ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក​ស្មៀនឃុំ​សំបូរ អាង​អំណាច​ប្រាក់​និង​បងប្រុស​ជា​អនុប្រធាន​បក្ស លួច​ក្លែង​ឯកសារ​យកឈ្មោះ​អ្នក​ដ៏​ទៃ ទៅ​ឈរឈ្មោះ​តំណាងរាស្ដ្រ?​  ||     លោក ញឹ​ប ស្រ៊ន ពាក់ព័ន្ធ​នឹង​បទល្មើស​នេសាទ​នៅ​តាកែវ?​  ||     ប្រធាន​មន្ទីរពេទ្យបង្អែក​ខេត្តកំពត មាន​ភាពមិនប្រក្រតី បក្ខពួកនិយម ?​  ||     រដ្ឋបាល​ស្រុក​កំពង់លែង មិន​ហ៊ាន​ចេញមុខ​ឆ្លើយបំភ្លឺ​ឲ្យ​មហាជន​បានដឹង​នោះទេ ជុំវិញ​ករណី​ដីព្រៃ​លិច​ទឹក​ដែលជា​ជំ​រកត្រី​ពង​កូន​ដែល​ទទួលរង​នូវ​ការបាត់បង់​ទាំងស្រុង​ពី​សំណាក់​អស់លោក​មន្ត្រី​គ្រាប់​ល្ពៅ​មួយចំនួន​ឈូសឆាយ​ទន្ទ្រាន​យក​ចែកគ្នា​ធ្វើជា​ដី​កម្មសិទ្ធិ​ស្របច្បាប់​តែ​សព្វថ្ងៃ​ដី​នោះ​លិច​ទឹក​អស់ហើយ​រំលឹក​ឡើងវិញ​  ||     លោក សយ សូ​ណា និង​លោក កែប កត់ បើក​អោយ មេ​ឈ្មួញ​ឈ្មោះ ហូ​វ ជី​វ៉ៃ ឈ្មោះ ស៊ី នឿន កែនពល​រដ្ឋ​កាប់​ឈើ​នៅ​ភូមិ​ភិ ស្រុក​អូរ​យ៉ា​ដាវ និង ស្រុក​អណ្តូង​មាស ទំលាក់​ទឹក​ឆ្លងទៅ​ស្រុក​យួន យ៉ាង​អនាធិបតេយ្យ?​  ||   

» សេដ្ឋកិច្ច » សម្តេច​តេ​ជោ​សែន ស្នើអោយ​ក្រុមហ៊ុន ប្រេងឥន្ធនៈ​ទាំង​ក្នុងស្រុក និង​បរទេស​ទាំងអស់​នៅ​កម្ពុជា បញ្ចុះតម្លៃ​ប្រេងសាំង​

សម្តេច​តេ​ជោ​សែន ស្នើអោយ​ក្រុមហ៊ុន ប្រេងឥន្ធនៈ​ទាំង​ក្នុងស្រុក និង​បរទេស​ទាំងអស់​នៅ​កម្ពុជា បញ្ចុះតម្លៃ​ប្រេងសាំង​

