ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » ភរិយា​ចាក់​សម្លាប់​ប្តី ជាច្រើន​កាំបិត ព្រោះ​ស្នេហ៍​ត្រីកោណ ​

ភរិយា​ចាក់​សម្លាប់​ប្តី ជាច្រើន​កាំបិត ព្រោះ​ស្នេហ៍​ត្រីកោណ ​

បាត់ដំបង​៖ សមត្ថកិច្ច​បាន​ឲ្យ​ដឹងថា ជនរងគ្រោះ​ជា​ប្តី ដែល​ស្លាប់​ក្រោម​ផ្លែកាំបិត​ចិតបន្លែ​របស់​ភរិយា​ខ្លួន​នេះ មានឈ្មោះ ជួប ប៊ុន​ហង្ស អាយុ ៣៦​ឆ្នាំ ជាជាង​ចម្លាក់​ឈើ មាន​ស្រុកកំណើត​នៅ​ភូមិ​អូរ​ចា សង្កាត់​អូរ​ចា ក្រុង​បាត់ដំបង​។ រីឯ​ភ​រិ យា មានឈ្មោះ ប្រេន សុគន្ធា អាយុ ៣៥​ឆ្នាំ​។​បើតាម​សេចក្តីរាយការណ៍​បឋម​ពីសា​ក្សី ដែល​ស្គាល់​ក្រុមគ្រួសារ​កើត​អំពើហិង្សា​ចាក់​សម្លាប់​គ្នា​នេះ បាន​ឲ្យ​ដឹងថា លោក ជួប ប៊ុន​ហង្ស ជា​ជនរងគ្រោះ បាន​ភ្ជាប់​និស្ស័យ​ជាមួយ​ភរិយា ប្រេន សុគន្ធា ជា​ស្ត្រី​មេម៉ាយ​កូន​២ ជាច្រើន ឆ្នាំ
​មកហើយ រហូត​ទទួលបាន​ចំណងដៃ​អនុស្សាវរីយ៍​កូន​២​នាក់​ថែម​ទៀតផង​។​
​ភ្លើងកំហឹង​ស្នេហ៍​ត្រីកោណ បានធ្វើ​ឲ្យ ស្ត្រី​ម្នាក់​ដាច់ចិត្ត​ចាក់​សម្លាប់​ប្តី​ជាច្រើន​កាំបិត ខណៈ​ប្តី​កំពុង​រួម រស់​ជាមួយ​ប្រពន្ធចុង​នៅក្នុង​ផ្ទះជួល​មួយកន្លែង ស្ថិតនៅ​ក្រុមទី​៣៩ ភូមិ​១៣​មករា សង្កាត់​ព្រែក​ព្រះស្តេច ក្រុង​-​ខេត្ត បាត់ដំបង នា​ម៉ោង ៦ និង​១០​នាទី​ព្រឹក​ថ្ងៃ​អង្គារ ទី​២០ ខែសីហា ឆ្នាំ​០១៣​។ កន្លែងកើតហេតុ​ធ្លាប់​កើត មាន​ករណី​ឃាតកម្ម
ចាក់​សម្លាប់​ម្តាយ និង​កូន ថៅកែ​អេតចាយ​ម្តង​រួចមកហើយ កាលពី​ចុងឆ្នាំ​២០១២​។​
​តែ​ចំណងស្នេហា​បាន​ប្រែជា​ប្រេះឆា និង​ឈ្លោះប្រកែក​គ្នា​ជា​ញឹកញយ បន្ទាប់ពី​ស្វាមី​ជា​ជនរងគ្រោះ បាន​លួច​លប មាន​ស្រី​ស្នេហ៍​ថ្មី​វ័យក្មេង ឈ្មោះ ចាន់​ឌី អាយុ ២៧​ឆ្នាំ ជា​អ្នករស់នៅ​សៀមរាប​។​
​ប្រភព​ដដែល​បន្តថា លុះ​មុន​ថ្ងៃកើតហេតុ​មួយថ្ងៃ គឺ​នៅ​ថ្ងៃទី​១៩ ខែសីហា ជនរងគ្រោះ​ជា​ប្តី និង​ស្ត្រី​ជា​ភរិយា បាន​ជិះ​ម៉ូតូឌុប​គ្នា​ញាំ​អី យ៉ាង​ល្អូកល្អិន ព្រមទាំង​ផ្តល់​ថវិកា​២០០​ដុល្លារ​ថែមទៀត ដើម្បី​យកទៅ​ដោះបំណុល​របស់​អង្គការ​។
ទន្ទឹម​ជាមួយ គ្នា​នេះ ស្ត្រី​ជា​ភរិយា ក៏បាន​សុំ​ថវិកា​បន្ថែមទៀត ដើម្បី​យក​កូន​ទើប​ចាប់កំណើត​ចេញ តែ​ជនរងគ្រោះ​ជា​ប្តី​មិនបាន ឲ្យ​នោះទេ ហើយក៏​បែក​គ្នា​ទៅ​។​
​ស្រាប់តែ​យប់​ឡើង​បុរស​ជា​ប្តី​មិន​ស្នាក់នៅ​ជាមួយ​ភរិយា​នោះទេ បាន​លប់​មក​រួមដំណេក​ជាមួយ​ស្រី​កំណាន់​វ័យ ២៧​ឆ្នាំ ក្នុង​ផ្ទះជួល​ស្ថិតនៅ​ចំណុចកើតហេតុ​ខាងលើ​។ លុះ​ព្រឹក​ឡើង គឺ​នៅ​ថ្ងៃទី​២០ ខែសីហា នេះ ស្ត្រី​ជា​ភរិយា បាន​ទៅដល់​ទាញយក​កាំបិត​ចិតបន្លែ ស្ទុះ​ទៅ​ចាក់​ស្ត្រី​កំណាន់​ប្រុង​ផ្តាច់ជីវិត តែដោយសារ​ស្នេហ៍​ស្មោះ​ដែរនោះ
លោក ប៊ុន​ហង្ស ជា​ប្តី​បាន​ស្ទុះ​មក​រង​។​
​ទោះជា​ប្តី​ចេញមក​រង​កាំបិត​យ៉ាងណាក្តី ព្រោះតែ​កំហឹង​ឆាបឆួល​ពេញ​បេះដូង​ទៅហើយនោះ អ្នកស្រី ប្រេន សុ គ​ន្ធា មិនបាន​បញ្ឈប់​សកម្ម​ភាព​របស់ខ្លួន​ឡើយ នៅតែ​បន្ត​ចាក់ទៅលើ​ប្តី​ជាច្រើន​កាំបិត​បណ្តាល​ឲ្យ​ដេក​ដួល​ស្លាប់ក្នុង​ថ្លុកឈាម​ទាំង​ព្រឹក​តែម្តង​។​​ក្រោយ​ហេតុការណ៍​ចាក់​សម្លាប់​គ្នា​កើតចេញពី​ភ្លើង​ហឹ​ង្សា​ស្នេហា​ត្រីកោណ ត្រូវបាន​សមត្ថកិច្ច​ចុះ​ដល់​កន្លែង​កើត ហេតុ​ភ្លាមៗ និង​ឃាត់ខ្លួន​ស្ត្រី​ជា​ភរិយា​ដៃដល់ និង​ស្រី​កំណាន់​ទៅកាន់​ទី​បញ្ជាក​រដ្ឋា​ន​កងរាជអាវុធហត្ថ ដើម្បី​ធ្វើការ​សួរនាំ​ផងដែរ​៕

Copyright © 2010-2021 · អរិយធម៌ · All Rights Reserved.
Develop by Sek Sathya