ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » គ្រាប់បែក​​ចង្កោមជិត​៦​លាន​គ្រាប់​ទៀតនៅ​មិនទាន់​ផ្ទុះ​

គ្រាប់បែក​​ចង្កោមជិត​៦​លាន​គ្រាប់​ទៀតនៅ​មិនទាន់​ផ្ទុះ​

​ភ្នំពេញៈ អគ្គនាយក នៃ​មជ្ឈមណ្ឌល កំចាត់មីន​កម្ពុជា លោក ហេង រតនា បាន​មានប្រសាសន៍ថា យ៉ាងហោច ណាស់ មាន​គ្រាប់បែក​ចង្កោម ចំនួន​៥.៨​លាន​គ្រាប់​ទៀត ដែល​អាម៉េរិក បាន​ទម្លាក់​មក​កម្ពុជា ក្នុង​កំឡុង​ទសវត្ស​ន៍ ១៩៧០ មិនទាន់​ផ្ទុះ​នៅឡើយ ហើយ​គ្រាប់​ទាំងនោះ វា​នឹង​បង្ករ​ដល់​ការគ្រោះថ្នាក់ គ្រប់ពេលវេលា​ដល់ ប្រជាជន
កម្ពុជា​។​ ​មានប្រសាសន៍ប្រាប់ ដល់​អ្នកសារព័ត៌មាន នា​ព្រឹក​ថ្ងៃទី​១៩ ខែសីហា ឆ្នាំ​២០១៣​នេះ​លោក ហេង រតនា បាន​បន្ត ទៀតថា អាមេរិក​បាន​ទម្លាក់ គ្រាប់បែក​ចង្កោម ចំនួន​១៩.៥​លាន​គ្រាប់ និង​ប្រភេទ​គ្រាប់​ធំៗ ចំនួន​ពី​បួន​លាន ទៅប្រាំមួយ​លាន​គ្រាប់​ទៀត មកលើ​ទឹកដី​កម្ពុជា ហើយ​គ្រាប់​ទាំងនោះ នៅសល់​ជាច្រើន គ្រាប់​ទៀត ដែល​មិនទាន់​ផ្ទុះ
ហើយ​មិនតែប៉ុណ្ណោះ​គ្រាប់​ទាំងនេះ បាន​នៅ​រាយប៉ាយ​ពេញ ប្រទេស​កម្ពុជា ដោយ​ពុំទាន់​ដឹង​ភូមិសាស្ត្រ ច្បាស់ លាស់​ផងដែរ​។​
​លោក ហេង រតនា បាន​មានប្រសាសន៍​បញ្ជា​ក់ទៀត ថា​សហរដ្ឋ​អាម៉េរិក​ទម្លាក់ គ្រាប់​យ៉ាងច្រើន​ដែល​វា​មាន​ទម្ងន់ រហូតដល់​២,៨​លាន​តោន ហើយ​កន្លែង​ដែល​អាម៉េរិក បាន​ទម្លាក់​នោះ គឺ​ភាគច្រើន​នៅ​មិនទាន់ ដឹង​ភូមិសាស្ត្រ ច្បាស់​នៅឡើយ​ទេ តែ​យ៉ាងណាក្តី សហរដ្ឋ​អាម៉េរិក ក៏បានផ្តល់​ផែនទី​មួយចំនួន ផងដែរ​ដល់​កម្ពុជា នៅ​ទីកន្លែង ដែល​ពួកគេ បាន​ទម្លាក់​នោះ​។​
​លោក​បាន​មានប្រសាសន៍​បញ្ជាក់ទៀតថា ” យើង​មាន​ផែនទី​មួយចំនួន ដែល​គាត់​ផ្តល់​ឲ្យ  ប៉ុន្តែ​វា​ក៏​នៅ មាន ព័ត៌មាន​ខ្លះ ដែល​យើង​មិនអាច យកមកប្រើ​បានជា​ផ្លូវការ​ទេ​….​។ ធម្ម​តាច​រិ​ក​នៃ​ការធ្វើ​សង្គ្រាម វា​មិនអាចរក្សាបាន នូវ​ព័ត៌មាន​សុទ្ធតែ​ពិត ទាំងអស់​នោះទេ អញ្ចឹង​ហើយ​យើង នៅតែ​ជួប​ការលំបាក់ មួយចំនួន​ផងដែរ​” ។​
​ទាក់ទង​នឹង​បញ្ហា​គ្រាប់បែក​ចង្កោម និង​គ្រាប់​ផ្សេងៗ​ទៀត ជាពិសេស​គ្រាប់មីន និង​គ្រាប់​មិនទាន់​ផ្ទុះ​នេះ សហរដ្ឋ​អាម៉េរិក​ក៏បាន​ចូលរួម សហការ​ជាមួយ​កម្ពុជា ផងដែរ​ដើម្បី​បោសសំអាត​មីន និង​គ្រាប់​ទាំងនោះ​ក៏ប៉ុន្តែ ការចូល​រួមសហការ នោះ​ពុំទាន់​ស៊ីជម្រៅ នៅឡើយ​ទេ ពោល​គឺមាន​លក្ខណៈ ចង្អៀត​នៅឡើយ​។​​យោងតាម​លោក ហេង រតនា បាន​មានប្រសាសន៍​ឲ្យ​ដឹងផង​ដែរ​ថា សហរដ្ឋ​អាម៉េរិក បាន​ជួយ​ខាង CMAC របស់
លោក​ចំនួន​១០​ឆ្នាំ មកហើយ  ផ្ទៃដី​ដែល​អាម៉េរិក​ត្រូវបាន ជួយ​នោះ​គឺមាន​ចំនួន ៤៧​គីឡូម៉ែត្រ​ក្រឡា ស្មើរ​នឹង ១១៣០០​គ្រាប់​។​
​លោក​ហេង​រតនា បាន​មានប្រសាសន៍​បន្តទៀតថា អាម៉េរិក​បាន​ជួយ​ដល់​កម្ពុជា ក្នុង​រយៈពេល​១០​ឆ្នាំ​មកនេះ គឺមានដូចជា​ការផ្តល់​ថវិកា បច្ចេកវិទ្យា​ស្រាវជ្រាវ បោសសំអាត​មីន សម្ភារៈ​បរិក្ខា​ទំនើបៗ ដែល​ជ្រមុជ​ក្នុង​ទឹក និង​តាមរយៈ​ហ្វឹកហ្វឺន​ជាដើម ក៏ប៉ុន្តែ​ពុំបាន​បញ្ជាក់ អំពី​ចំនួន​ថវិកា​ឡើយ ៕​

Copyright © 2010-2021 · អរិយធម៌ · All Rights Reserved.
Develop by Sek Sathya