ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក លឹម លក្ខណ៍ ដែលចូលក្របខ័ណ្ឌ ៣ឆ្នាំ ទទួលមុខតំណែងជានាយរងការិយាល័យសន្តិសុខឯកជន នៃស្នងការដ្ឋាននគរបាលខេត្តកណ្តាល ពាក់ស័ក្តិ៤យ៉ាងហំ ហើយល្បីថា រត់ការបន្តយកតំណែងជាស្នងការរង ខេត្តកណ្តាល?​  ||     ជនល្មោភលុយកាក់ យកសាសនាព្រះយ៉េស៊ូវ ធ្វើអាជីវកម្ម បានឈូសឆាយដីកប់សពបងប្អូនអ្នកជឿព្រះយ៉េស៊ូវ ពុះជាដីឡូតិលក់ បង្កភ្ញាក់ផ្អើលខ្លំាង នៅសៀមរាប​  ||     បែកធ្លាយ ! លោក ជា វណ្ណៈ និងលោក ថន សឿន សង្ស័យពាក់ព័ន្ធនឹងការកាប់បំផ្លាញព្រៃឈើ នៅតំបន់អូរហ៊ុច ដែលកម្លាំងចម្រុះចុះបង្ក្រាបពីម្សិលមិញ​  ||     ហេតុអីក៏នាយនគរបាលម្នាក់នេះ  ទើបចូលក្របខ័ណ្ឌនគរបាលជាតិ បាន៣ឆ្នាំសោះ ពាក់ស័ក្តិ៤ និងមានតំណែងជានាយរងការិយាល័យថែមទៀត?​  ||     ទីតាំងស្តុកឈើឥតច្បាប់មួយកន្លែង របស់មេឈ្មួញ ឈ្មោះ ថា រកស៊ីជួញដូរព្រៃឈើច្រើនឆ្នាំកន្លងមកហើយ សមត្តកិច្ចនិងមន្ដ្រីជំនាញមិនដែលធ្វើការបង្ក្រាប​  ||   

» Breaking News, ព័ត៌មានជាតិ » លោក​មួង ដា​រ៉ា ឡើង​ជា​មេ​គយ​​ភ្លាម​បទ​ល្មើស​ក៏​ចាប់ផ្តើម​​ពេញបន្ទុក​នៅ​ច្រកទ្វារ​ជ្រៃ​ធំ​

លោក​មួង ដា​រ៉ា ឡើង​ជា​មេ​គយ​​ភ្លាម​បទ​ល្មើស​ក៏​ចាប់ផ្តើម​​ពេញបន្ទុក​នៅ​ច្រកទ្វារ​ជ្រៃ​ធំ​

កណ្តាល ៖ នៅ​ព្រំដែន​វៀតណាម​ច្រកទ្វារ​ជ្រៃ​ធំ ស្រុក​កោះធំ គេ​បានឃើញ​មាន​កាណូត​ទូក ឡាន​ជាច្រើន គ្រឿង​បាន​លួច​ដឹកទំនិញ​គេចពន្ធ​ជា​រៀងរាល់ថ្ងៃ ឆ្លង​កាត់មុខ​សមត្ថកិច្ច​គយ​ច្រកទ្វារ​ជ្រៃ​ធំ ដោយ​រលូន​ដូច​សត្វ កុក​ហើរ​លើ​មេឃ​។​
ទំនិញគេចពន្ធ​ទាំងនោះ​មានដូចជា​ទំនិញ​ចាប់ហួយ គ្រឿងទេស មេស្រា ថ្នាំ​បំពុល​សត្វ ថ្នាំ​កសិកម្ម ថ្នាំពេទ្យ សំរាប់​ព្យាបាល​មនុស្ស​និង​សត្វ ព្រមទាំង​មច្ឆជាតិ​ផង​។ ចំណែក​សមត្ថកិច្ច​គយ​មិនបាន​ធ្វើការ​បង្ក្រាប​ទេ គេ សង្ស័យថា បានទទួល​សំណែន​ពី​ក្រុម​ឈ្មួញ​ទាំងនោះ ហើយ​មើលទៅ​។ ក្រៅពី​ទំនិញគេចពន្ធ​គេ​ក៏​បានឃើញ ក្រុម​ឈ្មួញ​បាន
​ដឹកជញ្ជូន​នូវ​សត្វ​មាន់​ទា គ្រោងឆ្អឹង​មាន់ ជង្គង់​មាន់ ក្បាលមាន់ ដែល​ខូចគុណភាព​នាំចូល តាម​ច្រករបៀង ស្ថិតនៅ​ក្នុងភូមិ​ព្រែក​ស្បូវ ឃុំ​សំពៅ​ពូន ស្រុក​កោះធំ ជា​រៀងរាល់​យប់ ចេញ​តាមផ្លូវ​វត្ត​ព្រែក​ស្បូវ ដោយ​តាមផ្លូវ​នោះ មាន​សមត្ថកិច្ច​គយ​និង​សមត្ថកិច្ច​ជាច្រើន​ស្ថាប័ន​ទៀត បាន​ឈរជើង​នៅ​ទីនោះ ហើយ​គ្មាន​បានធ្វើការ​បង្ក្រាប​អ្វី​ឡើយ ។​
គេ​និយាយថា បើ​មន្ត្រី​គយ​អន់ ចុះ​ប៉ូលិស​សេដ្ឋកិច្ច​ខេត្ត​និង​ក្រសួង ហេតុអ្វី​ក៏​មិន​ចាប់​ពួក​ឈ្មួញ​ទាំងនោះ​? នេះ មានន័យថា ពួក​អស់លោក​កំពុង​តាំងខ្លួន​ជា​សត្វ​មាន់​ពង​លើ​ស្រូវ​ហើយ​។ នៅមាន​រឿងអាស្រូវ​ជាច្រើន​ទៀត​ដែល លោក​មួង ដា​រ៉ា បាន​ប្រព្រឹត្ត​។ ដូច្នេះ​សូម​លោក​មេ​គយ​ថ្នាក់លើ​មើល​ផង​។
ចំណែក​ទំនិញ​នាំ​ចេញទៅ​ប្រទេស​វៀតណាម មានដូចជា​ឈើ​ប្រណីត​និង​សត្វព្រៃ​គ្រប់​ប្រភេទ ត្រូវបាន​ក្រុម​ឈ្មួញ ទុច្ចរិត​រកស៊ី​ដឹកជញ្ជូន​នាំ​ចេញទៅ​ប្រទេស​វៀតណាម​យ៉ាង​រលូន​ផងដែរ ដោយ​មិនមាន​សមត្ថកិច្ច​ជំនាញ ណា​ម្នាក់​ធ្វើការ​បង្ក្រាប​អ្វី​ទេ​៕

ដោយ​៖ ដាំ ជា​


Copyright © 2010-2021 · អរិយធម៌ · All Rights Reserved.
Develop by Sek Sathya