ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » រិះគន់​​លើ​បញ្ហា​សំរាម​​និង​កាក​សំណល់​ស្តុក​ចោល ​

រិះគន់​​លើ​បញ្ហា​សំរាម​​និង​កាក​សំណល់​ស្តុក​ចោល ​

កំពត​៖ សំរាម​និង​កាកសំណល់​ដែល​បាន​ស្តុក​ចោល​ជាច្រើន​ថ្ងៃ​ក្នុង​ក្រុង​កំពត ជា​បញ្ហា​មួយ​ដែល​ធ្វើ​ឲ្យ​មានការ​រិះគន់​ពី​មជ្ឈដ្ឋាន​ទូទៅ ពិសេស​ក្រុម​អ្នក​ទេសចរណ៍​ដែល​គេ​បាន​ធ្វើដំណើរ​ឆ្លងកាត់​ឬ​ដើរ​កំសាន្ត​ជាប្រចាំ​នោះ​។​
គេ​បានដឹង​ច្បាស់​ថា អ្នកគ្រប់គ្រង​លើ​ផ្នែក​ប្រមូល​សំរាម​នេះ​សព្វថ្ងៃ​ហាក់​មាន​ភាពយឺតយ៉ាវ​ក្នុងការ​ប្រមូល​កាកសំណល់ ដោយបាន​បង្អែរ​បង្អង់​រយះពេល​៣​ឬ​៤​ថ្ងៃ​ទើប​ឃើញ​យក​រថយន្ត​មក​ប្រមូល​ចេញ ហើយ​បញ្ហា​ទាំងនេះ​ក៏បាន​ធ្វើ​ឲ្យ​សំរាម​និង​កាកសំណល់​អាហារ​ផ្សេងៗ​ប្រែជា​រលួយ​ចេញ​ទឹក​រហាម​ចោល​ក្លិនស្អុយ​អ​សោធ
​គ្រប់ពេលវេលា ថែមទាំង​បង្ក​ការរំខាន​ការ​ការរស់នៅ​របស់​ប្រជាពលរដ្ឋ ខូច​បរិស្ថាន ពិសេស​រង​ការ​តិះ​គន់​ពី​សំណាក់​អ្នក​ទេសចរណ៍​ផងដែរ​។ ទាក់ទង​នឹង​សំរាម​ស្តុក​ចោល​ជាច្រើន​ថ្ងៃ​ដោយ​មិន​ទទួលខុស​ត្រូ​ូ​វ​នោះ គេ​នាំគ្នា​រិះគន់ថា ក្រុមហ៊ុន​ផ្នែក​ដឹកជញ្ជូន​សំរាម​ភាគច្រើន​ប្រមូល​តែ​ពេលព្រឹក​ស្របពេល​មហាជន​អង្គុយ​ទទួលទាន​អាហារ
​ពេលព្រឹក​តាម​ហាង​ឬ​តៀម​លក់​នំចំណី​ផ្សេងៗ ដោយបាន​ធ្វើ​ឲ្យ​ពួកគេ​មានការ​ធុន​ទ្រាន់​នឹង​កិ្ល​ន​ដ៏​អ​សោធ​ដែល​ជះ​ចំហាយ​ចេញ​មកពី​រថយន្ត​ដឹក​សំរាម​ទាំងនោះ​។ គេ​បានលើកឡើង​ទៀតថា ក្រុមហ៊ុន​ប្រមូល​សំរាម​ពេល​ដល់​ខែ​តែងតែ​ឲ្យ​បុគ្គលិក​ដើរ​ប្រមូល​លុយ​គ្មាន​បាត់​មួយ​កាក់​មួយ​សេន​ឡើយ សូម្បី​លំនៅដ្ឋាន​តូចតាច​ដែល​មិនសូវ​បង្ក​ភាព​ក្រ​ខ្វក់​នោះ​ក៏​កត់​បញ្ជី​យកលុយ​ពុំ​អត់ឱន​ឲ្យ​ផង ចុះ​ហេតុម្តេច​បានជា​ទុក​សំរាម​គរ​ចោល​៣​ទៅ​៤​ថ្ងៃ​ទើប​មក​ប្រមូល​ចេញ​បែបនេះ បានសេចក្តីថា សី​ុ​ស្រួល ពេល​សង​វិញ ពិបាក​ហើយ​។​ចំពោះ​ភាពស្ពឹក​ស្រពន់​លើ​ករណី​សំរាម​នេះ ក៏បាន​ធ្វើ​ឲ្យ​ក្រុម​ភ្ញៀវ​ទេសចរណ៍ ភាគច្រើន​ជនបរទេស គេ​នាំគ្នា​រិះគន់​ស្ទើ​គ្រប់​មាត់ ជួនកាល​ពួកគេ​បាន​យក​ម៉ា​ស៊ី​ន​កាមេរ៉ា​តាម​ថត​រថយន្ត​ដឹក​សំរាម​ឬ​គំនរ​សំរាម​ដែល​ស្តុក​ចោល​តាម​មុខផ្ទះ​ប្រជាពលរដ្ឋ​ដើម្បី​ទុក​មើល​កំសាន្ត​លេង​ទៀតផង​។ មិនតែប៉ុណ្ណោះ​បញ្ហា​បរិស្ថាន​តាម​តំបន់​និ​មួយៗ​មិនថាតែ​ក្នុងភូមិ​សាស្ត្រ​ខេត្តកំពត នោះទេ​ត្រូវបាន​លើក​កំពស់​ថែមទាំង​លើក​ជា​ប្រធានបទ គឺ​ទីក្រុង​ដ៏​ស្រស់ស្អាត គ្មាន​សំរាម សំរាប់​ទ្រទ្រង់​សុខភាព​។ ប៉ុន្តែ​ករណី​ដែល​ក្រុមហ៊ុន​បែរជា​មានការ​យឺតយ៉ាវ​ក្នុងការ​ប្រមូល​សំរាម​ដូចខាងលើ​នេះ​តើ​វា​អាច​ស្របតាម​ប្រធានបទ​នេះដែរ​ឬទេ​?​។ ចំពោះ​បញ្ហា​ដែល​កំពុង​ប៉ះពាល់​ដល់​បរិស្ថាន​ខាង​លើ មហាជន​ក្នុង​ខេត្តកំពត សំណូមពរ​ដល់​អ្នកគ្រ​ប់​គ្រង​ផ្នែក​សំរាម គួរតែមាន​ភាពរួស​រាន់​ឆាប់​ប្រមូល​ចេញ​មួយថ្ងៃ​ម្តង ហើយ​មិនត្រូវ​ប្រមូល​តែ​ពេលព្រឹក​បែបនេះ​ទេ សូម​ប្រមូល​ពេលយប់​ទើប​ប្រសើរ​ជាង​។​
ទាក់ទិន​នឹង​បញ្ហា​ប្រមូល​សំរាម​មាន​ភាព​បង្អែរ​បង្អង់​នេះ​អ្នកយកព័ត៌មាន​មិនអាច​សុំ​ការអត្ថាធិប្បាយ​ពី​ប្រធាន​ផ្នែក​ខាង​ប្រមូល​សំរាម​នេះ​បានទេ​នៅ​រសៀល​ថ្ងៃទី​២០​ខែសីហា ឆ្នាំ​២០១៣​នេ​៕

ណា​រិ​ទ្ធ


Copyright © 2010-2021 · អរិយធម៌ · All Rights Reserved.
Develop by Sek Sathya