ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» Breaking News, ព័ត៌មានជាតិ » លោក មួង ដា​រ៉ា ត្រូវប៉ាន់​​យកលុយ​ពុក​រលួយ​ពី​ក្រុម​​ឈ្មួញ​រកស៊ី​ខុសច្បាប់​ ​

លោក មួង ដា​រ៉ា ត្រូវប៉ាន់​​យកលុយ​ពុក​រលួយ​ពី​ក្រុម​​ឈ្មួញ​រកស៊ី​ខុសច្បាប់​ ​

កណ្តាល ៖ តាំងពី​លោក មួង ដា​រ៉ា បាន​ឡើង​ធ្វើជា​មេ​គយ​ប្រចាំ​នៅ​ការិយាល័យ​គយ​ច្រក​ជ្រៃ​ធំ ស្រុក​កោះធំ​ពី​កាលណា​មក គេ​បានឃើញ​បទល្មើស​រកស៊ី​ខុសច្បាប់​របស់​ក្រុម​ឈ្មួញ​កើតមាន​ពេញបន្ទុក​។​
បទល្មើស​ទាំងនោះ គឺ​ការ​នាំចូល​នូវ​ទំនិញគេចពន្ធ​ដូចជា ទំនិញ​ចាប់ហួយ​គ្រប់​ប្រភេទ គ្រឿងទេស មេស្រាថ្នាំ​បំពុល​សត្វ ថ្នាំ​កសិកម្ម ថ្នាំពេទ្យ​។ ការ​នាំចូល​ឆ្អឹង​មាន់ ជង្គង់​មាន់ សាច់មាន់ ទា តាម​ច្រករបៀង​ស្ថិតនៅ​ក្នុងភូមិ​ព្រែក​ស្បូវ ឃុំ​សំពៅ​ពូន ស្រុក​កោះធំ​ដឹក​ដោយ​រថយន្ត​តួ​រី​ស​សំដៅ​មក​ភ្នំពេញ​នៅពេល​យប់ ដែល​សកម្មភាព​ដឹកជញ្ជូន
​ប្រព្រឹត្តទៅ​យ៉ាង​រលូន​ដូច​កុក​ហើរ​លើ​មេឃ​អ៊ីចឹង​។​ក្រៅពីនេះ​លោក មួង ដា​រ៉ា នៅបាន​បន្ធូរបន្ថយ​លើ​ទំនិញគេចពន្ធ​ដូចជាគ្រឿងសំណង់​គ្រប់​ប្រភេទ​របស់​ក្រុមហ៊ុន​នាគ​ខៀវ​ដែល​គេ​បាន​ស្គាល់​ថា ជា​ក្រុមហ៊ុន​របស់លោក ឧ​ត្ត​ម​សេនីយ៍​ផ្កាយ​៣ សៀ ហ៊​រហុយ និង​ក្រុម​ហង្ស របស់លោក​ឧ​ត្ត​ម​សេនីយ៍​ផ្កាយ​២ ឡៅ តុង​ហាន ។ លោក​ទាំងពីរ
​នាក់​នេះ​ជា​មន្ត្រី​យោធា​នៅក្នុង​បន្ទាយ​អង្គរក្ស​សម្តេច​តេ​ជោ ហ៊ុន សែន  ។
បញ្ហា​ឃុបឃិត​គ្នា​របស់លោក មួង ដា​រ៉ា និង​ក្រុម​ឈ្មួញ​ទាំងនេះ គឺ​បានធ្វើ​ឲ្យ​បាត់បង់​ចំណូល​រដ្ឋ​រាប់ពាន់​លាន​រៀល​ក្នុង​មួយខែៗ​។ ចំណែក​ទំនិញ​ខុសច្បាប់​ដែល​ក្រុម​ឈ្មួញ​នាំ​ចេញទៅ​ប្រទេស​វៀតណាម​វិញ គឺមាន​ដូចជា​ឈើ​ប្រណីត និង​សត្វព្រៃ​គ្រប់​ប្រភេទ ។ បទល្មើស​នាំ​ឈើ​ចេញទៅ​ប្រទេស​វៀតណាម​គឺ​កើតមាន​ជា​រៀងរាល់ថ្ងៃ តែ​មិន
​ត្រូ​ន​បាន​មន្ត្រី​ជំនាញ ពិសេស​មន្ត្រី​គយ​ដូច​លោក មួង ដា​រ៉ា ធ្វើការ​បង្ក្រាប​ឡើយ ។
ក្រៅពី​ការបើក​ដៃ​ឲ្យ​មាន​បទល្មើស​នាំចេញ និង​នាំចូល​នូវ​ទំនិញ​ខុសច្បាប់​ខាងលើ ឥឡូវនេះ​ស្រាប់​តែមាន​លេចឮ​ព័ត៌មាន​ថា លោក មួង ដា​រ៉ា បាន​ឲ្យ​កូនចៅ​ទៅ​ដាក់​ប៉ុស្តិ៍​អង្គុយចាំ​កត់​ក្បាលជ្រូក​ដែល​នាំចូល​ពី​ប្រទេស​វៀតណាម​តាម​ច្រករបៀង​ស្ថិតនៅ​ក្នុងភូមិ​ព្រែក​ស្បូវ ឃុំ​សំពៅ​ពូន ស្រុក​កោះធំ ចូលមក​ប្រទេស​កម្ពុជា​ក្នុង​មួយ​ក្បាល​លោក
មួង ដា​រ៉ា តម្រូវ​ឲ្យ​បង់​១០០០០​រៀល (​មួយ​ម៉ឺន​រៀល​) ហើយ​ក្នុង​មួយថ្ងៃៗ ជ្រូក​រាប់ពាន់​ក្បាល​ត្រូវបាន​នាំចូល​។
ចំណែក​សមត្ថកិច្ច​ជំនាញ​ពេទ្យសត្វ​ក៏​អង្គុយចាំតែ​កត់​ក្បាលជ្រូក​គិតលុយ​ដូច​កុក​ចាំ​ចឹក​ចំណី​អ៊ីចឹង​ដែរ ។​នេះ​បាន​ពិតជា​ដូច​រឿង​ទន្សោង​គោព្រៃ​មែន​ដើររក​ស៊ី​តាម​ជើងភ្នំ​ផឹកទឹក​ដងអូរ តូច​ស៊ី​ដោយ​តូច ធំ​ស៊ី​ដោយ​ធំ ។​ឲ្យ​តែ​បាន​លុយ​បើទោះបី​ច្បាប់​ហាមឃាត់​ការនាំ​ចូល​នូវ​សត្វ​ជ្រូក មាន់ ទា នេះ​បានធ្វើ​ឲ្យ​មាន​ជំងឺឆ្លង​ផ្តាសាយ​បក្សី​ស្លាប់​ប្រជាជន​ខ្មែរ​យ៉ាងណាក៏ដោយ​ក៏​មិន​ខ្វល់​ដែរ Sic ។​
ពាក់ព័ន្ធ​នឹង​ការចោទប្រកាន់​ខាងលើ​អ្នកយកព័ត៌មាន​យើង​មិនអាច​សុំ​ការបំភ្លឺ​ពី​លោក មួង ដា​រ៉ា​បានទេ​កាលពី​ថ្ងៃទី​២០ ខែសីហា ឆ្នាំ​២០១៣​ដោយសារ​ទូរស័ព្ទ​ទាក់ទង​មិន​ចូល​៕

​ដោយ​៖​ដាំ​ជា


Copyright © 2010-2021 · អរិយធម៌ · All Rights Reserved.
Develop by Sek Sathya