ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ក្នុង​រយៈពេល​៥​ឆ្នាំ​ចំនួន​ប្រជារាស្ត្រ​កម្ពុជា​មានការ​កើនឡើង​ប្រមាណ​ជាង​១ លាន​នាក់​បើ​ប្រៀបធៀប​លទ្ធផល​ជំរឿន​ឆ្នាំ ២០០៨

ក្នុង​រយៈពេល​៥​ឆ្នាំ​ចំនួន​ប្រជារាស្ត្រ​កម្ពុជា​មានការ​កើនឡើង​ប្រមាណ​ជាង​១ លាន​នាក់​បើ​ប្រៀបធៀប​លទ្ធផល​ជំរឿន​ឆ្នាំ ២០០៨

ភ្នំពេញ​៖ ​ការបង្ហាញ​លទ្ធផល​នៃ​ការអង្កេត​ប្រជាសាស្ត្រ​កម្ពុជា​បាន​ប្រព្រឹត្តធ្វើ​នៅ​សណ្ឋា​គារ​កាំបូឌីយ៉ាណា រាជធានី​ភ្នំពេញ​នៅ​ព្រឹក​ថ្ងៃទី​១៥ សីហា ២០១៣ ក្រោម​វត្តមាន​របស់ លោក ឆាយ ថន ទេសរដ្ឋមន្ត្រី​រដ្ឋមន្ត្រី​ក្រសួងផែនការ និង​មានការ​ចូលរួម​ពី​មន្ត្រី​ជំនាញ​ពាក់ព័ន្ធ ព្រមទាំង​តំណាង​អង្គការក្រៅរដ្ឋាភិបាល​ជាច្រើនរូប​ទៀត​។​​លោកស្រី ហង់ លី​ណា អគ្គនាយក​វិទ្យាស្ថាន​ជាតិ​ស្ថិតិ បាន​មានប្រសាសន៍ថា វិទ្យាស្ថាន​ជាតិ​ស្ថិតិ​នៃ​ក្រសួងផែនការ​បានបង្ហាញ​លទ្ធផល​បណ្តោះអាសន្ន​នៃ​ការអង្កេត​ប្រជា​សាស្ត្រ​​​​សម្រាប់​ឆ្នាំ​២០១៣​ដោយ​រកឃើញថា​ប្រជាពលរដ្ឋ​ខ្មែរ​នៅ​ទូទាំងប្រទេស​មាន​ចំនួន ១​៤.៦៧៦.៥៩១​នាក់​។​

​អគ្គនាយក​វិទ្យាស្ថាន​ជាតិ​ស្ថិតិ បាន​បន្តថា យោងតាម​លទ្ធផល​បណ្តោះ​អាសន្ន​នៃ​ការ​អង្កេត​ចន្លោះ​ជំរឿន​របស់​ប្រជារាស្ត្រ​កម្ពុជា​ឆ្នាំ ២០១៣ ឃើញថា  ចំនួន​ប្រជាជន​សរុប​ប្រហែល ១៤.៦៧៦.៥៩១​នាក់ ក្នុងនោះ​មាន​ប្រុស​ចំនួន ប្រហែល ៧.១២១.៥០៨​នាក់​ស្រី​មាន​ចំនួន​ប្រហែល ៧.៥៥៥.០៨៣​នាក់​»​។ ដោយ​មានការ​ផ្អែកលើ​លទ្ធផល​នៃ​ការអង្កេត​នេះ វិទ្យាស្ថាន​ជាតិ​ស្ថិតិ​គ្រោង​នឹង​ផលិត​ចេញ​នូវ​របាយការណ៍​វិភាគ​តាម​ប្រធានបទ​ខ្លះ​ទៀត​ដូចជា អត្រា​លទ្ធភាព​បង្កើតកូន មរណៈភាព ការផ្លាស់​ទីលំនៅ ឬ​ចំណាកស្រុក អក្ខរ​ភាព និង​កំរិត​សិក្សាអប់រំ ការចូលរួម​កម្លាំង​ពលកម្ម លំនៅឋាន និង​ការប្រើប្រាស់​របស់​គ្រួសារ​យេនឌ័រ និង​ការធ្វើ​ចំណា​ទ​ប្រជាជន​ជាដើម​។

​ទន្ទឹមនឹងនោះ​ផងដែរ លោក​បណ្ឌិត March Derveeuw​តំណាង​អង្គការ UNFPA ប្រចាំ​កម្ពុជា​ក៏បាន​លើកឡើងថា​ចាប់តាំងពី​ឆ្នាំ​២០០៨ មកដល់​ឆ្នាំ​២០១៣ នេះ អត្រាកំណើន​ប្រជាជន​ស​រុ​ប​ប្រចាំឆ្នាំ មាន​កម្រិត ១,៤៦% រីឯ​នៅ​ឆ្នាំ ១៩៩៨ ដល់​ឆ្នាំ ២០០៨ វិញ អត្រា​នេះ​មាន​កម្រិត ១,៥៤%​។

