ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » បង្ក្រាប​ជនសង្ស័យ​៤​នាក់ ដកហូត​ម៉ា​ទឹកកក ៣៨​កញ្ចប់់

បង្ក្រាប​ជនសង្ស័យ​៤​នាក់ ដកហូត​ម៉ា​ទឹកកក ៣៨​កញ្ចប់់

​បន្ទាយមានជ័យ ៖ កម្លាំង​នគរបាល​ការិយាល័យ ប្រឆាំង​គ្រឿងញៀន នៃ​ស្នងការដ្ឋាន នគរបាល​ខេត្ដ បន្ទាយមានជ័យ និង​កម្លាំង​នគរបាល​ក្រុង ប៉ោយប៉ែត​នៅ​យប់​ថ្ងៃទី​១៧ ខែធ្នូ ឆ្នាំ​២០១៤ បាន​ឃាត់ខ្លួន​មុខសញ្ញា ចែកចាយ និង​ប្រើប្រាស់ ថ្នាំញៀន ចំនួន​៤​នាក់ ក្នុង នោះ​ស្រី​២​នាក់ និង​ដកហូត​ថ្នាំញៀន ប្រភេទ​មេ​តំ​ហ្វេ​តា​មីន​អាយ​ស៍ (​ម៉ា​ទឹកកក​) ចំនួន​៣៨​កញ្ចប់​តូច ។​

 
​ប្រតិ​ប​ត្ដិ​ការ​តាម​បង្ក្រាប​និង​ចាប់ខ្លួន​ជន សង្ស័យ​ទាំង​៤​នាក់ បានធ្វើ​ឡើង​កាលពី​វេលា​ម៉ោង​៦​និង​៣០​នាទី​ល្ងាច​ថ្ងៃទី​១៧ ខែធ្នូ ស្ថិតនៅ​ខាងក្រោយ វត្ដ​ម៉ុង​ចិន ភូមិ​គីឡូ ម៉ែត្រ​លេខ​៤ សង្កាត់​ផ្សារកណ្ដាល ក្រុង​ប៉ោយប៉ែត ។​

 
​សមត្ថកិច្ច​បានបញ្ជាក់​ថា ជនសង្ស័យ​៤​នាក់ ត្រូវបាន​ចាប់ខ្លួន​ជា​បន្ដបន្ទាប់ ក្នុងនោះ​ស្រី​ពីរ​នាក់​ផងដែរ ព្រមទាំង​ដកហូត​ថ្នាំញៀន​ប្រភេទ​ម៉ា​ទឹកកក ៣៨​កូន​ថង់​តូច ។​

 
​ជនសង្ស័យ​ទាំង​៤​នាក់ ទី​១ ឈ្មោះ​ហុក ស្រៀ​ង ភេទ​ប្រុស អាយុ​៤៣​ឆ្នាំ មុខរបរ​រត់​ម៉ូតូឌុប មាន​ស្រុកកំណើត នៅ ភូមិ​សោ​ប ឃុំ​សោ​ប ស្រុក​ព្រែក​ប្រសព្វ ខេត្ដ​ក្រចេះ ហើយ​បច្ចុប្បន្ន​ស្នាក់នៅ​ភូមិ បា​លិ​លេ​យ្យ​២ សង្កាត់​-​ក្រុង ប៉ោយប៉ែត ។ ទី​២ ឈ្មោះ​សំ សុផាត ហៅ​រ៉ា ភេទ​ប្រុស អាយុ​៣១​ឆ្នាំ មុខ របរ​បុគ្គលិក​កាស៊ីណូ ស្រុកកំណើត​នៅ​ខេត្ដ កំពង់ស្ពឺ ហើយ​បច្ចុប្បន្ន​រស់នៅ​ភូមិ​អូរ​អំបិល សង្កាត់​អូរ​អំបិល ក្រុង​សេរី​សោ​ភ័​ណ្ឌ ទី​៣ ឈ្មោះ​វិ​ន ម៉ា​ឡា ភេទ​ស្រី អាយុ​២៦​ឆ្នាំ មុខ របរ​ជា​នារី​បម្រើ​នៅ​ខារ៉ាអូខេ ប៉ោយ ប៉ែត​ផាស មាន​ស្រុកកំណើត នៅ​ភូ​មិច​ង្ហា ឃុំ​ច​ង្ហា ស្រុក​អូរជ្រៅ​ហើយ​បច្ចុប្បន្ន​ស្នាក់នៅ​ក្រុង​ប៉ោយប៉ែត និង​ទី​៤ ឈ្មោះរ​ត្ន័ បញ្ញា ភេទ​ស្រី អាយុ​១៧​ឆ្នាំ មុខរបរ​នារី​បម្រើ​នៅ​ខារ៉ាអូខេ CVR ស្រុកកំណើត​នៅ​ភូមិ ឃុំ​ច​ង្ហា ស្រុក​អូរជ្រៅ  ហើយ​បច្ចុប្បន្ន​ស្នាក់នៅ​ក្រុង ប៉ោយប៉ែត ។​

 
​បច្ចុប្បន្ន​ជនសង្ស័យ​ទាំង​៤​នាក់ ត្រូវបាន យកទៅ​សួរនាំ​និង​ឃុំខ្លួន​ជា​បណ្ដោះអាសន្ន នៅ​ការិយាល័យ ប្រឆាំង គ្រឿងញៀន ដើម្បី កសាង​សំណុំរឿង​បញ្ជូន​ទៅកាន់​តុលាការ ចាត់ការ​បន្ដ​តាមផ្លូវ​ច្បាប់​៕ខខ

Copyright © 2010-2021 · អរិយធម៌ · All Rights Reserved.
Develop by Sek Sathya