ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» Breaking News, ព័ត៌មានជាតិ » រដ្ឋមន្ត្រីក្រសួង​ធម្ម​ការចុះ​ស្រាវជ្រាវ​រឿង​អំពើពុករលួយ​នៅ​មន្ទីរ​ធម្មការ​ខេត្ត ពោធិ៍សាត់​ ​

រដ្ឋមន្ត្រីក្រសួង​ធម្ម​ការចុះ​ស្រាវជ្រាវ​រឿង​អំពើពុករលួយ​នៅ​មន្ទីរ​ធម្មការ​ខេត្ត ពោធិ៍សាត់​ ​

ពោធិ៍សាត់ ៖ ក្រោយ​បណ្តាញ​ព័ត៌មាន​ក្នុងស្រុក​ជាច្រើន​ធ្វើការ​ចុះផ្សាយ​អំពី​អំពើពុករលួយ របស់លោក ប្រធានការិយាល័យ​រដ្ឋ​បាល​នៃ​មន្ទីរ​ធម្មការ​និង​សាសនា​ខេត្តពោធិ៍សាត់​ឈ្មោះ ពេជ្រ ចន្ថា ដោយមាន​ការគាំទ្រ​ពី​លោក​ប្រធាន​មន្ទីរ នូ ផេង នោះមក បានធ្វើ​ឲ្យ​មានការ​ចាប់អារម្មណ៍​យ៉ាងខ្លាំង​ពី​មហាជន​។ ក្រៅពីនោះ​ក៏មាន​ការចាប់អារម្មណ៍​ពី​ថ្នាក់ដឹកនាំ​និង​មន្ត្រី​សំខាន់ៗ នៅ​ក្រសួង​ធម្មការ​ជាពិសេស​គឺ​លោក​រដ្ឋមន្ត្រី មិន ឃិន ផងដែរ​។ ដោយសា​មាន​ព័ត៌មាន​អំពើពុករលួយ​ខាងលើ​នោះ នៅ​រសៀល​ថ្ងៃទី​១២​មករា លោក​រដ្ឋមន្ត្រីក្រសួង​ធម្មការ មិន ឃិន និង​អមដំណើរ​ដោយ​លោកស្រី កែវ សុធា​រី អគ្គនាយក​រដ្ឋបាល​និង​ហិរញ្ញវត្ថុ​និង​ជា​ម្តាយមីង​បង្កើត​របស់លោក ពេជ្រ ចន្ថា រួម​និង​មន្ត្រី​សំខាន់ៗ​របស់​ក្រសួង​ធម្មការ​បាន​ចុះ​ធ្វើការ​ស្រា​ជ្រាវ​ករណី​អំពើ​ពុ​រលួយ​ដ៏​ធ្ងន់ធ្ងរ​ដែល​ប្រព្រឹត្ត​ដោយ​លោក​ពេជ្រ ចន្ថា នោះ​។
​    ​ហើយ​នៅក្នុង​ពេលធ្វើ​ការចុះ​ស្រាវជ្រាវ​នោះ​លោក​រដ្ឋមន្ត្រី មិន ឃិន បាន​កោះហៅ​លោក ពេជ្រ ចន្ថា ដែលមាន​តួនាទី​ជា ប្រធាន​កា​រិ​យ​ល័យ​រដ្ឋបាល លោក​អនុប្រធាន​ការិយាល័យរ​ដ្ឋ​បាល​និង​លោក​អនុប្រធាន​មន្ទីរ​ឈ្មោះ រ៉ុ​ន សុភា​រិ​ន ទៅ​សាកសួរ​នៅក្នុង​សណ្ឋាគារ​ភ្នំ​ពេជ្រ ទល់មុខ​អគ្គិសនី​ខេត្តពោធិ៍សាត់ នៅក្នុង​ពេលនោះ​លោក​រដ្ឋមន្ត្រី​បាន​ឲ្យ​លោក​ពេជ្រ ចន្ថា ធ្វើការ​បំភ្លឺ​ជុំវិញ​ករណី​អំពើពុករលួយ​ខាងលើ​និង​បាន​ប្រមូល​ឯកសារ​ចំណាយ​នានា​របស់​មន្ទីរ​ធម្មកា​រ​ទៅពិនិត្យ​ផងដែរ​។ ដោយសារ​តែមាន​ការចុះ​ស្រាវជ្រាវ​ករណី​អំពើពុករលួយ​មួយ​នេះ បានធ្វើ​ឲ្យ​មន្ត្រី​រងគ្រោះ​ជាច្រើន​ក្នុងចំណោម​មន្ត្រី​ក្របខណ្ឌ​ចំនួន​១៩​នាក់​របស់​មន្ទីរ​ធម្ម​ការ ពោធិ៍សាត់ មានការ​ត្រេ​អរ​យ៉ាងខ្លាំង សង្ឃឹមថានឹង​អាច​កាចធ្មុង​លោក​ពេជ្រ ចន្ថា បាន​មួយកម្រិត ប៉ុន្តែ​អ្វីដែល​ពួកគាត់​ព្រួយបារម្ភ​ខ្លាំង​គឺ​ខ្លាច​លោកស្រី កែវ សុធា​រី ដែលមាន​អំណាច​ធំ​នៅ​ក្រសួង​ធម្ម​ការជួយ​អន្តរាគមន៍​ឲ្យ​លោក​ពេជ្រ ចន្ថា រួចខ្លួន​។​
​    ​តាម​ប្រភពព័ត៌មាន​បាន​ឲ្យ​ដឹងថា ករណី​ដែល​លោក ពេជ្រ ចន្ថា អាច​ប្រព្រឹត្ត​អំពើពុករលួយ​បាន​ដោយសារ​តែមាន​ការបើក​ភ្លើង​ខៀវ​ពី​សំណាក់​លោក​ប្រធាន​មន្ទីរ នូ ផេង ដើម្បី​ទទួលផល​ប្រយោជន៍​ទាំងអស់គ្នា ហើយ​ឲ្យ​លោក ពេជ្រ ចន្ថា ជា​អ្នក​ចេញមុខ​ធ្វើការ​ងារ​ដែល​ខុសច្បាប់​។ ចំណែក​លោក​នូ ផេង គឺ​គាត់​យក​លេស​ថា​មាន​សុខភាព​មិនសូវ​ល្អ មិនសូវ​ចូលធ្វើការ ប៉ុន្តែ​គាត់​មិនបាន​ផ្ទេរសិទ្ធិ​ទៅ​ឲ្យ​អនុប្រធាន​មួយណា​ទេ ដោយ​គាត់​ក្តោប​ការងារ​ទាំងអស់ ខណៈពេល​រូបគាត់​នឹងត្រូវ​ចូលនិវត្តន៍​នៅ​ខែឧសភា​ខាងមុខនេះ​ក៏ដោយ​។ ហើយ​ថ្មីៗ​នេះ​មាន​ព័ត៌មាន​ដែល​អាច​ទុកចិត្តបាន​គឺ​លោក​ប្រធាន​មន្ទីរ​កំពុងតែ​ប្រ​កូ​ស​ប្រកាស​រក​អ្នកទិញ​ទីតាំង​មន្ទីរ​ធម្មការ​ចាស់​ក្នុងតម្លៃ​រាប់ម៉ឺន​ដុល្លា ប៉ុន្តែ​មិនដឹងថា​អាច​លក់បាន​ឬ​មិន​បានទេ​នៅពេល​ខាងមុខ​ដ៍​ខ្លី​នេះ ទោះបី​លោក នូ ផេង លក់​អតីត​មន្ទីរ​ធម្មការ​ចាស់​មិនបាន​ក៏​រូបគាត់​បាន​យកលុយ​ពី​ការជួល​អតីត​មន្ទីរ​មួយ​នេះ​ជា​រៀងរាល់ខែ​រួចហើយ ចំពោះ​ប្រាក់​ទាំងអស់​ចូល​ហោប៉ៅ​លោក នូ ផេង តែម្នាក់ឯង​។ ដោយសារតែ​លោក នូ ផេង មានឱកាស​បាន​ឡើង​ធ្វើជា​ប្រធាន​មន្ទីរ​ក្នុងពេលដែល​រូបគាត់​ជិត​ចូលនិវត្តន៍​គឺ​គាត់​សប្បាយ​និង​បុ​ណ​ស័​ក្ត​និង​ប្រឹង​ប្រមូលប្រាក់​គ្រប់យ៉ាង​ដើម្បី​ដេកស៊ី​ថ្ងៃមុខ ហើយ​មួយរយៈ​ខ្លី​កន្លងមកនេះ​រូបគាត់​សប្បាយ​ចិត្តខ្លាំង​ដើរ​ផឹកស៊ី​រហូត​ស្រវឹង​បាក់កម្លាំង​ដេក​នឹង​កន្ទេល​មក​ធ្វើការ​លែងកើត​រហូតដល់​មាន​ព្រះសង្ឃ​មួយចំនួន​នៅក្នុង​ខេត្ត​នាំគ្នា​និមន្ត​ទៅ​សួរ​សុខ​ទុក​លោក​ប្រធាន​មន្ទីរ នូ ផេង ដល់ផ្ទះ​ទៀតផង​។