​លោក​បណ្ឌិត​បន្តទៀតថា ផ្អែក​តាម​លទ្ធផល​នៃ​របាយការណ៍​អង្កេត​ឆ្នាំ​២០១៣​នេះ​ចំនួន​ប្រជាជន​នៅតាម​បណ្តា​ទីប្រជុំជន​មាន ៣.១៤៦.២១២​នាក់ ស្មើនឹង ២១.៤​ភាគរយ​នៃ​ចំនួន​សរុប​ទូទាំងប្រទេស ចំណែក​នៅ​ឆ្នាំ​២០០៨ មាន​ចំនួន ២.៦១៤.០២៧​នាក់ ស្មើនឹង​១៩.៥​ភាគរយ​។​

​លោក​បន្ថែមថា បើតាម​ផលធៀប​ភេទ​នៃ​ចំនួន​ប្រជាជន​បង្ហាញថា បុរស​មាន​ចំនួន ៩៤៣​នាក់​ក្នុងចំណោម​ស្ត្រី​ចំនួន ១.០០០​នាក់ ហើយ​ទិន្នន័យ​នេះ​នឹង​នៅតែ​បន្ត​នៅពេល​ដែល​មាន​ប្រជាជន​វ័យ​ចំណាស់​ចាប់ផ្តើម​កើនឡើង​។​

​លោក ឆាយ ថន ទេសរដ្ឋមន្ត្រី និង​ជា​រដ្ឋមន្ត្រី​ក្រសួងផែនកា​រ​បាន​លើកឡើងថា  គោល​បំណង​​នៃ​ការធ្វើអង្កេត​ចន្លោះ​ជំ​រឿ​នេះ​គឺ​ផ្តល់នូវ​សូចនាករ ដែល​បានធ្វើ បច្ចុប្បន្នភាព ទាក់ទង​នឹង​ការប្រែប្រួល​លក្ខណៈ​ប្រជារាស្ត្រ ដែលមាន​គ្រួសារ​ជ្រើសរើស គំរូ​ចំនួន ២៨.៦៥០​គ្រួសារ នៅក្នុង​ភូមិ​ចំនួន ៩៥៥ ក្នុងចំណោម​ភូមិ​នៅ​ទូទាំងប្រទេស​កម្ពុជា​។​

​លោក​រដ្ឋមន្ត្រី​បាន​បន្តថា ការអង្កេត​ចន្លោះ​ជំរឿន​នៃ​ប្រជារាស្ត្រ​ខ្មែរ​ឆ្នាំ ២០១៣ នេះ​ផ្តល់​នូវ​ទិន្នន័យ​មូលដ្ឋានគ្រឹះ​ដែល​មានការ​សំអាង​ច្បាស់លាស់​សម្រាប់​ការអភិវឌ្ឍ និង​ការ​តាមដាន​ត្រួតពិនិត្យ នៃ​ការអនុវត្ត​ផែនការ​យុទ្ធសាស្ត្រ​អភិវឌ្ឍន៍​ជាតិ​លើ​គោលដៅ​អភិវឌ្ឍន៍​សហវ​ត្ស​កម្ពុជា​ផែនការ​វិស័យ និង​ផែនការ​វិមជ្ឈការ​។

​លោក​ក៏បាន​បញ្ជាក់​ប្រាប់ថា តាម​លទ្ធផល​បណ្តោះអាសន្ន​នៃ​ការអង្កេត​ចន្លោះ​ជំរឿន​ប្រជារាស្ត្រ កម្ពុជា​ឆ្នាំ ២០១៣ បង្ហាញថា ចំនួន​ប្រជារាស្ត្រ​សរុប​ប្រហែល ១៤.៦៧៦.៥៩១ នាក់ ក្នុងនោះ​ប្រុស​មាន​ចំនួន​ប្រហែល ៧.១២១.៥០៨ នាក់ ស្រី​មាន​ចំនួន​ប្រហែល ៧.៥៥៥.០៨៣ នាក់​។ ចំនួន​ប្រជារាស្ត្រ​សរុប​មានការ​កើនឡើង​ប្រមាណ​ជាង​១ លាន​នាក់ បើ​ប្រៀបធៀប​លទ្ធផល​ជំរឿន​ឆ្នាំ ២០០៨ មាន​ចំនួន ប្រជារាស្ត្រ​សរុប ១៣៣៩៥៦៨២ នាក់ គិត​ជា​ភាគរយ​កើនឡើង​ប្រហែល ៨.៧% រយៈពេល​៥​ឆ្នាំក្រោយ​។​

​គួរ​បញ្ជាក់ថា ទាក់​ទាង​នឹង​ការអង្កេត​ខាងលើនេះ គឺ​ប្រើប្រាស់​ថ​រិ​កា​អស់​ជាង​២​លាន​ដុល្លារ​​សហរដ្ឋអាមេរិក ធ្វើឡើង នៅ​ខេត្ត​ក្រុង​ចំនួន ២៤​ទូទាំងប្រទេស​កម្ពុជា ដោយ​ចំណាយ​រយៈពេល ១០​ថ្ងៃ​ផងដែរ​ដោយ មានការ​ចូលរួម​ពី​មន្ត្រី​សម្ភាសន៍​ចំនួន ៩៥៥​នាក់ និង​មន្ត្រី​ត្រួតពិនិត្យ​ចំនួន ២៤០​នាក់៕ ដោយៈ មករា​តូច​

​    ​

Copyright © 2010-2021 · អរិយធម៌ · All Rights Reserved.
Develop by Sek Sathya