ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ពិតជាកក្រើកពេកហើយ រាជរដ្ឋាភិបាល កម្ពុជា ខិតខំប្រឹងប្រែងទប់ស្កាត់ កូវីត ១៩ តែមន្ត្រីថ្នាក់ក្រោមជាតិ ក្នុងខេត្តកំពង់ឆ្នាំង ឆ្លៀតឱកាសឲ្យជនខិលខូចទន្រ្ទានយកដីរដ្ឋ​  ||     អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||   

» ព័ត៌មានជាតិ » បុរស​ជនជាតិ​បារាំង​ស្រវឹង​ស្រា​​ធ្លាក់​ពីលើ​កាំជណ្តើរ​បាក់​.​ក​ស្លាប់​

បុរស​ជនជាតិ​បារាំង​ស្រវឹង​ស្រា​​ធ្លាក់​ពីលើ​កាំជណ្តើរ​បាក់​.​ក​ស្លាប់​

​ខេត្តសៀមរាប ៖ បុរស​ជនជាតិ​បារាំង​ម្នាក់​ស្រវឹងស្រា និង​កញ្ឆា បាន​ឡើង​តាម​កាំជណ្តើរ​ផ្ទះជួល​ស្ថិតនៅ​ក្នុងភូមិ តាភុល សង្កាត់​ស្វាយដង្គំ ក្រុង​សៀមរាប ហើយ​មិនបាន​ប្រុង​ប្រ​យ​ត្ន័​ក៏​ផុងជើង​ធ្លាក់​ពីលើ​ចូលក្នុង​បន្ទប់ទឹក កម្ពស់​២​ម៉ែត្រ​កន្លះ បណ្តាល​ឲ្យ​បាក់​.​ក​ស្លាប់​ភា្ល​មៗ​នៅនឹងកន្លែង​កើតហេតុ បង្ក​ឲ្យ​មានការ​ភ្ញាក់ផ្អើល​ទាំង​កណ្តាលយប់​រំលង​អា​ធ្រា​ត្រ ឈានចូល​ថ្ងៃទី​០៦ មករា ឆ្នាំ​២០១៥ ។​

 
​ជនរងគ្រោះ​មានឈ្មោះ ប៊ែ​ល​នី រ៉ូ​មែន ជនជាតិ​បារាំង ភេទ​ប្រុស អាយុ​២៦​ឆ្នាំ កាន់​លិខិត ឆ្លង ដែន​លេខ 142Y19572 ហើយ​ចូលមក​កម្ពុជា​រយៈពេល​ប៉ុន្មាន​ខែ​មុននេះ  ប៉ុន្តែ​ទើប​មកលេង​ខេត្តសៀមរាប​ជា​ភ្ញៀវ​ទេសចរណ៍ ។ សមត្ថកិច្ច​បន្តថា មូល​ហេតុដែល​បណ្តាល​ឲ្យ​ជនរងគ្រោះ​ធ្លាក់​ពីលើ​កាំជណ្ដើរ​ចូលក្នុង បន្ទប់ទឹក​បត់​ក​ស្លាប់​បែបនេះ គឺ​បណ្ដាលមកពី​ស្រវឹងស្រា និង​ស្រវឹង​កញ្ឆា ស្រប​ពេលដែល​ឡើងជណ្ដើរ​ផ្ទះ​កម្ពស់​២​ម៉ែត្រ​កន្លះ គ្មាន​បង្កាន់ដៃ គួបផ្សំ​នឹង​កាំជណ្ដើរ​រាង​ចោត​ផង​នោះ ក៏​បណ្ដាល​ឲ្យ​រអិល​ជើង​ធ្លា​ក់ដាំ​ក្បាល​មកក្រោម ផុង​ចូលក្នុង​បន្ទប់​ទឹកបាក់​.​ក​ស្លាប់​ភ្លាមៗ​នៅនឹងកន្លែង​។ ចំណែកឯ​ម្ចាស់ផ្ទះ​ជូ​ល​ឈ្មោះ​អោម ម៉ា​ឡា ភេទ​ស្រី អាយុ​៤៨​ឆ្នាំ ស្នាក់នៅ​ភូមិ​-​សង្កាត់​ខាងលើ ហើយ​ជនរងគ្រោះ ទើប​មក​ជួល​ស្នាក់នៅ​ជាមួយ​មិត្តភក្តិ​បាន​រយៈពេល​ប៉ុន្មាន​ថ្ងៃ​ទេ ។​

 
​សមត្ថកិច្ច​បានឱ្យដឹង​ទៀតថា នេះ​ក៏​ជាការ​ធ្វេសប្រហែស​របស់​ម្ចាស់ផ្ទះ​ផងដែរ ព្រោះ​មិនបាន​រៀបចំ​ឲ្យ​ស្រួលបួល ជណ្តើរ​ចោត ហើយ​ថែមទាំង​មិនមាន​បង្កាន់ដៃ រីឯ​ដំបូល​បន្ទប់ទឹក​ដែល​នៅជាប់​ជណ្ដើរ​មិនបាន​ចាក់​ប្លង់​សេ​ឲ្យ​រឹងមាំ ទៀតផង បែរជាយក​ហ្វី​ប្រូ​ស៊ីម៉ង់ត៍​ស្ដើងៗ​មក​គ្របពីលើ​បន្ទប់ទឹក​បណ្តោះអាសន្ន ទើប​បណ្ដាល​ឲ្យ​ជនរងគ្រោះ​ធ្លាក់​ចូលក្នុង​បន្ទប់​ទឹកបាក់​.​ក​ស្លាប់​បែប នេះ​។​

 
​ក្រោយ​កើតហេតុ កម្លាំង​ជំនាញ​បាន​យក​សាកសព​ទៅ​តម្កល់ទុក​ក្នុង​មន្ទីរពេទ្យបង្អែក ខេត្តសៀមរាប ដើម្បី​រង់ចាំ​ខាង​ប៉ូលិសអន្តោប្រវេសន៍​មក​ចាត់ចែង​ប្រគល់​ឲ្យ​ទៅ ស្ថានទូត​បារាំង ។ លុះ​ព្រឹក​ថ្ងៃទី​០៦ មករា កម្លាំង​ជំនាញ​អន្តោប្រវេសន៍​បានធ្វើការ​ប្រគល់​សព​ទៅ​ឲ្យ​ស្ថានទូត បារាំង ដើម្បី​យកទៅ​ធ្វើបុណ្យ​តាម​ប្រពៃណី​របស់​ជនជាតិ​គេ ៕f

Copyright © 2010-2021 · អរិយធម៌ · All Rights Reserved.
Develop by Sek Sathya