ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » ប្រធាន​មន្ទីរ​អភិវឌ្ឍន៍ជនបទ​ខេត្តកំពង់ធំ មុំ ចែម និង​ក្លាយជា​សេដ្ឋី​ពី​ប្រាក់​ពុករលួយ ​

ប្រធាន​មន្ទីរ​អភិវឌ្ឍន៍ជនបទ​ខេត្តកំពង់ធំ មុំ ចែម និង​ក្លាយជា​សេដ្ឋី​ពី​ប្រាក់​ពុករលួយ ​

ខេត្តកំពង់ធំ ៖ តាម​ប្រភពព័ត៌មាន​បានអោយដឹង​ថា លោក មុំ ចែម ប្រធាន​អភិវឌ្ឍន៍ជនបទ​ខេត្តកំពង់ធំ​ដែល​ទើបតែ​ឡើងជា​ប្រធាន​មន្ទីរ​នៅ ដើមឆ្នាំ ២០១៤ បច្ចុប្បន្ន​កំពុងតែ​ទទួល​ចំណូល​ពី​ការ​កិបកេង​ពី​ថវិកាជាតិ និង​ថវិកា​គំរោង​ដ៏​ច្រើនសន្ធឹក​សន្ធាប់​អាច​និង​ក្លាយជា​សេដ្ឋី​នៅពេល​ដ៏ ខ្លី​ខាងមុខ​។​
តាម​ប្រភព​បានអោយដឹងថា​ចាប់តាំងពី​លោក មុំ ចែម ត្រូវបានតែងតាំង​ជា​ប្រធាន​មន្ទីរ​នោះ​រូបគាត់​បានរួម​ដៃ​ជាមួយ​លោក ប្រធានការិយាល័យ​រដ្ឋ​បាល លោក ថុង ប៊ុន​ធាង និង​លោក​ប្រធានការិយាល័យ​គណនេយ្យ​លោក ចាន់ វុ​ធ​ថា ធ្វើការ​កិបកេង​ថវិកា​តាមបែប​ពុករលួយ​លើ​ថវិកាជាតិ​និង​ថវិការ​គំរោង​នានា​។ ក្រៅពីនោះ​លោក មុំ ចែម បាន​ប្រើ​លោក ថុង ប៊ុន​ធាង ជា​ប្រធានការិយាល័យ​រដ្ឋបាល​អោយធ្វើ​ការគាបសង្កត់​ទៅ​មន្ត្រី​ចាស់ៗ​ដែល​មិន ស៊ី​ខ្សែ​ជាមួយ​ខ្លួន​កាលពី​រូបគាត់​នៅ​ជា​អនុប្រធាន​មន្ទីរ​។​
តាម​ប្រភព​បានអោយដឹងថា​នៅក្នុង​ឆ្នាំ ២០១៤ គំរោង​ទាំងអស់​គឺ​ត្រូវបាន​លោក​មន្ទីរ    លោក មុំ ចែម កាន់កាប់​តែម្នាក់ឯង ដោយ​មិនបាន​បែងចែក​អោយទៅ​អនុប្រធាន​មន្ទីរ ប្ញ មន្ត្រី​ផ្សេងៗ​កាន់​នោះទេ​។ ដោយ​រូបគាត់​គិតតែ​ផលប្រយោជន៍​ផ្ទាល់ខ្លួន មិនបាន​គិត​អំពី​មន្ត្រី​ថ្នាក់​ក្រោយ​នោះឡើយ​។ បច្ចុប្បន្ន​នៅ​មន្ទីរ​អភិវឌ្ឍន៍ជនបទ​ខេត្តកំពង់ធំ​បច្ចុប្បន្ន​គឺ​ពោរពេញ ទៅដោយ​រឿងអាស្រូវ​អំពើពុករលួយ​និង​បក្ខពួកនិយម​ធ្វើអោយ​មន្ត្រី​ជាច្រើន​មិន សប្បាយចិត្ត​ចំពោះ​លោក​ប្រធាន​មន្ទីរ មុំ ចែម ហើយ​មន្ត្រី​ជាច្រើន​ខ្លះ​ប្រុង​ផ្ទុះ​កំហឹង​តតាំង​និង​លោក​ប្រធាន​មន្ទីរ ទៀតផង​។​