​សូម​រំលឹកថា​អំពើពុករលួយ​នៅក្នុង​មន្ទីរ​ធម្មការ​ខេត្តពោធិ៍សាត់ គឺ​បាន​កើតមានឡើង យ៉ាងធ្ងន់ធ្ងរ​ក្រោយពេល​លោក ខឹម ញៀ​ម អតីត​ប្រធាន​មន្ទីរ​បាន​ចូលនិវត្តន៍ និង​ដោយមាន​លោក នូ​ផេង​អតីត​អនុប្រធាន​មន្ទីរ​ឡើង​ធ្វើជា​ប្រធាន​មន្ទីរ​ក្នុង​រយៈពេល​៦-៧ ខែ​មកនេះ​។ អំពើពុករលួយ​គឺ​កើតមានឡើង​គ្រប់​រូបភាព​ដូច​ជាការ​កិបកេង​ថវិការ​នៅ​ជំពូក​៦០,៦២​និង​ជំពូក​៦៤ ប៉ុន្តែ​អ្វីដែល​ធ្ងន់ធ្ងរ​បំផុត​គឺ​ការ​ស៊ីប្រាក់ខែ​មន្ត្រី​កិច្ចសន្យា​ខ្មោច​យ៉ាងតិច​២២​នាក់​ក្នុងចំណោម​មន្ត្រី​កិច្ចសន្យា​ដែរ​មានឈ្មោះ​នៅក្នុង​បញ្ជី​២៨​នាក់​សំរាប់​ឆ្នាំ​២០១៤ និង​ការ​ស៊ីដាច់​ប្រាក់​មន្ត្រី​មាន​ជំងឺ​ជាង​១៨​លាន​រៀល​រួម​និង​ប្រាក់​សា​ហ៊ុយ​ទូទាត់​ក្នុងប្រទេស​មួយចំនួន​ថែមទៀត​។ ដែល​មន្ត្រី​ខ្លះ​មាន​ឈ្មោះថា​ការទទួលបាន​ឧបត្ថម្ភ​ប្រាក់​មាន​ជំងឺ​និង​ប្រាក់​សា​ហ៊ុយ​ទូទាត់​ក្នុងប្រទេស​ប៉ុន្តែ​ប្រាក់​ទាំងអស់នេះ​ត្រូវបាន​លោក​ប្រធានការិយាល័យ​ពេជ្រ ចន្ថា ដែលមាន​លោក​ប្រធាន​មន្ទីរ នូ ផេង នៅ​ពីក្រោយ​បាន​កិបកេង​ស្ទើរ​ទាំងស្រុង ធ្វើអោយ​មន្ត្រី​មួយចំនួនធំ​ក្នុងចំណោម​ន្ត្រី​ក្របខណ្ឌ​១៩​នាក់​កើតការ​ក្តៅក្រហាយ​រហូតដល់​អនុប្រធាន​មន្ទីរ​ក៏​ស្រក់​ទឹកភ្នែក​ដោយសារតែ​រង់​ការជិះជាន់​និង​កិបកេង​ប្រាក់​ផលប្រយោជន៍​របស់ខ្លួន កុំថាឡើយ​មន្ត្រី​ថ្នាក់​តូច​។ ហើយ​បច្ចុប្បន្ន​ការងារ​ទាំងអស់​ដែលមាន​ផលប្រយោជន៍​គឺ​ត្រូវបាន​លោក ពេជ្រ ចន្ថា ប្រមូល​យកមក​គ្រប់គ្រង ហើយ​សុំ​បី​តែ​ប្រាក់ខែ​របស់​គ្រូ​ពុទ្ធ​ក​សិក្សា​កិច្ចសន្យា​ក៏​រូបគាត់​ជា​អ្នកចាត់ចែង​និង​ជា​អ្នកដើរ​បើកប្រាក់​ខែ​អោយ​គ្រូៗ​ទាំងនោះ ពេល​បើក​ម្តងៗ​លោក ពេជ្រ ចន្ថា កាត់​ប្រាក់​ពី​គ្រូ​ក្នុង​មួយអង្គ នាក់​ពី​២​ទៅ​៣​ម៉ឺន​នាក់​ក្នុងចំណោម​គ្រូ​កិច្ចសន្យា​៤៩​នាក់ ធ្វើអោយ​លោក ពេជ្រ ចន្ថា ទទួលបាន​ប្រាក់​ក្នុងពេល​បើកប្រាក់​ខែម្តងៗ​ជិត​២​លាន​រៀល នេះ​មិនទាន់​បូក​បញ្ចូល​អំពី​គ្រូ​កិច្ចសន្យា​ដែល​បោះបង់ចោល​ភារកិច្ច​របស់ខ្លួន​មួយចំនួនទៀត ដែល​ប្រាក់ខែ​របស់​ពួកគាត់​ត្រូវបាន​លោក ពេជ្រ ចន្ថា ប្រមូលយក​តែម្នាក់ឯង​។ ចំណែក​ការិយាល័យ​ពុទ្ធិកសិក្សា​ដែលជា​អ្នក​កាន់​ជំនាញ​ចំ​គឺ​បាន​ត្រឹម​កាន់តែ​ប្រាក់​និង​បើកប្រាក់​បន្ថែម​ម៉ោង​អោយដល់​គ្រូ​ពុទ្ធិកសិក្សា​តែប៉ុណ្ណោះ​។​
