ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » មនុស្ស​២៨​នាក់​បាន​​ស្លាប់​ដោយ​​ខ្យល់ព្យុះ​ក្នុង​រយៈ​ពេល​៧​ខែ​ឆ្នាំ​២០១៣ ​

មនុស្ស​២៨​នាក់​បាន​​ស្លាប់​ដោយ​​ខ្យល់ព្យុះ​ក្នុង​រយៈ​ពេល​៧​ខែ​ឆ្នាំ​២០១៣ ​

ភ្នំពេញ​៖​ប្រទេស​កម្ពុជា​បាន ទទួលរង​ឥទ្ធិពល​ខ្យល់ព្យុះ​ចំនួន​១៤៧​លើក ដោយបាន បំផ្លិចបំផ្លាញ​ផ្ទះ និង​ទ្រព្យសម្បត្តិ​របស់​ប្រជាពលរដ្ឋ​អស់​ជាច្រើន ពាន់​ខ្នង និង​បានសម្លាប់​មនុស្ស​ចំនួន ២៨​នាក់​និង​រងរបួស​ចំនួន​៩៥​នាក់ ផងដែរ​គិត​ត្រឹម​រយៈពេល​៧​ខែ​ឆ្នាំ​២០១៣​។​
​លោក កែវ វី នាយក​ខុទ្ទកាល័យ គណៈកម្មាធិការ​ជាតិ​គ្រប់គ្រង គ្រោះមហន្តរាយ​បាន​ឲ្យ​ដឹង​នៅ​ថ្ងៃទី​១៦ ខែសីហា​ឆ្នាំ​២០១៣​នេះ​ថា ក្នុង​រយៈពេល​៧​ខែ ដើមឆ្នាំ​២០១៣​នេះ កម្ពុជា បាន ទទួលរង​នូវ​ឥទ្ធិពល​ខ្យល់ព្យុះ​ចំនួន​១៤៧​លើក ដែល​បាន​បំផ្លិចបំផ្លាញ​ផ្ទះ​របស់​ប្រជាពលរដ្ឋ អស់​ជាច្រើន​ពាន់​ខ្នង ក្នុងនោះ​ផ្ទះ​ដែល​ត្រូវបាន​បំផ្លាញ​ដោយ​ខ្យល់ព្យុះ បោកបក់​ឲ្យ​រលំ​ទាំងស្រុង​មាន​ចំនួន​១.៥៩៨​ខ្នង ហើយ​ផ្ទះ​ដែល​របើក​ដំបូល​ខូចខាត មធ្យម​មាន​ចំនួន​៦.១៤៥​ខ្នង របើក​ដំបូល​សាលារៀន​៤៥​អគារ​។​
​លោក​បន្តថា ក្នុង​គ្រោះថ្នាក់​ដែល​បង្កឡើង ដោយ​ខ្យល់ព្យុះ​នេះដែរ​បាន​បណ្តាល​ឲ្យ​មនុស្ស ចំនួន​២៨​នាក់​ស្លាប់ បាត់បង់​ជីវិត និង​៩៥​នាក់​បាន​រងរបួស​ធ្ងន់ ដោយសារ​ផ្ទះ និង​ដើមឈើ​រលំ​សង្កត់ពីលើ ហើយ​អ្នកស្លាប់​ដោយ គ្រោះធម្មជាតិ រន្ទះបាញ់​វិញ​ក្នុង​រយៈពេល​ដូចគ្នានេះ មាន​ចំនួន​៩៣​នាក់​ស្លាប់​រងរបួស​ចំនួន​៧២​នាក់ និង​ងាប់​គោ
ក្របី ៤៦​ក្បាល​ផងដែរ រីឯ​គ្រោះទឹកជំនន់​វិញ អ្នកស្លាប់​បាន​កើន​ដល់​៩​នាក់​ហើយ​។​