តាម​ប្រភព​បានអោយដឹងថា​នៅ​ឆ្នាំង ២០១៤ ចាប់តាំងពី​លោក មុំ ចែម ឡើ់ង​ធ្វើជា​ប្រធាន​មន្ទីរ​រូបគាត់​បាន​ប្រើ​គ្រប់​យុទ្ធសាស្ត្រ​ក្នុងការ ប្រព្រឹត្ត​អំពើពុករលួយ​កិបកេង​ថវិកាជាតិ​និង​ថវិកា​គំរោង​សរុប​ជា ទឹកប្រាក់​រាប់រយ​លាន​រៀល ក្នុងនោះ​ក្នុង​ជំពូក​៦០​លើ​ផ្នែក​សំភារៈ​ផ្គត់ផ្គង់​ថែទាំ ផ្នែក​សំភារៈ​ផ្គត់ផ្គង់​រដ្ឋបាល ផ្នែក​ថែទាំ​ជួសជុល ផ្នែក​ទំនាក់ទំនង​និង​ផ្សព្វផ្សាយ  ចំណាយ​ទូទាត់​សា​ហុយ​ក្នុងប្រទេស​និង​ស៊ីប្រាក់​វិវត្តន៍​មន្ត្រី​ឈោះ្ម អ៊ុ​ល ពេជ្រ​ចរិយា ដែល​ឈ្មោះ​នេះ​បច្ចុប្បន្នកំពង់​បំរើ​ការអោយ​អង្គការក្រៅរដ្ឋាភិបាល​។​
តាម​ប្រភព​បា​នប​ព្ជា​ក់ថា​សំរាប់​ឆ្នាំ ២០១៣ គឺ​លោក មុំ ចែម មាន​តំណែង​ត្រឹមតែ​ជា​អនុប្រធាន​មន្ទីរ​ពិតមែន ប៉ុន្តែ​រូបគាត់​ជា​មន្ត្រី​មាន​សិទ្ធ​អំណាច​លើ​ប្រធាន​មន្ទីរ​លោក ឈួ​រ សុធា ទៅទៀត ហើយ​កាលនោះ​ការចំណាយ​ថវិកា​នានា​សុ​ទ្ទ​តែមាន​ការឆ្លងកាត់​ពី​លោក មុំ ចែម ទាំងអស់ ដោយសារ​លោក​ជាម​នុស្ស​ជំនិត​លោក​រដ្ឋមន្ត្រី ជា សុផារ៉ា ហើយ​នៅក្នុង​តំណែង​ជា​អនុប្រធាន​មន្ទីរ​ក៏​លោក មុំ ចែម បាន​កិបកេង​ថវិកាជាតិ និង​ថវិកា​គំរោង​មិន​ស្ទើរ​ដែរ​។ សុំ​បី​អតីត​លោក​ប្រធាន​មន្ទីរ ឈួ​រ សុធា ក៏​មិនអាច​ទទួលបាន​ផលប្រយោជន៍​ច្រើន​ដូច​លោក មុំ ចែម ទេ​។ ដោយ​លោក មុំ ចែម បាន​សហការ​យ៉ាង​ស្អិតរ​មួ​ត​ជាមួយ​លោក​ប្រធានការិយាល័យ      រដ្ឋា​បាល ថុង ប៊ុន​ធាង និង​លោក​ប្រធានការិយាល័យ​គណនេយ្យ ចាន់ វុ​ធ​ថា និង​បាន​ផ្តួ​លោក ឈួ​រ សុធា ចេញពី​ប្រធាន​មន្ទីរ​។​
សូម​រំលឹកថា​នៅក្នុង​ឆ្នាំ​២០១៣ មន្ទីរ​អភិវឌ្ឍន៍ជនបទ​ខេត្តកំពង់ធំ​បាន​ចំណាយ​ថវិកាជាតិ​មិនមែនជា​កម្មវិធី សរុប​អស់​ចំនួន ១.០០១.៩៨១.៤០០​រៀល ក្នុងនោះ​ជំពូក ៦០​អស់​ចំនួន ១៦៣.៩៦៣.០០០​រៀល ក្នុងនោះ​ជំពូក ៦១ អស់​ចំនួន ៤០៣.២០៧.០០០​រៀល ជំពូក ៦២​អស់​ចំនួន ៩៨.៣២៧.៧៥០​រៀល ជំពូក ៦៤​អស់​ចំនួន ៣៣៤.៨៣៣.៦៥០​រៀល​។ សំរាប់​គំរោង​ចំណាយ​ឆ្នាំ ២០១៤ មាន​ទឹកប្រាក់​សរុប ៩៩២.