​    ​តាម​ប្រភព​បានបញ្ជាក់​អោយដឹងថា ដោយសារតែ​ការប្រព្រឹត្ត​អំពើពុករលួយ​និង​ដោយសារតែ​ប្រធាន​មន្ទីរ​លោក​នូ ផេង​គ្រប់គ្រង​មន្ទីរ​មិនបាន​ល្អ​និង​មាន​ជំងឺ​ច្រើន​បានធ្វើអោយ​លោក ពេជ្រ ចន្ថា មាន​ឧកាស​ប្រព្រឹត្ត​អំពើពុករលួយ ក្នុង​រយៈពេល​ខ្លី​ទទួលបាន​ប្រាក់​មិនតិចជាង​៨០​លាន​រៀល​សំរាប់​ឆ្នាំ​២០១៤​។ ដោយសារ​មាន​អំពើពុករលួយ​ដ៏​ធ្ងន់ធ្ងរ​នៅក្នុង​មន្ទីរ​មួយ​នេះ​កើតការ​ក្តៅក្រហាយ​និង​ប្រុង​ផ្ទុះ​ក្លាយជា​ភ្នំភ្លើង​។
​សូមបញ្ជាក់​សំរាប់​គំរោង​ចំណាយ​ថវិកាជាតិ​របស់​មន្ទីរ​ធម្មការ​ខេត្តពោធិសាត់​២០១៤​គឺមាន​ថវិកា​សរុប​ចំនួន​៤២០.0​លាន​រៀល​ក្នុងនោះ ជំពូក​៦០​ចំនួន​៣៥.០​លាន​រៀល ជំពូក​៦២​ចំនួន​២៩.០​លាន​រៀល ជំពូក​៦៤​មាន​ថវិការ​ចំនួន​៣៥៦.០​លាន​រៀល​។ សំរាប់​ឆ្នាំ​២០១៣​និង​ឆ្នាំ​២០១៤​មន្ទីរ​មួយ​នេះ​អត់​មាន​ថវិការ​ជំពូក​៦១​ទេ​។ ហើយ​ថវិកា​ខាងលើ​មកដល់ពេលនេះ​គឺ​បាន​ចាយ​ស្ទើរ​អស់ ប៉ុន្តែ​ថវិកា​ទាំងនេះ​ត្រូវបាន​គេ​កឹ​ប​កេង​មិនតិចជាង​៨០​លាន​រៀល​នោះទេ​។​
​ចំពោះ​ថវិកា​ដែល​លោក ពេជ្រ ចន្ថា និង​លោក​ប្រធាន​មន្ទីរ នូ ផេង កឹ​ប​កេង​និង​ប្រព្រឹត្ត​អំពើពុករលួយ​គឺ​មាននៅ​គណនេយ្យ​លេខ​៦០១, ៦០២, ៦២២, ៦២៤, ៦៤៤, ៦៤៥​ជាដើម​។
​មន្ត្រី​ជាច្រើន​នៅក្នុង​មន្ទីរ​ធម្មការ​ខេត្ត ពោធិ៍សាត់ បាន​អំពាវនាវ​សុំអោយ​គណៈ​អភិបាលខេត្ត​លោក រដ្ឋមន្ត្រី ក្រសួង​ធម្មការ​និង​សាសនា​ជាពិសេស​អង្គភាព​ប្រឆាំង​អំពើពុករលួយ​គួរ​ពិនិត្យ​ស្រាវជ្រាវ​លើ​ករណីនេះ​ចាត់វិធានការ​ឲ្យ​បាន​ធ្ងន់ធ្ងរ​ចំពោះ​មន្ត្រី​ខិលខូច​ខាងលើ ដើម្បី​ជាការ​ផ្តល់​យុត្តិធម៌​ដល់​មន្ត្រី​រង់​គ្រោះ​និង​ដើម្បី​ជាការ​ព្រមាន​ដល់​មន្ត្រី​ខិលខូច​កុំអោយ​យកតម្រាប់​តាម​៕

Copyright © 2010-2021 · អរិយធម៌ · All Rights Reserved.
Develop by Sek Sathya