ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||     មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||   

» ព័ត៌មានជាតិ » ​ឪពុក​-​ម្តាយ​ទារិកា​ចោទថា ពេទ្យឆ្មប​ប្រចាំការ​នៅ​ពេទ្យ​ជ័យជំនះ​ក្រុង​តាខ្មៅ​ធ្វើ​ឲ្យ​កូន​គាត់​ស្លាប់​

​ឪពុក​-​ម្តាយ​ទារិកា​ចោទថា ពេទ្យឆ្មប​ប្រចាំការ​នៅ​ពេទ្យ​ជ័យជំនះ​ក្រុង​តាខ្មៅ​ធ្វើ​ឲ្យ​កូន​គាត់​ស្លាប់​

​កណ្តាល ៖ ដោយសារតែ​ការធ្វេសប្រហែស​របស់​ក្រុមគ្រូពេទ្យ​ឆ្មប​ប្រចាំការ​នៅ មន្ទីរពេទ្យ​ជ័យជំនះ​ក្រុង​តាខ្មៅ​ធ្វើអោយ​ទារិកា​ម្នាក់​បាន​លង់ទឹក​ភ្លោះ​ស្លាប់​ក្នុង​ផ្ទៃ​ម្តាយ ជាហេតុ​ធ្វើ​ឲ្យ​ឪពុក​-​ម្តាយ​មានការ​ទ្រោ​ហោ​យំសោក​ស្តាយ កូនស្រី​ដែល​ខំ​ពពោះ​អស់​រយៈពេល​៩​ខែ​១០​ថ្ងៃនោះ​ជាខ្លាំង​។ ទារិកា​ខាងលើនេះ​បាន​ស្លាប់​ក្រោម​ស្នាដៃ​គ្រូពេទ្យ​ឆ្មប​នៅវេលា​ទៀបភ្លឺ ថ្ងៃអាទិត្យ ទី​២១ ខែធ្នូ ឆ្នាំ​២០១៤ ។​
​ម្តាយ​ទារិកា​មានឈ្មោះ វុ​ធ សុជាតា អាយុ​២៨​ឆ្នាំ និង​បុរស​ជា​ឪពុក​មានឈ្មោះ ញ៉ែម តារា​វុ​ធ ជា​អ្នករស់នៅ​ក្នុងភូមិ​តាខ្មៅ​១ សង្កាត់​តាខ្មៅ ក្រុង​តាខ្មៅ ខេត្តកណ្តាល ។​
​លោក ញ៉ែម តារា​វុ​ធ ឪពុក​ទារិកា​រងគ្រោះ​បាន​រៀបរាបថា ចាប់តាំងពី​ប្រពន្ធ​របស់គាត់​មាន​ផ្ទៃពោះ​រួចមក​គាត់​តែងតែ​នាំទៅ​ឲ្យ ក្រុមគ្រូពេទ្យ​ពិនិត្យ​សុខភាព​រាល់​១​ខែម្តង គឺ​មិន​ធ្វេសប្រហែស​នោះទេ​ព្រោះ​ខ្លាច​កូន​មិន​នៅ ។ រហូតមកដល់​អំឡុង​ខែ​១១ ឆ្នាំ​២០១៤ ជា​ខែ​ទី​៨​សម្រាប់​កូន​ក្នុង​ផ្ទៃ​នោះ គាត់​បាន​នាំ​ប្រពន្ធ​ទៅ​ឲ្យ​ក្រុមគ្រូពេទ្យ​ពិនិត្យ​សុខភាព​ម្តាយ​និង​កូន  ហើយ​ក្រុមគ្រូពេទ្យ​បាន​បញ្ជាក់ថា “​សុខភាព​ម្តាយ​-​កូន​ល្អប្រសើ​ជាធម្មតា​ទេ ពុំមាន​អ្វី​ខុស​ប្រក្រតី​ឡើយ​” ។​