០​លាន​រៀល ក្នុងនោះ​ជំពូក ៦0 មាន​ចំនូ​ន ១៥៤,៧​លាន​រៀល​ជំពូក ៦១ មាន​ចំនូ​ន ២៩៨,៤​លាន​រៀល ជំពូក ៦២ មាន​ចំនូ​ន ១២៨,២​លាន​រៀល ជំពូក ៦៤ មាន​ចំនូ​ន ៤០៧,៧​លាន​រៀល ប៉ុន្តែ​ថវិកា​គំរោង​ខាងលើ​រហូតមកដល់​ចុងឆ្នាំ ២០១៤​នេះ​ឃើញថា​បាន​ចំណាយ​ស្ទើរ​អស់​ដោយមាន​សេស​អស់​តែមួយ​ចំនូ​ន​តូច​បណ្ត ល​មកពី​ការចាយ​មិនទាន់​និង​សល់​ពី​ការ​ទិញដូរ​តាមបែប​លទ្ធកម្ម ទោះបី​ប្រាក់​ទាំងនេះ​មើលឃើញថា​មានការ​ចំណាយ​នៅសល់​ពិតមែន ប៉ុន្តែ​គឺ​ពោរពេញ​ទៅដោយ​អំពើពុករលួយ​យ៉ាងខ្លាំង សូម្បីតែ​ប្រាក់​សា​ហុយ​ទូទាត់​នៅក្នុង​ប្រទេស​ក៏មាន​ការ​កិបកេង​មិនតិចជាង ៧០% លើទឹក​ប្រា​ក់ជាង ១០០​លាន​រៀល ។ ចំពោះ​ការចំណាយ​នៅក្នុង​ជំពូក ៦១ ផ្នែក​ថែទាំ​និង​ជួសជុល (៦១៥) ដែលមាន​ទឹកប្រាក់​ជាង ២០០​លាន​រៀល​ក៏​ឃើញថា​មាន​ភាព​ធ្ងន់ធ្ងរ​ដែរ ។ ចំពោះ​ការប្រើប្រាស់​ប្រេងឥន្ធនៈ (៦០១៥) ក៏​ឃើញថា​មាន​ភាពមិន​ត្រឹមត្រូវ​ដោយ​អ្នក​ដែល​ទទួលបាន​ច្រើន​គឺ​តែ​បក្ខ ពួកលោក​មន្ទីរ ហើយ​មន្ត្រី​ខ្លះ​មានតែ​ឈ្នោះ​ថា​បានទទួល​ប្រេង ប៉ុន្តែ​ប្រេង​នោះ​ត្រូវបាន​គេ​ចាក់​ជំនួស​ទៅវិញ​។​
ដោយមាន​សារ​មាន​អំពើរ​ពុករលួយ​និង​បក្ខពួកនិយម​ដ៏​ធ្ងន់ធ្ងរ​នៅ​មន្ទីរ អភិវឌ្ឍន៍ជនបទ​ខេត្តកំពង់ធំ បានធ្វើអោយ​មន្ត្រី​ភាគច្រើន​ក្នុងចំណោម ៥៤​នាក់​មិន​ពេញចិត្ត​ចំពោះ​ការដឹកនាំ​របស់លោក មុំ ចែម និង​បាន​អំពាវនាវ​សូមអោយ​លោក​រដ្ឋមន្ត្រី​អភិវឌ្ឍន៍ជនបទ ជា សុផារ៉ា ជួយ​ប្រេន​ប្រដៅ​កូនចៅ​សំណ​ប់​ចិត្ត​របស់គាត់​របស់​គឺ លោក មុំ ចែម​ផង​។​
គូរ​កត់សំគាល់​ថាបើ​យោ​តាម​ការស្រាវជ្រាវ​រឿងអាស្រូវ​ពុករលួយ​និង បក្ខពួកនិយម​គឺ​បាន​ចាក់​ប្ញ​ស​យ៉ាងជ្រៅ​នៅ​ស្ទើរ​គ្រាប់​មន្ទីរ អភិវឌ្ឍន៍ជនបទ​ទូ​រទាំង​ប្រទេស ហើយ​ករណី​មន្ត្រី     ប្ដឹង​ប្រធាន​មន្ទីរ​ក៏មាន​ច្រើនណាស់ ប៉ុន្តែ​អ្នកប្តឹង​ទោះបី​មាន​ភ​ស្ថុ​តាង​ត្រឹមត្រូវ​ក៏​មិន​ទទួលបាន​លទ្ធផល ទេ ដូចជា​នៅ​មន្ទីរ​អភិឌ្ឍន៍​ជនបទ​ខេត្ត​ឧ​ត្ត​រ​មានជ័យ​និង​ស្វាយរៀង​-​ល​-​។ រហូតដល់​មន្ត្រី​ខ្លះ​អស់ជំនឿ​រលើ​ការដឹកនាំ​របស់លោករ​ដ្ឋ​មន្ត្រី ជា​សុផារ៉ា និង​បាន​បង្វែរ​សំណុំរឿង​ទៅ​អង្គភាព​ប្រឆាំង​អំពើពុករលួយ​និង​តុលាការ​វិញ​៕

Copyright © 2010-2021 · អរិយធម៌ · All Rights Reserved.
Develop by Sek Sathya