​យ៉ាងណាក៏ដោយ នៅពេល​មាន​ផ្លេកបន្ទោរ ឬ​ផ្គរ​រន្ទះ​ត្រូវអនុវត្ត​ដូច​វិធីសាស្ត្រ​មួយចំនួន គឺ​ត្រូវ​បន្ទន់ខ្លួន​ដោយ បញ្ឈរជង្គង់​ទាំងពីរ​ជិតគ្នា​និង យកដៃ​ខ្ទប់​ត្រចៀក​, ត្រូវ​រត់ចេញ​ពី​ទឹក​ឬ​ស្រែ​,​នៅ​ខាង​ក្នុងផ្ទះ ឬ​រត់​ចូល​ផ្ទះ​, ត្រូវ​បន្ទន់ ខ្លួន​ឱបក្បាលជង្គង់​និង​បិទ​ត្រចៀក ទាំងសងខាង​នៅក្រោម​បង្គោល​ភ្លើង​, ត្រូវ​ដក​ឌុយ​ដោត​ភ្លើង​ឬ​ឌុយ​ទូរស័ព្ទ
ដោយ​ទុក ចំងាយ​១​ម៉ែត្រ​ពី​ប្រភព ចរន្តអគ្គិសនី​, មិនត្រូវ​និយាយ​ទូរស័ព្ទ​នៅ ពេលឮ​សំឡេង​ផ្គរ​, មិនត្រូវ​ជិះ​ម៉ូតូ ឬ​កង់​, មិនត្រូវ​អង្គុយ​ក្នុង​តង់ និង​មិនត្រូវ​អង្គុយ​ចំ​ក្រោម​ដើមឈើ​ត្រូវ​អង្គុយ​បន្ទន់ខ្លួន​ដោយ​រក្សា​ចំងាយ ៤​ម៉ែត្រ ពី​មែកឈើ ។​
​សូម​ជ្រាបថា ចំពោះ​គ្រោះធម្មជាតិ​រន្ទះបាញ់​នេះ​បានធ្វើ​ឲ្យ ប្រជាពលរដ្ឋ​មានការ​ព្រួយបារម្ភ និង​មានការ​ភ័យ ខ្លាច ជាខ្លាំង ព្រោះ​ពីមួយ​ឆ្នាំទៅ​មួយឆ្នាំ​ចំនួន​មនុស្ស​គ្រោះថ្នាក់​ដោយសារ​គ្រោះធម្មជាតិ​រន្ទះបាញ់ នេះ​មានការ​កើនឡើង​ជា​បន្ត​បន្ទាប់ ហើយ​មាន​សភាព កាច​សាហាវ​ផងដែរ​។​ដើម្បី​ទប់ស្កាត់​បញ្ហា​គ្រោះធម្មជាតិ​រន្ទះបាញ់​នេះ
គណៈកម្មាធិការ​ជាតិ​គ្រប់គ្រង គ្រោះមហន្តរាយ បានធ្វើការ​ផ្សព្វផ្សាយ​អប់រំ​ណែនាំ​ដល់​ប្រជាពលរដ្ឋ​ឲ្យ​បានយល់ដឹង​ពី​វិធី​ការពារ​ខ្លួន​នៅពេល​ដែលមាន ភ្លៀង​ផ្គរ​រន្ទះ​ដូចជា​កុំ​ជ្រក​ក្រោម​ដើមឈើ​នៅពេល​មាន​ភ្លៀង កុំ​ធ្វើការ នៅ​ទីវាល បិទ​ទូរស័ព្ទ​ឬ​ទូរទស្សន៍​ជាដើម​។ ប្រជាពលរដ្ឋ​គួរតែ​ទៅរក​កន្លែង​ដែលមាន​សុវត្ថិភាព​ដោយ​ត្រូវ​ជ្រក​នៅ
ក្រោមផ្ទះ គឺជា​ការប្រសើរ​ព្រោះ​បើ​វា​មាន​គ្រោះថ្នាក់​ក៏​មិន​ដូច​នៅ​ទីវាល​ដែរ​៕

ដោយ​៖ ហង្ស ទេព​

Copyright © 2010-2021 · អរិយធម៌ · All Rights Reserved.
Develop by Sek Sathya