កណ្តាល : កាលពីថ្ងៃទី០១ ខែមករា ឆ្នាំ២០១៥ តាមបណ្តោយផ្លូវជាតិលេខ៤ ភូមិថ្លើក ឃុំពើក ស្រុកអង្គស្នួល ខេត្តកណ្តាល។ បុរស មិនស្គាល់អត្តសញ្ញាណម្នាក់ ស្រវឹងជោគជាំនាថ្ងៃសម្រាកឆ្លងឆ្នាំសកល ព្យាយាមបើកម៉ូតូ ក្នុងល្បឿនយ៉ាងលឿន ដោយអំណាចនៃជាតិសុរាធ្វើឲ្យទប់ដៃចង្កូតលែងបាន ដួលផីងតែម្នាក់ឯង បោកក្បាលនឹងថ្នល់ស្លាប់ភ្លាមៗនៅកន្លែង។
ជនរងគ្រោះ មិនត្រូវបានស្គាល់អត្តសញ្ញាណឡើយ មានអាយុប្រហែលជាង៤០ឆ្នាំ ជិះម៉ូតូម៉ាកហុងដា សេ១២៥ សេរី២០០៨ ពណ៌ខ្មៅ ពាក់ស្លាកលេខ ភ្នំពេញ 1W-3904។ ហើយមុនកើតហេតុ ជនរងគ្រោះ បើកម៉ូតូបោះពួយ ពីកើតទៅលិច លុះដល់ចំណុចខាងលើ ស្រាប់តែជួលម្នាក់ឯងបណ្តាលឲ្យ បាក់កស្លាប់ភ្លាមៗនៅកន្លែងកើតហេតុ ៕
