ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||   

» Breaking News, ព័ត៌មានជាតិ » មន្ទីរ​សាធារណការ​ខេត្តបន្ទាយមានជ័យ​ប្រធាន ស៊ីម សុវណ្ណ កើតមាន​អំពើពុករលួយ​(​វគ្គ​១) ​

មន្ទីរ​សាធារណការ​ខេត្តបន្ទាយមានជ័យ​ប្រធាន ស៊ីម សុវណ្ណ កើតមាន​អំពើពុករលួយ​(​វគ្គ​១) ​

​ខេត្តបន្ទាយមានជ័យ ៖ អំពើពុករលួយ​គ្រប់​រូបភាព នៅតែ​បន្ត​កើតមាន​ក្នុង​មន្ទីរ​សាធារណការ និង​ដឹកជញ្ជូន​ខេត្តបន្ទាយមានជ័យ​ដែលមាន​លោក ស៊ីម សុវណ្ណ ទោះបី​ខេត្ត​មួយ​នេះ ត្រូវ​បាន​​​អង្គភាពប្រឆាំង​អំពើពុករលួយ យក​ធ្វើជា​ខេត្ត​នៃ​ការចាប់ផ្តើម​ប្រយុទ្ធប្រឆាំង​អំពើពុក​រលួយ​ដំបូង​គេ​។​

​តាម​ប្រភព​បាន​ឲ្យ​ដឹងថា តាំងពី​ពេលមុន​មកដល់​បច្ចុប្បន្ន គឺ​អំពើពុករលួយ​បាន​ចាក់ឫស​យ៉ាង ជ្រៅ​នៅក្នុង​មន្ទីរ​សាធារណការ​នឹង​ដឹកជញ្ជូន​ខេត្តបន្ទាយមានជ័យ ហើយ​បញ្ហា​នេះ​ត្រូវបាន​គេ​ដឹងថា គឺ​បង្កឡើង​ដោយសារ​ការ​លោភលន់​ពី​សំណាក់​លោក​ប្រធាន​មន្ទីរ ស៊ីម សុវណ្ណ ដោយ​សហការ​យ៉ាង ស្អិតរ​មួ​ត​ជាមួយ​ការិយាល័យ​ផែនការ គណនេយ្យ​របស់​មន្ទីរ​ទើប​ធ្វើ​ឲ្យ​ពួកគេ​កឹ​ប​កេង​ថវិកាជាតិ មក​ធ្វើ​មានបាន​។ ដោយសារ​កិបកេង​ថវិកាជាតិ​ស្ទើរ​គ្រប់ជំពូក​ពី​សំណាក់​លោក​ប្រធាន​មន្ទីរ ស៊ីម សុវណ្ណ បានធ្វើ​ឲ្យ​ជីវភាព​របស់គាត់​អភិវឌ្ឍន៍​លឿន​ដូច​ភ្នែក​អន្ទោល ដែល​អ្នកមាន​ដើមទុន​នឹង​ទ្រព្យ សម្បត្តិ​ល្មមៗ​មិនអាច​អភិវឌ្ឍន៍​លឿន​ដូច​រូបគាត់​បាន​។

អំពើពុករលួយ​របស់​លោក ស៊ីម សុវណ្ណ ក្រៅពី​ការ​កិបកេង​ថវិកា​មិនមែន​កម្មវិធី ថវិកា​គម្រោង​នាពេល​កន្លងមក គឺ​រូបគាត់​សហការ​ជាមួយ​មន្ត្រី ជំនាញ​មួយចំនួន​ប្រព្រឹត្ត​អំពើ​ផ្តេសផ្តាស់​ដូចជា​ការរាប់​ក្បាល​ឡាន​ធន់​ធ្ងន់​ដឹកទំនិញ​យកប្រាក់​ដោយ​មិន​អនុវត្តន៍​តាមច្បាប់​ចរាចរណ៍​ផ្លូវគោក និង​ការយកថ្លៃ​ធ្វើ​ស្លាក​លេខ​ឡាន​ម៉ូតូ​ស្រេច​តែ​អំពើ​ចិត្ត ធ្វើ​ឲ្យ ប្រជាពលរដ្ឋ​មានការ​ថ្នាំងថ្នាក់​ជាមួយ​រាជរដ្ឋាភិបាល​។

ទោះបី​លោក ស៊ីម សុវណ្ណ និង​បក្ខពួក បាន​ប្រព្រឹត្ត​អំពើពុករលួយ​ធ្ងន់ធ្ងរ​ក៏ដោយ ប៉ុន្តែ​រឿង​អាស្រូវ​របស់​ពួកគាត់​គឺ​មិន​ត្រូវបាន​ក្រុមអធិការកិច្ច និង​ក្រុម​សវនកម្ម របស់​ក្រសួង​សាធា​រណៈការ និង​ដឹកជញ្ជូន​រកឃើញ​ចំណុច​អវិជ្ជមាន​នោះទេ ហើយ​នាពេល​កន្លងមក​ក្រុម​នេះ​នៅពេល​ចុះ​ត្រួតពិនិត្យ​នៅ​មន្ទីរ​នេះ​ម្តងៗ​គឺ​ដូចជា​ទៅ​ប្រថាប់ត្រា​បង្គ្រប់កិច្ច​ទៅវិញ​។

