ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » ស៊ូស្លាប់​​ក្រោម​កាំបិត​​ប្រពន្ធ​ការពារ​ស្រី​ស្នេហ៍​ ​

ស៊ូស្លាប់​​ក្រោម​កាំបិត​​ប្រពន្ធ​ការពារ​ស្រី​ស្នេហ៍​ ​

បាត់ដំបង​៖​ភ្លើងកំហឹង​ស្នេហ៍​ត្រីកោណ បានធ្វើ​ឲ្យ​ស្ត្រី​ម្នាក់​ដាច់ចិត្ត​ចាក់​សម្លាប់​ប្តី​ជាច្រើន​កាំបិត ខណៈ​ប្តី​កំពុង​រួមរស់​ជាមួយ​ស្រី​ស្នេហ៍​ហ៍​យ៉ាង​ស្កប់ស្កល់​នៅក្នុង​ផ្ទះជួល​មួយកន្លែង ស្ថិតនៅ​ក្រុមទី​៣៩ ភូមិ​១៣​មករា​សង្កាត់​ព្រែក​ព្រះស្តេច ក្រុង​-​ខេត្ត បាត់ដំបង នា​ម៉ោង ៦​និង​១០​នាទី​ព្រឹក​ថ្ងៃ​អង្គារ ទី​២០ ខែសីហា ឆ្នាំ​០១៣​ដោយ​បន្សល់ទុក
​កូនប្រុស​ស្រី​៤​នាក់​នៅ​កំព្រា​។​
​លោក សូ ឌី អនុប្រធាន​មន្ទីរ​ស្រាវជ្រាវ និង​យុត្តិធម៌​កងរាជអាវុធហត្ថ​ខេត្ត​បាន​ប្រាប់ថា ជនរងគ្រោះ​ឈ្មោះ ជួប ប៊ុន​ហង្ស​អាយុ​៣៩​ឆ្នាំមាន​របរ​ជាងចម្លាក់ និង​ជា​ជនពិការ​ជើង​ម្ខាង​រីឯ​ភរិយា​ដៃដល់​ឈ្មោះ​ប្រេន សុគន្ធា​អាយុ​៣៧​ឆ្នាំមាន​ផ្ទៃពោះ​២​ខែ​និង​មានកូន​៤​នាក់​ក្នុងបន្ទុក​នៅ​ភូមិ​អន្លង់​វិល​ឃុំ​អន្លង់​វិល ស្រុក​សង្កែ​។​
​លោក​ថា ស្ត្រី​រូបនេះ​បាន​ប្រើ​កូនកាំបិត​តាម​ចាក់​សម្លាប់​ប្ដី​គ្រា​ដែល​បុរស​នេះ​កំពុងស្នាក់នៅ​នែបនិត្យ​ជាមួយ​ស្រី​កំណាន់ចិត្ត​ឈ្មោះ​ប៊ុន ឌី អាយុ​២៥​ឆ្នាំ​មកពី​ខេត្តសៀមរាប ក្នុង​បន្ទប់​ផ្ទះជួល​ខាងលើ​។​
​បើតាម​សេចក្តីរាយការណ៍​បឋម​ពី​សាក្សី​ដែល​ស្គាល់​ក្រុមគ្រួសារ​កើត​អំពើហិង្សា​ចាក់​សម្លាប់​គ្នា​នេះ បាន​ឲ្យ​ដឹងថា លោក ជួប​ប៊ុន​ហង្ស ជា​ជនរងគ្រោះ បាន​ភ្ជាប់​និស្ស័យ​ជាមួយ​ភរិយា ប្រេន សុគន្ធា​ជា​ស្ត្រី​មេម៉ាយ​កូន​២ ជាច្រើន ឆ្នាំ​មកហើយ​រហូត​ទទួលបាន​ចំណងដៃ​អនុស្សាវរីយ៍​កូន​២​នាក់​ថែម​ទៀតផង​។​
