ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» Breaking News, ព័ត៌មានជាតិ » បុរស​​ម្នាក់​មាន​​ងារ​ជា​នា​យ​ឧ​ត្ត​ម​សេនីយ៍​ផ្កា​មួយ ចូល​​ផឹកស៊ី បង្កជម្លោះ និង​ជេរប្រមាថ​នារី​បម្រើ​ការងារ​ក្នុង​ហាង ​

បុរស​​ម្នាក់​មាន​​ងារ​ជា​នា​យ​ឧ​ត្ត​ម​សេនីយ៍​ផ្កា​មួយ ចូល​​ផឹកស៊ី បង្កជម្លោះ និង​ជេរប្រមាថ​នារី​បម្រើ​ការងារ​ក្នុង​ហាង ​

​ភ្នំពេញ​៖ បុរស​ម្នាក់​ផឹកស៊ី​ស្រវឹង អួតអាង​ថា​ខ្លួនឯង​ជា អ្នកមានអំណាច ពាក់​ផ្កាយ​១ បាន​ចូលមក​ផឹកស៊ី​នៅក្នុង​ភោជនីយដ្ឋាន យីហោ​កង្កែប​តូច ជាមួយនិង​បក្សពួក ៦-៨​នាក់ ហើយ​ខណៈដែល​ផឹកស៊ី​ស្រវឹង រូបគេ​រួមទាំង​បក្សពួក​បាន​ស្រែកជេរ​ប្រមាថ នារី​ដែល​បម្រើ​ការងារ​ក្នុង​ហាង​ខាងលើ ដូច​ឆ្កែ ដូច​ឆ្មា និង​បាន​វាយ​នារី​រូបនោះ បណ្តាល​ឲ្យ​បែក​ម៉ាត់​ហូរឈាម ទើប​បង្ក​ឲ្យ​មាន​ភ្ញាក់ផ្អើល​ដល់​នគរបាល​មូលដ្ឋាន​ប៉ុស្តិ៍​ដង្កោ ចុះមក
​អន្តរាគមន៍​ឃាត់ខ្លួន​បុរស​រូបនោះ យកមក​ទីស្នាក់ការ​ប៉ុស្តិ៍​ភ្លាមៗ​តែម្តង​។
​    ​ហេតុការណ៍​នេះ​សមត្ថកិច្ច​បានបញ្ជាក់​ថា កើតឡើង​កាលពី​វេលា​ម៉ោង​២១​និង​០០​នាទី​យប់ ថ្ងៃទី​១៦ ខែសីហា ឆ្នាំ​២០១៣ ស្ថិតក្នុង​ភោជនីយដ្ឋាន យីហោ កង្កែប​តូច នៅតាម​បណ្តោយ​ផ្លូវ​២១៧ ក្នុង​សង្កាត់​ដង្កោ ខណ្ឌដង្កោ ។ បុរស​ដែល​អួតអាង​ថា​ខ្លួន​មាន​ឋានៈ​ជា​ផ្កាយ​មួយ មានឈ្មោះ ម៉ម សុខ​ធី ភេទ​ប្រុស អាយុ​ជាង​៣០​ឆ្នាំ មាន​ឋានៈ​ជានា​យ​ឧ​ត្ត​ម​សេនីយ៍​ផ្កា​មួយ ស្នាក់នៅ​សង្កាត់​ស្ពានថ្ម ខណ្ឌដង្កោ ។ បើ​យោងទៅតាម​នារី​រងគ្រោះ​ឈ្មោះ ចែ លីន បាន​និយាយ​រៀបរាប់​ប្រាប់​សមត្ថកិច្ច​ថា នៅ​មុនពេល​កើតហេតុ បុរស​ឈ្មោះ ម៉ម សុខ​ធី​រួម​ជាមួយនិង​បក្សពួក​៥-៨​នាក់ បាន​ចូលមក​ផឹកស៊ី​ក្នុង​ភោជនីយដ្ឋាន យីហោ​កង្កែប​តូច ខណៈនោះ​ក្រុម​ជនបង្ក បាន​ស្រែកហៅ​នារី​បម្រើ​ក្នុង​ភោជនីយដ្ឋាន ទាំង​ពាក្យ​គំរោះគំរើយ​ឲ្យ​នារី​ទាំងនោះ​ចូលមក​ចាក់​ស្រា​ឲ្យ​ពួកគេ ប៉ុន្តែ​ដោយសារតែ​ក្រុម
