ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||     ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||   

» ព័ត៌មានជាតិ » ស្ត្រី​ម្នាក់​ស្រែកយំ​ឆោឡោ​ប្តឹង​សមត្ថកិច្ច ថា​ប្តី​ដែល​លែងលះគ្នា មក​លួច​យក​កូនប្រុស​អាយុ​២​ឆ្នាំ របស់គាត់​បាត់​ហើយ

ស្ត្រី​ម្នាក់​ស្រែកយំ​ឆោឡោ​ប្តឹង​សមត្ថកិច្ច ថា​ប្តី​ដែល​លែងលះគ្នា មក​លួច​យក​កូនប្រុស​អាយុ​២​ឆ្នាំ របស់គាត់​បាត់​ហើយ

​ភ្នំពេញ ៖ ស្ត្រី​ម្នាក់​ស្រែកយំ​ឆោឡោ​ប្តឹង​ប៉ូលិស​ប៉ុស្តិ៍​ទឹកថ្លា​ថា ប្តី​របស់ខ្លួន​ដែល​ឈ្លោះ​គ្នា​រហូតដល់​លែងលះគ្នា​នោះ បាន​ប្រើ​មិត្ត​២​ទៅ​៣​នាក់មក​លួច​យក​កូន​ពី​ផ្ទះ​របស់គាត់​បាត់​ហើយ ។ ហេតុការណ៍​នេះ បង្កឱ្យមាន​ភាព​ភ្ញាក់ផ្អើល​កាលពី​វេលា​ម៉ោង​១១​នឹង​៤៥​នាទី យប់​ថ្ងៃទី​០៧ ខែមករា ឆ្នាំ​២០១៥ នៅ​ចំណុច​ម្តុំ​ផ្សារ​ទឹកថ្លា ខណ្ឌ​សែន​សុខ ។​
​ស្ត្រី​ខាងលើ​មិនបាន​បញ្ជាក់ប្រាប់​ឈ្មោះ ដល់​សមត្ថកិច្ច នឹង​ក្រុម​អ្នកយកព័ត៌មាន​ទេ គាត់​គិតតែ​ស្រែកយំ​ប្រាប់​ទៅ​សមត្ថកិច្ច​ថា កូនប្រុស អាយុ​២​ឆ្នាំ ម្នាក់​ត្រូវបាន​មិត្តភក្តិ​ប្តី​គាត់​ប្រើ​ឱ្យមក​លួច​យក​ពី​ផ្ទះ​គាត់​បាត់ ហើយ​ខណៈពេល​គាត់​មិនបាន​នៅផ្ទះ ។​
​មុនពេល​កើតហេតុ​គេ​បានឃើញ​ស្ត្រី​ខាងលើ​ជិះ​ម៉ូតូ​ឌ្រី​ម​សេ​១២៥ ពណ៌​ខ្មៅ មួយគ្រឿង​ជាមួយ​បុរស​ម្នាក់​រួម​ដំណើរ​ជាមួយ​ស្ត្រី​ម្នាក់ទៀត ជា​មិត្តភក្តិ​របស់គាត់​ដោយបាន​ធ្វើដំណើរ​យ៉ាង​លឿន​តាម​បណ្តោយ​មហាវិថី សហព័ន្ធរុស្ស៊ី​ក្នុងទិសដៅ​ពី​លិចទៅ​កើត​ពេលធ្វើ​ដំណើរ​នោះ​ស្ត្រី​ខាង លើ​បាន​យំ​ស្រែក​តាមផ្លូវ​ថា កូនប្រុស​អាយុ​២​ឆ្នាំ​ម្នាក់​របស់គាត់​ត្រូវ​ប្តី ប្រើ​មិត្តភក្តិ​ឱ្យមក​លួច​យក​ពីក្នុងផ្ទះ​របស់គាត់​បាត់​ហើយ ។​
​លុះ​ពេលធ្វើ​ដំណើរ​តាមផ្លូវ​រហូតមកដល់​ម្តុំ​ផ្សារ​ទឹកថ្លា​ក៏​ប្រទះឃើញ ប៉ូលិស​ប៉ុស្តិ៍​ទឹកថ្លា​៣​ទៅ​៤​នាក់​កំពុងធ្វើការ​សម្របសម្រួល​ចរាចរ ក្នុង​គ្រោះថ្នាក់​ចរាចរ​មួយ ពេលនោះ​ប៉ូលិស​ឃើញ ស្ត្រី​ខាងលើ​បាន​ស្ទុះ​លោត​ចេញ​ពីលើ​ម៉ូតូ​ស្រែកយំ ឆោ​រ​ឡោ​រត់​សំដៅ​ទៅរក​ប៉ូលិស​ឱ្យជួយ​គាត់​ផង​ព្រោះ​កូនប្រុស​អាយុ​២ ឆ្នាំ​របស់គាត់​ត្រូវគេ​លួច​បាត់​ពី​ផ្ទះ​បាត់​ហើយ បង្កឱ្យមាន​ភាព​ភ្ញាក់ផ្អើល​ពេញ​ផ្លូវ​បន្ថែមទៀត ឃើញ​ដូច​នោះ​មន្ត្រីប៉ូលិស​ប៉ុស្តិ៍​ទឹកថ្លា​ខាងលើ​រួមជាមួយ​ក្រុម​អ្នកយក ព័ត៌មាន​បាន​ព្យាយាម​សួរនាំ​គាត់​ទើប​ដឹងថា​ការពិត​កូនប្រុស​អាយុ​២​ឆ្នាំ​របស់ គាត់​នោះ​ត្រូវ​ប្តី​ប្រើ​មិត្តភក្តិ​២​ទៅ​៣​នាក់​ឱ្យមក​លួច​យក​ពី​ផ្ទះ​របស់គាត់​ទេ ។
​នៅពេលដែល​សមត្ថកិច្ច​សួរនាំ​ដឹង​រឿង​អស់ហើយ​សមត្ថកិច្ច​បាន​ឱ្យ​ស្ត្រី​ខាងលើ​ទៅ​ដាក់​ពាក្យបណ្តឹង​នៅ​ប៉ុស្តិ៍នគរបាល​ទឹកថ្លា​ដើម្បីឱ្យ​សមត្ថកិច្ច​ធ្វើការ​ស្រាវជ្រាវ​នឹង​ចាត់ការ​ទៅតាម​ផ្លូវច្បាប់ បែរជា​ស្ត្រី​ខាងលើ រត់ឡើង​ជិះ​ម៉ូតូ​បន្ត​ទៅមុខទៀត​បាត់​ទៅដោយ​មិនបាន​ទៅ​ដាក់​ពាក្យបណ្តឹង នៅ​ប៉ុស្តិ៍​ប៉ូលិស​ទេ បែរជា​ធ្វើឱ្យ​ប៉ូលិស​ប៉ុស្តិ៍​ទឹកថ្លា​ឈឺក្បាល​អស់​មួយសន្ទុះ ៕

2015-1-65951abc-b24e-4403-88a6-04e404304edd

Copyright © 2010-2021 · អរិយធម៌ · All Rights Reserved.
Develop by Sek Sathya