​តែ​ចំណងស្នេហា​បាន​ប្រែជា​ប្រេះឆា និង​ឈ្លោះប្រកែក​គ្នា​ជា​ញឹកញយ​បន្ទាប់ពី​ស្វាមី​ជា​ជនរងគ្រោះ បាន​លួច​លប មាន​ស្រី​ស្នេហ៍​ថ្មី​វ័យក្មេង ឈ្មោះ​ចាន់​ឌី អាយុ ២៧​ឆ្នាំ ជា​អ្នករស់នៅ​សៀមរាប​។​
​ប្រភព​ដដែល​បន្តថា លុះ​មុន​ថ្ងៃកើតហេតុ​មួយថ្ងៃ គឺ​នៅ​ថ្ងៃទី​១៩ ខែសីហា​ជនរងគ្រោះ​ជា​ប្តី និង​ស្ត្រី​ជា​ភរិយា បាន​ជិះ​ម៉ូតូឌុប​គ្នា​ញុំ​ា​អី យ៉ាង​ល្អូកល្អិន​ព្រមទាំង​ផ្តល់​ថវិកា​២០០​ដុល្លារ​ថែមទៀត ដើម្បី​យកទៅ​ដោះបំណុល​របស់​អង្គការ​។​ទន្ទឹម​ជាមួយគ្នានេះ​ស្ត្រី​ជា​ភរិយា​ក៏បាន​សុំ​ថវិកា​បន្ថែមទៀត​ដើម្បី​យក​កូន​ទើប​ចាប់កំណើត​ចេញ តែ​ជនរងគ្រោះ​ជា
​ប្តី​មិនបាន ឲ្យ​នោះទេ​ហើយក៏​បែក​គ្នា​ទៅ​។​
​ស្រាប់តែ​យប់​ឡើង​បុរស​ជា​ប្តី​មិន​ស្នាក់នៅ​ជាមួយ​ភរិយា​នោះទេ​បាន​លប​មក​រួមដំណេក​ជាមួយ​ស្រី​កំណាន់​វ័យ​២៧​ឆ្នាំ​ក្នុង​ផ្ទះជួល​ស្ថិតនៅ​ចំណុចកើតហេតុ​ខាងលើ​។​លុះ​ព្រឹក​ឡើង​គឺ​នៅ​ថ្ងៃទី​២០​ខែសីហា​នេះ​ស្ត្រី​ជា​ភរិយា​បាន​ទៅដល់​មុខ​បន្ទប់ ស្រាប់តែ​ឮ​ស្វាមី​គាត់​និង​ស្រី​កំណាន់ចិត្ត​នោះ​កំពុង​ប្រឡែង​គ្នា​យ៉ាង​ត្រេកត្រអាល​ធ្វើ​ឲ្យ​អារម្មណ៍​គាត់
​ក្ដៅក្រហាយ​យ៉ាងខ្លាំង ក៏​ដក​កាំបិត​ពី​ចង្កេះ​ដែល​គាត់​យកមក​តាម​ចាំ​មុខ​បន្ទប់​ជាស្រេច​លុះ​ខណៈ​ស្វាមី​គាត់​បើកទ្វារ​ចេញ​ក្រៅ​បម្រុង​ទៅធ្វើ​ការ​គាត់​ក៏​ស្ទុះ​ទៅ​ចាក់​ទាំង​កំហឹង​តែម្ដង​។​
​ស្ត្រី​រូបនេះ​បន្ថែមថា គាត់​គ្មាន​ចេតនា​សម្លាប់​ប្ដី​ទេ​បើទោះជា​ដាក់​កាំបិត​តាម​ខ្លួន​ក្ដី​តែ​ដោយ​ស្ដាប់ឮ​ប្ដី​ប្រឡែង​គ្នា​យ៉ាង​ស្និត​ទ្ធ​ស្នាល​ជាមួយ​ស្រី​ផ្សេង​ទាំង​ព្រឹក​បែបនេះ ទប់​កំហឹង​មិនបាន​ក៏​ដក​កាំបិត​ចាក់ ស្រី​ស្នេហ៍​តែ​ប្តី​ចេញមក​រង​ក៏​ត្រូវចំ​ប្តី រីឯ​ស្រី​ស្នេហ៍​នោះ​ក៏​របួស​ផងដែរ​។​