​ឪពុក​ទារិកា​រងគ្រោះ​បាន​បញ្ជាក់ថា  រហូតមកដល់​ជិត​គ្រប់​ខែ គឺ​នៅ​ថ្ងៃទី​៣ ខែធ្នូ ឆ្នាំ​២០១៤ រូបគាត់​ក៏បាន​នាំ​ប្រពន្ធ​ទៅពិនិត្យ​សុខភាព​នៅ​មន្ទីរពេទ្យ​ជ័យជំនះ​នេះ តែម្តង​ហើយ​ក្រុមគ្រូពេទ្យ​បានបញ្ជាក់​ថា “​សុខភាព​ម្តាយ​-​កូន​ល្អប្រសើ​ជាធម្មតា​ទេ ត្រៀម​សម្ភារ​ប្រើប្រាស់​សម្រាប់​ថ្ងៃ​ឆ្លងទន្លេ​នៅពេល​ដ៏​ខ្លី​ខាងមុខនេះ ” ។ ក្រោយពី​បានឮ​យ៉ាង​ដូច្នេះ​រូបគាត់​ជា​ប្តី និង​ជា​ឪពុក​ទារិកា​មាន​ក្តីសប្បាយ​យ៉ាងខ្លាំង ។ លុះ​មកដល់​ថ្ងៃទី​២០ ខែធ្នូ ឆ្នាំ​២០១៤ វេលា​ម៉ោង​ប្រមាណ​៨​យប់​ប្រពន្ធ​របស់គាត់​មាន​អាកា​រៈ​ឈឺពោះ​តិចៗ ទើប​គាត់​មិនទាន់បាន​នាំទៅ​មន្ទីរពេទ្យ រហូតដល់​វេលា​ម៉ោង​៣​ទៀបភ្លឺ ថ្ងៃទី​២១ ខែ​ឆ្នាំ​ដដែល រូបគាត់​និង​ម្តាយ​បាន​បញ្ជូន​ប្រពន្ធ​តាម​រថយន្ត​យកទៅ​សម្រាលកូន​នៅ មន្ទីរពេទ្យ​ជ័យជំនះ ក្រុង​តាខ្មៅ ។​
​លោក​បន្តទៀតថា ពេលទៅដល់​គ្រូពេទ្យ​ម្នាក់​ដែល​ប្រចាំការ​បាន​បូម​ឈាម​ប្រពន្ធ​របស់គាត់ យកទៅ​ពិនិត្យ ហើយក៏​មិន​អើពើ​អ្វី​ដែរ​គឺ​ទុក​ឲ្យ​គាត់ និង​ប្រពន្ធ​អង្គុយចាំ​នៅលើ​បង់​ខាងមុខ​អគារ​សម្ភព រហូតដល់​ប្រពន្ធ​គាត់​ឈឺពោះ​ខ្លាំង​ស្រែ​ឡូឡា​ទើប​មាន​អ្នក​គ្រូពេទ្យ ម្នាក់​ចេញមក​សួរនាំ ហើយ​ប្រពន្ធ​របស់គាត់​បាន​ប្រាប់​ទៅកាន់​អ្នកគ្រូ​ពេទ្យ​ថា​ឈឺពោះ​ខ្លាំងណាស់​វះកាត់​តែម្តងទៅ តែ​អ្នក​គ្រូពេទ្យ​មិនបាន​តបត​នោះទេ ក៏បាន​ឲ្យ​ប្រពន្ធ​របស់គាត់​ឡើងទៅ​លើ​គ្រែ​សម្រាល ។ ការ​សម្រាល​នោះ​ទៀតសោត​អស់​រយៈពេល​ជាច្រើន​ម៉ោង​ប្រពន្ធ​របស់គាត់​ពុំ អាច​សម្រាលកូន​បានទេ រហូត​ធ្វើ​ឲ្យ​កូន​នៅក្នុង​ផ្ទៃ​ឈ្លក់ទឹក​ភ្លោះ​ស្លាប់ ទើប​មាន​គ្រូពេទ្យ​ម្នាក់​ទៅ​បូម​យក​ទារិកា​ចេញពី​ក្នុង​ផ្ទៃ​ប្រពន្ធ​គាត់ ។​
​ទាក់​ទាង​នឹង​ករណី​ខាងលើ​នេះដែរ​អ្នកយកព័ត៌មាន​អរិយធម៌​បាន​ទំនាក់ទំនង​ទៅកាន់​លោក​ប្រធាន​មន្ទីរពេទ្យ​ជ័យ ជំនះ​តាម​ទូរស័ព្ទ​ដើម្បី​សុំ​ការបំភ្លឺ ហើយ​ត្រូវបាន​ប្រធាន​មន្ទីរពេទ្យ​បញ្ជាក់ថា រហូតដល់​ពេលនេះ​លោក​ពុះ​អាច​បកស្រាយ​បានទេ គឺ​រង់ចាំ​នៅ​ថ្ងៃទី​២៣ ខែធ្នូ​លោក​នឹងធ្វើ​ការប្រជុំ​ជាមួយ​គ្រូពេទ្យ​បច្ចេកទេស ដើម្បី​រក​ពី​មូលហេតុ​ច្បាសលាស់ ៕

fg

Copyright © 2010-2021 · អរិយធម៌ · All Rights Reserved.
Develop by Sek Sathya