ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ឡាន​បើក​លឿន​​រេ​ចង្កូត​បុក​របាំង​​ដែក​ចែក​ទ្រូង​ផ្លូវ​បាក់​អស់​២​ផ្ទាំង​ ​

ឡាន​បើក​លឿន​​រេ​ចង្កូត​បុក​របាំង​​ដែក​ចែក​ទ្រូង​ផ្លូវ​បាក់​អស់​២​ផ្ទាំង​ ​

ភ្នំពេញ ៖ របាំង​ដែក​ចែក​ទ្រូងផ្លូវ​ចំនួន ២ ផ្ទាំង ត្រូវ​រង​នៅ​ការខូចខាត បាក់​រៀបស្មើ​ដី ខណៈ​បុរស​ម្នាក់​ស្រវឹងស្រា​បើករថយន្ត​ហាយ​ឡែ​ន​ឌ័​រ ១​គ្រឿង ក្នុង​ល្បឿន​លឿន​រេ​ចង្កូត​បុក​រះ កាលពី​វេលា​ម៉ោង ២​នឹង ២២ នាទី​រំលង អធ្រា​ត្រ ឈានចូល​ថ្ងៃទី ១៨ ខែសីហា ឆ្នាំ ២០១៣ នៅ​ចំណុច​ផ្លូវ​ក្រុមហ៊ុន សែ​ល កាត តាម​បណ្តោយ​ផ្លូវ ព្រះសីហនុ ក្នុង​សង្កាត់​បឹង​កេងកង​ទី ១ ខណ្ឌចំការមន ។
​    ​យោងតាម​សេចក្តីរាយការណ៍​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​សាក្សី​បាន​សង្កេត ឃើញ​រថយន្ត​ហាយ​ឡែ​ន​ឌ័​រ ពណ៌​ខ្មៅ ពាក់​ស្លាក​លេខ​ភ្នំពេញ 2M 6848 បើកបរ​បុរស​ម្នាក់​ស្ថិតក្នុង​សភាព ស្រវឹងស្រា បាន​បើកបរ​រថយន្ត​យ៉ាង​លឿន​រេ​ពេញ​ផ្លូវ​ព្រះសីហនុ ក្នុងទិសដៅ​លិចទៅ​កើត ខណៈ​បើក​ដល់ ចំណុចកើតហេតុ​ខាងលើ​ទំនងជា​អ្នកបើកបរ​ងងុយដេក ទើប​បណ្តាល​ឲ្យ​រេ​ចង្កូត​ទៅខាង​ឆ្វេង​ដៃ ជ្រុល​បុក​រះ របាំង
​ដែក​ចែក​ទ្រូងផ្លូវ​បាក់​រៀបស្មើ​ដី ចំនួន ២​ផ្ទាំង នឹង​រថយន្ត​បង្ក​ហេ​ត​ក៏ត្រូវ​ការខូចខាត​ធ្ងន់ធ្ងរ​ផងដែរ ។ ប៉ុន្តែ​វា​ក៏​ជា​សំណាង​១​ផង​ដែល​មិន​បណ្តាល​ឲ្យ​អ្នកបើកបរ​រថយន្ត​បង្ក​មិនត្រូវ​រងរបួស​ធ្ងន់ធ្ង​រ ។
​    ​បន្ទាប់ពី​កើតហេតុ​សមត្ថកិច្ច​មូល​ដ្ឋា​ន​នឹង​នគរបាល​ចរាចរណ៍​ខណ្ឌចំការមន បាន​សហការ​ជាមួយ​នគរបាល​ជំនាញ ចុះមក​អន្តរាគមន៍​ដល់​កន្លែងកើតហេតុ​នឹង​បាន​វាស់វែង​អូស​យក​រថយន្ត​បង្កហេតុ​ទៅ​រក្សាទុក​នៅការិយាល័យ​ចរាចរជើងគោក រាជធានី​ភ្នំពេញ​រង់ចាំ​ដោះស្រាយ​តាមផ្លូវ​ច្បាប់​។ ហើយ​គ្រោះថ្នាក់​នេះ​គឺ​បង្កឡើង ដោយសារ​អ្នកបើករថយន្ត​ស្រវឹងស្រា​ខ្លាំងពេក នឹង​បាន​បើកបរ​រថយន្ត​លឿន​រេ​ពេញ​ផ្លូវ ទើប​មកដល់​ចំណុច ខាងលើ​ទំនង​គេច​ពី​ម៉ូតូ​ក៏​បណ្តាល​ឲ្យ​រេ​ទៅបុក​រះ​របាំង​ដែក​ពុះ​ទ្រូងផ្លូវ​បាក់​អស់ ២ ផ្ទាំង​តែម្តងទៅ​៕


Copyright © 2010-2021 · អរិយធម៌ · All Rights Reserved.
Develop by Sek Sathya