង​សំរាក​ព្យាបាល​នៅក្នុង​មន្ទីរពេទ្យ ដោយ​បង្កើន​នូវ​បន្ទុក​ដ៏​ធ្ងន់​ថែមទៀត ដល់​ប្រព័ន្ធ
​សុខាភិបាល​ដែលមាន​ថវិកា​កំណត់​។​
​    ​លោក​បាន​បន្តថា ការបើកបរ​ក្រោម​ឥទ្ធិពល​គ្រឿង​ស្រវឹង​ក៏​ជា​កត្តា​ចំបង​មួយ​ដែល​បង្ក​ឱ្យ មាន​គ្រោះ ថ្នាក់​ចរាចរ ហើយ​វា​បានធ្វើឱ្យ​បាត់បង់​ជីវិត​មនុស្ស​ចំនួន ២៥៦​នាក់ សើ្ម​នឹង ១៣%​នៃ​អ្នកស្លាប់​ទាំងអស់ នៅក្នុង​ឆ្នាំ​២០១២​។​
​    ​តំណាង​អង្គការ​សុខភាព​ពិភពលោក​រូបនេះ បាន​សង្កត់ធ្ងន់ថា អ្វីដែល​យើង​មាន​ក្តីបារម្ភ​បំផុត​នោះ គឺ​យុវជន​កម្ពុជា​ដែលជា​សសរទ្រូង​នៃ​ការអភិវឌ្ឍ​ប្រទេស​គឺជា​អ្នករងគ្រោះ​ច្រើនជាងគេ​ពី​សោកនាដកម្ម នេះ​ដោយមាន ៥០% នៃ​អ្នកស្លាប់​ទាំងអស់​ដោយសារតែ​គ្រោះថ្នាក់​ចរាចរ​ភាគច្រើន​មាន​អាយុ​ពី ១៥​ឆ្នាំ ដល់ ២៩​ឆ្នាំ ដែល​បាន
​បណ្តាលឱ្យ​បាត់បង់​ធនធាន​គ្រួសារ​និង​សង្គម​សម្រាប់​មនុស្ស ជំនាន់​ក្រោយ​ទៀត​។​
​    ​ប្រធាន​សហភាព​សហព័ន្ធ​យុវជន​កម្ពុជា លោក ហ៊ុន ម៉ា​នី បានឱ្យដឹងថា គោលបំណង នៃ​ការរៀបចំ​វេទិកាសាធារណៈ​នេះ​ឡើង គឺ​ដើម្បី​ចែករំលែក​ចំណេះដឹង​ពី​ការ​ពាក់មួក សុវត្ថិភាព និង​ឲ្យ​យល់​ពី​គ្រោះថ្នាក់​នៃ​ការសេព​គ្រឿង​ស្រវឹង ដើម្បី​ធ្វើការ​ផ្លាស់ប្តូរ​ឥរិយាបទ​វិជ្ជមាន​ពី​ការ ប្រើប្រាស់​មួកសុវត្ថិភាព និង​ចូលរួមចំណែក​កាត់បន្ថយ​គ្រោះថ្នាក់​ចរាចរណ៍ ក៏ដូចជា​ផ្តល់​តម្លៃ​ខ្លួនឯង ក្នុងសង្គម​។​
​    ​លោក ហ៊ុន ម៉ា​នី បាន​បញ្ជាក់ថា កត្តា​គោរព​ច្បាប់​ចរាចរណ៍​ជាធំ​ចម្បង​ជាងគេ​នោះ ត្រូវតែ​កើត ចេញពី​បុគ្គល​ខ្លួនឯង​ម្នាក់ៗ​តែម្តង​លើ​ការបន្ថយ​អត្រា​គ្រោះថ្នាក់​ចរាចរ​នៅ​ប្រទេស​កម្ពុជា​។ ចំពោះ​វេទិកា នេះដែរ ពិតជា​បានផ្តល់​សារៈសំខាន់​ណាស់​ដល់​អ្នកប្រើប្រាស់​ផ្លូវ​គ្រប់រូប ជាពិសេស​សម្រាប់​យុវជន    កម្ពុជា​បាន​យល់ដឹង​អំពី
