ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||     អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||   

» ព័ត៌មានជាតិ » សុន ឆ័យ ៖​អាច​នឹង​បណ្តេញ​ចេញពី​តំណែង​គណៈកម្មការ​នៃ​រដ្ឋសភា​

សុន ឆ័យ ៖​អាច​នឹង​បណ្តេញ​ចេញពី​តំណែង​គណៈកម្មការ​នៃ​រដ្ឋសភា​

​តំណាងរាស្ត្រ មកពី​គណបក្ស​សង្គ្រោះ​ជាតិ និង​ជា​អនុប្រធាន​គណៈកម្មការ​ហិរញ្ញវត្ថុ ធនាគារ និង​សវនកម្ម​នៃ​រដ្ឋសភា លោក សុន ឆ័យ ឲ្យ​ដឹងថា​ខ្លួន​អាច​នឹង​ត្រូវបាន​បណ្តេញ​ចេញពី​តំណែង​ជា​អនុប្រធាន​គណៈ កម្ម​ការ ពាក់ព័ន្ធ​នឹង​ការដែល​លោក​ចេញមុខ​រកឃើញ​ភាពមិនប្រក្រតី​មួយចំនួន​នៃ ការលក់​សំបុត្រ​ចូល​ទស្សនា​ប្រាសាទអង្គរវត្ត និង​ការជួល​ដី​ទៅ​ឲ្យ​លោក​ឧកញ៉ា សុខ គង់ ដោយ​មិនមាន​តម្លាភាព​។​

 
​ក្នុង​បទសម្ភាសន៍​ជាមួយ​វិទ្យុ​អាស៊ីសេរី នៅ​ល្ងាច​ថ្ងៃ​សុក្រ​នេះ លោក សុន ឆ័យ មានប្រសាសន៍ថា​ភាពមិនប្រក្រតី​នៃ​ការលក់​សំបុត្រ​ចូល​ទស្សនា ប្រាសាទអង្គរវត្ត​គឺមាន មិន​ដូច​ការលើកឡើង​របស់​អាជ្ញាធរ​ជាតិ​អប្សរា និង​លោក ជាម យៀប តំណាងរាស្ត្រ​គណបក្ស​ប្រជាជន​កម្ពុជា​នោះទេ​។ លោក​បន្តថា​ទិន្នន័យ​ផ្តល់​ដោយ​អាជ្ញាធរ​ជាតិ​អប្សរា​ពី​ចំនួន​អ្នក ទស្សនា​ប្រាសាទអង្គរវត្ត គឺ​មិន​ត្រឹមត្រូវ​នោះទេ ដោយ​លោក​ថា​តាម​ការស្រាវជ្រាវ និង​ការត្រួតពិនិត្យ​របស់លោក ចំនួន​អ្នកទស្សនា​ប្រាសាទ គឺ​យ៉ាងតិច​ដល់​ទៅ​៣​លាន​នាក់ មិនមែន​ជាង​១,៦​លាន​នាក់​នោះទេ​។ លោក​បន្តថា​ភាគច្រើន​ភ្ញៀវ​ម្នាក់ៗ​ទិញ​សំបុត្រ​តម្លៃ​៤០​ដុល្លារ សម្រាប់​ទស្សនា មិនមែន​តែ​២០​ដុល្លារ​នោះទេ​។​

 
​លោក សុន ឆ័យ ឲ្យ​ដឹង​ទៀតថា​លោក​ធ្លាប់​ឃើញ​បុគ្គលិក​លក់​សំបុត្រ​ចូល​ទស្សនា ប្រាសាទអង្គរវត្ត​លុបឈ្មោះ​អ្នក​ចូល​ទស្សនា​ចោល ក្រោម​មូល​ហេតុថា​ជា​បញ្ជា​របស់​ថ្នាក់លើ​។ លោក សុន ឆ័យ អះអាងថា​លោក​អាច​នឹង​ត្រូវបាន​បណ្តេញ​ចេញពី​តំណែង​ជា​អនុប្រធាន​នៃ គណៈកម្មការ​ទី​២​នេះ​។

 
​លោក សុន ឆ័យ កាលពី​ថ្ងៃទី​២២ ខែធ្នូ ឆ្នាំ​២០១៤ បាន​ទៅ​ខេត្តសៀមរាប ដើម្បី​ស្រាវជ្រាវ​ពី​អំពើពុករលួយ​ក្នុងការ​ចាត់ចែង​ថវិកា​នៅ​ខេត្តសៀមរាប ពិសេស​ចំណូល​ពី​អង្គរ​។ លោក​ក៏បាន​លើកឡើង​ដែរ​ថា​ថវិកា​យ៉ាងតិច​ជាតិ​ជាង​៤០០​លាន​ដុល្លារ នឹងត្រូវ​បាត់បង់​ក្នុង​រយៈពេល​៧០​ឆ្នាំ ដែល​លោក​អះអាងថា​ ដោយសារ​អាជ្ញាធរ​ជាតិ​អប្សរា ជួល​ដី​ឲ្យ​ក្រុមហ៊ុន​វៀតណាម​សុខាអូតែល​រប​ស់លោក សុខ គង់ ដោយមាន​ភាពអាថ៌កំបាំង និង​មិនមាន​តម្លាភាព ។​
​អាជ្ញាធរ​ជាតិ​អប្សរា​បង្ហាញ​តួលេខ​ថា​ភ្ញៀវទេសចរ​ចូល​លេង​អង្គរវត្ដ ក្នុង​រយៈពេល​១០​ខែ​ឆ្នាំ​២០១៤ មានតែ​ជាង​១​លាន​នាក់​ប៉ុណ្ណោះ​(១ ៦៤៣ ៦៥៧​នាក់​) ។ ចំណែក​ប្រាក់ចំណូល​នៃ​ការលក់​សំបុត្រ​មាន​៤៧ ៣៨៧ ៥០០​ដុល្លារ​៕ខ

Copyright © 2010-2021 · អរិយធម៌ · All Rights Reserved.
Develop by Sek Sathya