ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||   

» Breaking News, ព័ត៌មានជាតិ » រថយន្ត​ពណ៌​​ត្រីអ៊ី​ដឹក​ឈើ​ប្រណីត​​គេច​ពី​សមត្ថកិច្ច​​ក្រឡាប់​ផ្ងារជើង​ ​

រថយន្ត​ពណ៌​​ត្រីអ៊ី​ដឹក​ឈើ​ប្រណីត​​គេច​ពី​សមត្ថកិច្ច​​ក្រឡាប់​ផ្ងារជើង​ ​

ក្រចេះ​៖  រថយន្ត​មួយគ្រឿង ដែល​ឈ្មួញ​បាន​ប្រើប្រាស់​បន្លំ​ជា របស់​អង្គភាព​យោធា​រកស៊ី​ដឹកជញ្ជូន​ឈើ​ប្រណីត បើក​ក្រឡាប់​ធ្លាក់​ពី​ផ្លូវជាតិ​ធ្វើ​ឲ្យ​រថយន្ត​រង​នូវ​ការខូចខាត​យ៉ាងដំណំ រីឯ​ម្ចាស់​ត្រូវ​របួសស្រាល កាលពី​ល្ងាច ថ្ងៃទី​១៥ ខែសីហា ឆ្នាំ​២០១៣ នៅ​ចំណុច ភូមិ​ខ្លា​ស្ទុះ សង្កាត់​អូរឫស្សី ក្រុង​ក្រចេះ ។​
​ប្រភពពី​នគរបាល នៅ​កន្លែងកើតហេតុ បាន​ឲ្យ​ដឹងថា​តាម​ការរៀបរាប់​ពី​ពួក​ឈ្មួញ ដែលជា​ម្ចាស់​រថយន្ត​គឺ ដំបូង​មាន​រថយន្ត​កាមរី​ឆ្លាម​មួយគ្រឿង ប្រមាញ់ ដេញតាម​ខ្លួន ស្រាប់តែ​មួយសន្ទុះ​ក្រោយមក​ក៏មាន​ពីរ​គ្រឿង​ទៀត មក​ស្ទាក់​មុខ​គំរាម​ឲ្យ ឈប់ ទើប​ជាហេតុ​ធ្វើ​ឲ្យ​គេ​សម្រេចចិត្ត​បើ​គេច​បណ្តាល​ឲ្យ​រេ​ចង្កូត​ទាញ​ក្រឡាប់​ធ្លាក់​ផ្លូវ នាំ​ឲ្យ
​មនុស្ស​២​នាក់ ក្នុង​រថយន្ត​រងរបួស​ស្រាល​។​
​បើតាម​ការរៀបរាប់រ​បស់​ឈ្មួញ ប្រាប់​នគរបាល​នោះ គឺ​គេ​មិន​ហ៊ាន​បញ្ជាក់ អំពី​រថយន្ត​ប្រដេញ​ទាំងបី​គ្រឿង​នោះ ថា​ជា​របស់ សមត្ថកិច្ច​មួយណា​នោះទេ​គ្រាន់តែ​ខ្សឹប​ប្រាប់ថា រថយន្ត​ទាំងបី​គ្រឿង​នោះ មាន​កាមរី​ឆ្លាម​ពណ៌​ស្លែ​កាមរី​ឆ្លាម​ពណ៌​ស្ករ និង កាមរី​ហើម​ពណ៌​សំបក​ឪឡឹក ក្នុងនោះ​នគរបាល ក៏​មិនទាន់​កំណត់​អត្តសញ្ញាណ​ជន​ទាំងពីរ
​នោះបាន​នៅឡើយ​ទេ ដោយសារ​មាន​អ្នក មក​ជម្លៀស​ជនល្មើស​ទៅ​បាត់  ណាមួយ​គឺ​វា​មិនមែន ស្ថិតនៅក្នុង​ដែន​សមត្ថកិច្ច​ខ្លួន​ផង​។
​លោក ប៉ុក វណ្ណា នាយ​សង្កាត់រដ្ឋបាល​ព្រៃឈើ​ថ្ម​គ្រែ បាន​ឲ្យ​ដឹងថា​ចំពោះ​ជនល្មើស នៅ​មិនទាន់​កំណត់​អត្តសញ្ញាណ​នៅ ឡើយ​ទេ ប៉ុន្តែ​រថយន្ត​ត្រូវបាន​ស្ទូច​ដឹក​ទៅ​រក្សាទុក​នៅ​ថ្នាល​បណ្តុះ​កូនឈើ​ខ្សា​រ ។​
​គួរបញ្ជាក់​ផងដែរ​ថា សព្វថ្ងៃ​គេ​សង្កេតឃើញ មាន​រថយន្ត​ពាក់​ស្លាក​លេខខ​-​ម ធំ​តូច​ជាច្រើន គ្រឿង​ទៀត ដែល​ប្រកប​របរ​រកស៊ី ដឹកជញ្ជូន​ឈើ​ប្រណីត​បាន​យ៉ាង​រលូន​តែ​សមត្ថកិច្ច​ហាក់ដូចជា ពុំមាន​វិធានការ​នៅឡើយ​ទេ​ទំនងជា​ពួក​ឈ្មួញ​ទាំងនោះ ត្រូវរ៉ូវ​ជាមួយ​សមត្ថកិច្ច​ឬក៏​សមត្ថកិច្ច​ឆ្លៀតឱកាស​រកស៊ី​ជាមួយ​ពួក​ឈ្មួញ ក៏​មិនដឹង
​ទើបបានជា​ការដឹកជញ្ជូន​វា​ចេះតែ​ប្រព្រឹត្តទៅបាន​ដោយ​រលូន​បែបនេះ​៕

ដោយ​៖ កែវ រដ្ឋា

Copyright © 2010-2021 · អរិយធម៌ · All Rights Reserved.
Develop by Sek Sathya