ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពិតជាកក្រើកពេកហើយ រាជរដ្ឋាភិបាល កម្ពុជា ខិតខំប្រឹងប្រែងទប់ស្កាត់ កូវីត ១៩ តែមន្ត្រីថ្នាក់ក្រោមជាតិ ក្នុងខេត្តកំពង់ឆ្នាំង ឆ្លៀតឱកាសឲ្យជនខិលខូចទន្រ្ទានយកដីរដ្ឋ​  ||     អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||   

» ព័ត៌មានជាតិ » លោក ប៉ែន សុវណ្ណ និង​លោក ថាច់ សេដ្ឋា អាមេរិក​ដាក់ចូល​ក្នុង​បញ្ជីខ្មៅ មិន​ឲ្យ​ចូល​ទឹកដី​អាមេរិក​

លោក ប៉ែន សុវណ្ណ និង​លោក ថាច់ សេដ្ឋា អាមេរិក​ដាក់ចូល​ក្នុង​បញ្ជីខ្មៅ មិន​ឲ្យ​ចូល​ទឹកដី​អាមេរិក​

​ភ្នំពេញ​៖ លោក ប៉ែន សុវណ្ណ អតីត​នាយករដ្ឋមន្ត្រី និង​ជា​តំណាងរាស្ត្រ​គណបក្ស​សង្គ្រោះ​ជាតិ ត្រូវបាន​ប្រទេស​អាមេរិក​ដាក់ចូល​ក្នុង​បញ្ជីខ្មៅ មិន​ឲ្យ​ចូល​ទឹកដី​អាមេរិក​ពាក់ព័ន្ធ​នឹង​ករណី​ជួញដូរ​មនុស្ស ។​
​បើតាម​ព័ត៌មាន​ចែកចាយ​តៗ​គ្នា​លើ​បណ្តាញ​សង្គម​ហ្វេ​ស​ប៊ុ​ក​ឲ្យ​ដឹងថា លោក ប៉ែន សុវណ្ណ និង​លោក ថាច់ សេដ្ឋា ត្រូវបាន​អាមេរិក​បញ្ចូល​ឈ្មោះ​ទៅក្នុង​បញ្ជីខ្មៅ ក្រោយ​ត្រូវបាន​សមត្ថកិច្ច​អាមេរិក​ស្រាវជ្រាវ​រកឃើញថា បាន​ប្រព្រឹត្ត​បទឧក្រិដ្ឋ​ជួញដូរ​មនុស្ស​ឆ្លងដែន​ពី​ប្រទេស​កម្ពុជា​ទៅ កាន់​សហរដ្ឋអាមេរិក ។​
​ឆ្លើយតប​នឹង​ព័ត៌មាន​នេះ តំណាងរាស្ត្រ​គណបក្ស​សង្គ្រោះ​ជាតិ លោក ប៉ែន សុវណ្ណ មានប្រសាសន៍ថា លោក​បាន​ទទួលបាន​ដំណឹង​ថា ឈ្មោះ​របស់លោក​ត្រូវបាន​អាមេរិក​ដាក់​ប​ញ្ជូ​ល​ក្នុង​បញ្ជីខ្មៅ​ពិតមែន ។ លោក​ថា មូលហេតុ​ដែល​នាំ​ឲ្យ​ឈ្មោះ​របស់លោក​ត្រូវបាន​គេ​បញ្ចូល​ទៅក្នុង​បញ្ជីខ្មៅ ដោយសារ​កាលពី​ឆ្នាំ​២០០១ លោក​បានធ្វើ​ដំណើរ​ទៅ​អាមេរិក​ជាមួយ​អ្នកបកប្រែ​ម្នាក់ ក្រោយពេល​លោក​ទៅដល់​អាមេរិក អ្នកបកប្រែ​រូបនោះ​ឈឺ​មិនអាច​ត្រឡប់មកវិញ​បាន​ក៏​រស់នៅ​ទីនោះ​មួយរយៈ ។ លោក​ថា ក្រោយពេល​លោក​ត្រឡប់មកវិញ លោក​បាន​ជូនដំណឹង​ទៅ​ស្ថានទូត​អាមេរិក​រួចរាល់​ហើយ ។​
​លោក​បន្តថា គាត់​កំពុងធ្វើការ​ដោះស្រាយ​បញ្ហា​នេះ ហើយ​អាមេរិក​នឹង​ដក​ឈ្មោះ​របស់លោក​ចេញពី​បញ្ជីខ្មៅ​វិញ​ឆាប់ៗ ក្រោយពី​ជំនួយការ​ម្នាក់​នោះ​ទៅ​បង្ហាញខ្លួន​នៅ​ស្ថានទូត​អាមេរិក​ប្រចាំ​កម្ពុជា ។ លោក​បញ្ជាក់ថា យើង​យក​លិខិតឆ្លងដែន របស់​អ្នកបកប្រែ​ដែល​ទៅជា​មួយ​លោក ឲ្យ​គេ​ឃើញ ហើយ​យក​សំបុត្រ​ពេទ្យ​ឲ្យ​គេ​ឃើញ ទើប​គេ ទទួលស្គាល់ ។​
​ចំណែក លោក ថាច់ សេដ្ឋា ប្រធាន​អង្គការ​សមាគម​ខែ្មរ​កម្ពុជា​ក្រោម និង​ជា​អតីត​សមាជិក​ព្រឹទ្ធសភា​គណបក្ស សម រង្ស៊ី លោក​មិនទាន់បាន​ទទួលដំណឹង​ណាមួយ​ពាក់ព័ន្ធ​នឹង​ការដាក់​ប​ញ្ជូ​ល​ឈ្មោះ របស់លោក​ទៅក្នុង​បញ្ជីខ្មៅ​របស់​អាមេរិក​នៅ​ឡើយ​ទេ ៕

areyathor

Copyright © 2010-2021 · អរិយធម៌ · All Rights Reserved.
Develop by Sek Sathya