​ទោះជា​ប្តី​ចេញមក​រង​កាំបិត​យ៉ាងណាក្តី ព្រោះតែ​កំហឹង​ឆាបឆួល​ពេញ​បេះដូង​ទៅហើយនោះ​អ្នកស្រី ប្រេន សុ គ​ន្ធា មិនបាន​បញ្ឈប់​សកម្ម​ភាព​របស់ខ្លួន​ឡើយ​នៅតែ​បន្ត​ចាក់ទៅលើ​ប្តី​ជាច្រើន​កាំបិត​បណ្តាល​ឲ្យ​ដេក​ដួល​ស្លាប់​ក្នុង​ថ្លុកឈាម​តែម្តង​។​
​ក្រោយ​ហេតុការណ៍​ចាក់​សម្លាប់​គ្នា​កើតចេញពី​ភ្លើង​ហិង្សា​ស្នេហា​ត្រីកោណ​ត្រូវបាន​សមត្ថកិច្ច​ចុះ​ដល់​កន្លែង​កើត ហេតុ​ភ្លាមៗ​និង​ឃាត់ខ្លួន​ស្ត្រី​ជា​ភរិយា​ដៃដល់​និង​ស្រី​កំណាន់​ទៅកាន់​ទីបញ្ជាការដ្ឋាន​ក​ង​រាជ​អាវុធហត្ថ ដើម្បី​ធ្វើការ​សួរនាំ​ផងដែរ​។​
​លោក​វរសេនីយ៍ទោ​អ៊​ន​ជ្រី​សៅរ៍​មណ្ឌល​មេបញ្ជាការរង​កងរាជអាវុធហត្ថ​ខេត្ត​និង​ជា​ប្រធាន​មន្ទីរ​ស្រាវជ្រាវ​និង​យុត្តិធម៌​បាន​បញ្ជាក់ដែរថា​នេះ​ជា​ករណី​មនុស្សឃាត​ដោយ​ចេតនា​ដែល​កើតចេញពី​ស្នេហា​ត្រីកោណ​។ លោក​មេបញ្ជាការ​ខេត្ត​បាន​បញ្ជា​ឲ្យ​ឃាត់ខ្លួន​ជនដៃដល់​ដែលជា​ភរិយា​នោះ​ហើយ​រីឯ​ស្ត្រី​កំណាន់​ចិត្តបាន​បញ្ជូនទៅ
​ព្យាបាល​នៅ​មន្ទីរពេទ្យ​ភ្លាមៗ​ដែរ​ដោយសារ​នាង​របួស​ដៃ​ម្ខាង​ពេល​ប្រតាយប្រតប់​គ្នា​ក្នុង​បន្ទប់​។​
​លោក​បញ្ជាក់បន្ថែម​ថាក​ម្លាំ​ង​ជំនាញ​កំពុង​សួរនាំ​ស្ត្រី​ដៃដល់​ដើម្បី​កសាង​សំណុំរ​រឿង​បញ្ជូនទៅ​តុលាការ​ហើយ​។​​សូមបញ្ជាក់​ផងដែរ ផ្ទះជួល​កន្លែងកើតហេតុ​ខាងលើនេះ កាលពី​ចុងឆ្នាំ​២០១២​ក៏មាន​ករណី​ឃាតកម្ម​ម្តង​រួចមក ហើយ ដោយ​ជនដៃដល់ បាន​ចាក់​សម្លាប់​ថៅកែ​អេតចាយ ម្តាយ​និង​កូន ស្លាប់​ក្នុង​ថ្លុកឈាម រហូតដល់​ឆ្នាំ​២០១៣
នេះ​មាន​ករណី​ដូចគ្នា​កើតឡើង​ជាថ្មី​ម្តងទៀត​៕

ដោយ​៖ នាយ​ដន

Copyright © 2010-2021 · អរិយធម៌ · All Rights Reserved.
Develop by Sek Sathya