​ភ្នំពេញ៖ សម្តេច នាយករដ្ឋមន្ត្រី នៃ​ព្រះរាជណាចក្រ​កម្ពុជា ស្នើ​ឲ្យ​ម្ចាស់​ក្រុមហ៊ុន​ប្រេងឥន្ធនៈ​ទាំង​ក្នុងស្រុក និង​បរទេស​ទាំងអស់​នៅ​កម្ពុជា គួរតែ​បញ្ចុះតម្លៃ​លក់​សាំង​បន្ថែមទៀត ស្រប​ពេលដែល​តម្លៃ​ប្រេងសាំង​នៅលើ​ទីផ្សារ​អន្តរជាតិ​ធ្លាក់​ថ្លៃ​យ៉ាងគំហុក ។​
​នៅក្នុង​ពី​ធី​សម្ពោធ​ដាក់អោយ​ដំណើការ​វា​រី​អគ្គិសនី ឫស្សី​ជ្រុំ ស្រុក​មណ្ឌលសីមា ខេត្តកោះកុង​កាលពី​ថ្ងៃទី​១២ មករា សម្តេច នាយករដ្ឋមន្ត្រី ហ៊ុន សែន បាន​ទទូច​ឲ្យ​ក្រុមហ៊ុន​ផ្គត់ផ្គង់ ប្រេងឥន្ធនៈ​នៅ​កម្ពុជា ទាំងអស់​គួរតែ​ពិចារណា​ឡើងវិញ​លើ​លទ្ធភាព​បញ្ចុះតម្លៃ​ប្រេងសាំង របស់ខ្លួន​បន្ថែមទៀត​។ ហេតុផល​សំខាន់បំផុត​មួយ​ដែល​សម្តេច លើក​យកមក​សំអាងថា ក្រុមហ៊ុន​ប្រេងឥន្ធនៈ ត្រូវតែ​បញ្ចុះ​ថ្លៃ​នោះ​ពីព្រោះ តម្លៃ​ប្រេង​ឆៅ​នៅលើ​ទីផ្សារ​អន្តរជាតិ​ធ្លាក់​ថ្លៃ​យ៉ាងគំហុក​នាពេល​បច្ចុប្បន្ន​។​
​អ្នកសេដ្ឋកិច្ច​វិញ​យល់ឃើញថា ការបញ្ចុះ​តម្លៃ​ប្រេងសាំង​នៅ​កម្ពុជា តាម​ការធ្លាក់​ថ្លៃ​របស់​ទីផ្សារ​អន្តរជាតិ ប្រមាណ ៥០​ដុល្លារ​អាមេរិក​ក្នុង​មួយ​បារ៉ែល (១៦០​លីត្រ​) នោះ គឺ​ប្រទេស​កម្ពុជា អាច​សន្សំ​ថវិកា​ប្រមាណ ៧០០​លាន​ដុល្លារ​អាមេរិក​ក្នុង​ទំហំ​សេដ្ឋកិច្ចជាតិ​។​
​សារព័ត៌មាន ប្លូ​ម​ប៊ើ​គ (Bloomberg) ដែល​ស្រាវជ្រាវ​តម្លៃ​ទីផ្សារ​ប្រេង​ឆៅ​បាន​ព្យាករ​តម្លៃ​ប្រេង​ឆៅ​នៅលើ ពិភពលោក រហូតដល់​ថ្ងៃទី​១៥ កុម្ភៈ ឆ្នាំ​២០១៥ មានតម្លៃ​ប្រមាណ ៥០​ដុល្លារ​អាមេរិក​ក្នុង​មួយ​បារ៉ែល ឬ​សមាមាត្រ​នឹង​ប្រេង​ឆៅ​មួយ​លីត្រ​មានតម្លៃ ១.៣០០​រៀល​។ ប៉ុន្តែ​តម្លៃ​ប្រេង​ដែល​ចម្រាញ់​រួច​នឹង​អាច​ប្រើប្រាស់​បាន​មានតម្លៃ ប្រមាណ ២.០០០​រៀល​ក្នុង​មួយ​លីត្រ​នៅលើ​ទីផ្សារ​អន្តរជាតិ​។​
​ចំពោះ​ក្រុមហ៊ុន​ផ្គត់ផ្គង់​ប្រេងសាំង​ក្នុងស្រុក​នៅ​កម្ពុជា វិញ បានកំណត់​លក់​តម្លៃ​ប្រេងសាំង​ក្នុង​មួយ​លីត្រ​ក្នុង​ចន្លោះ​ពី ៤.០០០ ទៅ ៤.២០០​រៀល រីឯ​ក្រុមហ៊ុន​ផ្គត់ផ្គង់​ប្រេងសាំង​បរទេស​នៅ​កម្ពុជា បានកំណត់​តម្លៃ​លក់​រហូតដល់ ៤.៥០០​រៀល​ក្នុង​មួយ​លីត្រ​។​
​សម្តេច​បន្តថា  អះអាងថា ក្រុមហ៊ុន​ប្រេងសាំង​ដែល​ធ្លាប់​យក​លេស​ថា ការកំណត់​តម្លៃ​លក់​ប្រេងសាំង​ខ្ពស់​ដោយសារតែ​បរិមាណ​ស្ដុក​ទិញ​ពី បរទេស​មានតម្លៃ​ខ្ពស់​ដែរនោះ គួរតែ​បញ្ចប់ទៅ ព្រោះ​តម្លៃ​ប្រេង​ឆៅ​បាន​បន្ត​ធ្លាក់​ថ្លៃ​អស់​រយៈពេល​ជាច្រើន​ខែ ក្នុង ស្រុក​ក៏ដោយ ក្រៅ​ស្រុក​ក៏ដោយ សូមមេត្តា​ពិនិត្យមើល​លទ្ធភាព​បញ្ចុះតម្លៃ​ប្រេងសាំង​ឡើងវិញ ព្រោះ​សាំង​ទិញ​មក​មុន វា​ល្មម​អស់ហើយ កុំ​លក់​យកចំណេញ​ច្រើនពេក ។​
​សម្តេច នាយករដ្ឋមន្ត្រី ហ៊ុន សែន បញ្ជាក់ថា តម្លៃ​ប្រេងសាំង​ដែល​រដ្ឋាភិបាល​កំណត់​ចង់បាន​នោះ គឺ​ក្រោម ៤.០០០​រៀល​ក្នុង​មួយ​លីត្រ​។ ប៉ុន្តែ​រហូតដល់​ពេលនេះ ក្រុមហ៊ុន​ប្រេងសាំង​នៅ​កម្ពុជា ទាំងអស់ មិនទាន់​ឆ្លើយតប​ទៅនឹង​ការស្នើសុំ​របស់លោក​នាយ​ក​រដ្ឋមន្ត្រី ហ៊ុន សែន ឡើយ​ទេ​។​
​បច្ចុប្បន្ន ក្រុមហ៊ុន​ប្រេងឥន្ធនៈ​ធំៗ​ទាំង​ក្នុងស្រុក​និង​បរទេស កំពុង​ប្រតិបត្តិការ​អាជីវកម្ម​នៅ​កម្ពុជា ទាំងអស់ មាន​ចំនួន ៧​ក្រុមហ៊ុន​៕

58

Copyright © 2010-2018 · អរិយធម៌ · All Rights Reserved.
Develop by Sek Sathya