​នារី​បម្រើការ​ក្នុង​ហាង ស្អប់ខ្ពើម​នូវ​ពាក្យសម្តី​របស់​ភ្ញៀវ​មួយក្រុម​នេះ ទើប​ពួកនាង​មិន​ចូលមក​ចាក់​ស្រា​ឲ្យ ។ រហូត​ជនបង្ក​ផឹកស៊ី​អស់​រយៈពេល​ជាង​១​ម៉ោង ទើប​មាន​នារី​ម្នាក់ ដែល​ត្រូវជា​មេការ​ឈ្មោះ ចែ លីន បាន​ដើរចូល​ក្នុង​ខ្ចុះ​របស់​ពួកគេ​ដើម្បី​ចាក់​ស្រា ប៉ុន្តែ​ខណៈនោះ ដោយសារតែ​ឈ្មោះ ម៉ម វ៉ាន់​នី អាង​ខ្លួន​ជា​អ្នកមានអំណាច បាន​ស្រែក
​ជេរប្រមាថ និង​ដៀល​ឈ្មោះ​ចែ លីន ដូច​ឆ្កែ ដូច​ឆ្មារ និង​បាន​លើកដៃ​ទះ​កំប្លែង បែក​ម៉ាត់ ហូរឈាម​ផងដែរ ។ ភ្លាមៗ​នោះ បង្ក​ឲ្យ​មានការ​ភ្ញាក់ផ្អើល​ដល់ ភ្ញៀវ​មួយចំនួន​ដែល​ចូល​ពិសារ​អាហារ​នៅក្នុង​ហាង​នោះ រហូត​ធ្វើ​ឲ្យ​ផ្អើល​ដល់​នគរបាល​ខណ្ឌដង្កោ ចុះទៅ​អន្តរាគមន៍​ភ្លាមៗ និង​ឃាត់ខ្លួន​បុរស​ខាងលើ យកមក​កាន់​ទី​ស្នាក់​នគរបាល​ប៉ុស្តិ៍​ដង្កោ
ដើម្បី​បន្តធ្វើ​ការសាកសួរ ពាក់ព័ន្ធ​នឹង​ករណី​ខាងលើនេះ ។​
​    ​គួរ​បញ្ជាក់ថា នៅ​ចំពោះមុខ​សមត្ថកិច្ច ជនបង្ក​ខាងលើ និយាយ​ហាក់បីដូចជា​មិន​គោរព​នគរបាល​សូម្បីតែ​បន្តិច ព្រោះ​រូបគេ​គិតថា ឋានៈ​ត្រឹម​នគរបាល​មូលដ្ឋាន គ្មាន​សិទ្ធ​ឃាត់​ខ្លួនគេ ដែលមាន​ឋានៈ​ពាក់​ផ្កាយ​មួយ​នោះទេ ហើយ​រូបគេ​ព្រមទាំង​ប្រកែក​ថា មិនបាន​វាយ​ទៅលើ​នារី​ក្នុង​ហាង​ទៀត ។ ប៉ុន្តែ​សមត្ថកិច្ច​នៅតែ​បន្ត​ឃាត់ខ្លួន​បុរស​ខាងលើនេះ ដោយយោង​ទៅតាម​ពាក្យបណ្តឹង​របស់​នារី​បម្រើការ​ក្នុង​ហាង ដោយ​នារី​បម្រើការ​ក្នុង​ហាង ប្តឹង​ចោទប្រកាន់​ពីបទ​ប្រើប្រាស់​អំពើហិង្សា​ដោយ​ចេតនា និង​ជេរប្រមាថ ប៉ះពាល់​ដល់ក​ត្តិ​យស​ខ្លួន​នាង ដូច្នេះហើយ​បុរស​ខាងលើនេះ ត្រូវបាន​ឃុំខ្លួន​បណ្តោះអាសន្ន​នៅ​អធិការដ្ឋាន​នគរបាល​ខណ្ឌដង្កោ រង់ចាំ​ធ្វើការ​សាកសួរ និង​ចាត់ការ​បន្តទៀត​៕


Copyright © 2010-2021 · អរិយធម៌ · All Rights Reserved.
Develop by Sek Sathya