លើសពីនោះ​ទៅទៀត​នៅពេលដែល​មន្ត្រី​តូចតាច​នៅក្នុង​មន្ទីរ​ខិតខំ​ក្នុងការ​ទំលាយ រឿង​អាស្រូវ​នៅ​មន្ទីរ​ខ្លួន​ត្រូវ​ពួកគេ​ដើម្បី​ចាត់វិធានការ​បែរជា​ក្រុម​នេះ​ធ្វើ​ដូច​មើលមិនឃើញ ធ្វើ​ឲ្យ​អ្នក ដែល​ខំ​រាយការណ៍​អស់ជំនឿ​។​

​ចំពោះ​ការចំណាយ​ថវិកាជាតិ​និង​ថវិកា​ផ្សេងៗ របស់​មន្ទីរ​សាធារណការ និង​ដឹកជញ្ជូន​ខេត្ត បន្ទាយមានជ័យ បើ​មើល​ទៅលើ​តែ​ឯកសារ ដែលមាន​ចុះហត្ថលេខា​ដោយ​លោក​ប្រធាន​មន្ទីរ ស៊ីម សុវណ្ណ មើលទៅ​គួរ​ឲ្យ​សរសើរ​រាល់​ការចំណាយ​របស់​មន្ទីរ​គឺ​សូម្បីតែ​កន្ទុយ​ប្រាក់​នៃ​ការចំណាយ​២០-៣០​រៀល​ក៏មាន​ចុះ​នៅក្នុង​ការចំណាយ​មិនមាន​ការបាត់បង់​ទេ ប៉ុន្តែ​បើ​កាន់​ឯកសារ​នៃ​ការចំណាយ នានា​របស់​មន្ទីរ​និង​សាកសួរ​មន្ត្រី​ដែលមាន​ឈ្មោះ​ទទួល​ប្រាក់​ពី​ការចំណាយ​និង​ទៅ​សួរ​ដល់​ម្ចាស់​ទំនិញ និង​ដឹង​ការពិត​គឺ​ខុស​និង​ឯកសារ​យ៉ាង​សែនឆ្ងាយ ការចំណាយ​ខ្លះ​មាននៅ​លើ​តែ​ឯកសារ​របាយការណ៍ ជាក់ស្តែង​គឺ​គ្មាន ដូច្នេះ​ទើប​ធ្វើ​ឲ្យ​ពួកគេ​មានលទ្ធភាព​ក្នុងការ​កិបកេង​ថវិកាជាតិ​និង​ប្រព្រឹត្ត​អំពើ ពុករលួយ​ធ្វើ​មានបាន​នោះ​។​

​តាម​ប្រភព​បាន​ឲ្យ​ដឹងថា ដោយសារតែ​មន្ទីរ​មួយ​នេះ​មាន​ប្រធាន​គឺជា​មនុស្ស​ដែល​ពូកែ​ខាង ប្រព្រឹត្ត​អំពើពុករលួយ​នោះ មន្ត្រី​តូចតាច​មួយចំនួន​ដែល​មិនមែនជា​ខ្សែរយៈ​របស់គេ​គឺ​ត្រូវ​បាន​គេ​ជិះជាន់ និង​គម្រាម​លើ​បញ្ហា​ជាច្រើន ធ្វើ​ឲ្យ​មន្ត្រី​ទាំងនោះ​ភិតភ័យ មិន​ហ៊ាន​ប្រឆាំង​តវ៉ា​លើ​បញ្ហា​ដែល ពួកគេ​បាន​ប្រព្រឹត្ត​ខុសឆ្គង​។ ហើយ​ប្រធាន​មន្ទីរ​មួយ​នេះ​តែងតែ​យកឈ្មោះ​រដ្ឋមន្ត្រី​និង​មន្ត្រីជាន់ខ្ពស់ របស់​ក្រសួង​មក​អួត​ក្អេងក្អាង​ថា​សុទ្ធតែ​ស្និទ្ធស្នាល​ជាមួយ​អ្នក​ជាមួយ​អ្នកនោះ ដើម្បី​បន្លាច​មន្ត្រី​ក្រោម ឱវាទ​ទៀតផង​។​

​ឆ្លើយតប​ព័ត៌មាន​ខាងលើ លោក ស៊ីម សុវណ្ណ ប្រធាន​មន្ទីរ​សាធារណការ និង​ដឹកជញ្ជូន​ខេត្ត បន្ទាយមានជ័យ​មាន​ថ្លែងថា​រូបលោក និង​អង្គភាព​របស់លោក គឺ​ប្រព្រឹត្ត​បាន​ត្រឹមត្រូវ​មិនមាន​បញ្ហា ដូច​ការ​ចោទ​នោះទេ​។

ចំណែក​មន្ត្រី​នៅក្នុង​មន្ទីរ​បាន​អះអាងថា​ចម្លើយ​របស់លោក​ប្រធាន​មន្ទីរ ស៊ីម សុវណ្ណ គ្រាន់តែ​ជា​ដោះ​បន្ទុក​យករួចខ្លួន ហើយ​បើ​ចង់ដឹង​ការពិត​គឺ​ស្ថាប័ន​មាន​សមត្ថកិច្ច​ថ្នាក់ជាតិ ជា​ពិសេ​ស​​អង្គភាព​ប្រឆាំង​អំពើពុករលួយ​ចុះមក​ស្រាវជ្រាវ​នឹង​ដឹង​ការពិត​៕ ហ៊ាង ចាន់ណា

1598384_554500151307837_1208648169_n

Copyright © 2010-2021 · អរិយធម៌ · All Rights Reserved.
Develop by Sek Sathya