​សុវត្ថិភាព​ចរាចរណ៍ និង​កត្តា​ហានិភ័យ​ដែល​បណ្តាលឱ្យមាន​គ្រោះ ថា្នក់​ចរាចរណ៍ ។​    ​លោក តូច ចាន់​កុសល រដ្ឋលេខាធិការ ក្រសួង​សាធារណការ និង​ដឹកជញ្ជូន និង​ជា​អនុប្រធាន គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក បាន​មានប្រសាសន៍ថា នៅ​ឆ្នាំ​២០១២ កន្លងទៅ មាន​ជន​រង គ្រោះ​ដោយសារ​គ្រោះថ្នាក់​ចរាចរ​សរុប​ចំនួន ១៥.៦១៥ នាក់ ដែល​ក្នុងនោះ បាត់បង់​ជីវិត​ចំនួន ១៩៦៦​នាក់ និង​របួសធ្ងន់​ចំនួន ៥៣៤៩​នាក់​។ ចំនួន​អ្នកស្លាប់​បាន​កើនឡើង ៣% និង​អ្នករបួសធ្ងន់​ថយ ចុះ ៨% បើ​ប្រៀបធៀប​នឹង​ឆ្នាំ ២០១១​។​
​    ​លោក​រដ្ឋលេខាធិការ បាន​បន្តថា គ្រោះថ្នាក់​ចរាចរ​បានធ្វើ​ឱ្យ​ប្រទេស​កម្ពុជា​យើង​ខាតបង់​ថវិកា ៣២៨​លាន​ដុល្លារ​សហរដ្ឋ​មេ​រិ​ក ក្នុងនោះ​ខាតបង់ ៤៣​លាន​ដុល្លារ​បណ្តាលមកពី​ការបើកបរ ក្រោម​ឥទ្ធិពល​ជាតិ​ស្រវឹង​។​    ​លោក​បន្ថែមទៀតថា គ្រោះថ្នាក់​ចរាចរ​បា​នប​ន្ស​ល់​ទុក​នូវ​កូនកំព្រា ស្ត្រី​មេម៉ាយ ជនពិការ ទុរគត​ភាព ដែលជា​សោក​ដ​កម្ម​ដល់​ក្រុមគ្រួសារ​ជនរងគ្រោះ សហគមន៍ និង​ប្រជាជន​ទាំង មូល​ផងដែរ​។​
​    ​លោក​ក៏បាន​បញ្ជាក់​ដល់​យុវជន​កម្ពុជា​ទាំងអស់​ថា ការ​ពិសា​គ្រឿង​ស្រវឹង សូម្បីតែ​ក្នុង​កម្រិត​តិច តួច​ក្តី ក៏​វា​អាច​បង្កឱ្យមាន​គ្រោះ​ថា្នក់​ចរាចរណ៍​ដល់​ខ្លួនឯង និង​អ្នកប្រើប្រាស់​ផ្លូវ​ដទៃ​ផ្សេងទៀត​។​
​    ​បើ​យោងតាម​របាយការណ៍​គ្រោះថ្នាក់​ចរាចរណ៍​ក្នុង​ឆ្នាំ​២០១២ បានបង្ហាញ​ឱ្យដឹងថា ជនរងគ្រោះ ថ្នាក់​ចរាចរ​ដែលជា​អ្នកប្រើប្រាស់​ម៉ូតូ​បានទទួល​រងគ្រោះថ្នាក់​ច្រើនជាងគេ គឺមាន​រហូតដល់​៦៨% នៃ​ជន រងគ្រោះថ្នាក់​សរុប និង​មាន​ជនរងគ្រោះ ៦៦% បាន​ស្លាប់​ដោយសារ​ការប៉ះទង្គិច​ក្បាល​។ ក្នុងចំណោម​អ្នកជិះ​ម៉ូតូ​ដែល​រងគ្រោះថ្នាក់​ចរាចរ​មានតែ ២២%​ប៉ុណ្ណោះ ដែល​ពាក់មួក​សុវត្ថិភាព ជា​ចំនួន​មួយ​នៅ មាន​កម្រិត​ទាប​នៅឡើយ​៕

ដោយៈ សេរី​មករា​


Copyright © 2010-2021 · អរិយធម៌ · All Rights Reserved.
Develop by Sek Sathya