ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » ប៉ូលិស​ចាប់ខ្លួន​ក្រុម​ជួញដូរ​នារី​ក្រមុំ ទៅ​លក់ ​

ប៉ូលិស​ចាប់ខ្លួន​ក្រុម​ជួញដូរ​នារី​ក្រមុំ ទៅ​លក់ ​

 

ភ្នំពេញ ៖ សកម្មភាព​ជួញដូរ និង​នាំខ្លួន នារី​ក្រមុំ​ជនជាតិខ្មែរ​ទៅ​លក់ និង​រៀបការ ដោយ​ខុសច្បាប់ នៅ​ប្រទេស​ចិន​តែងតែ កើតមានឡើង នៅ​កម្ពុជា បើទោះបី​កម្លាំង សមត្ថកិច្ច​ពាក់ព័ន្ធ ធ្លាប់បាន​បង្ក្រាប និង​ចាប់ ខ្លួន មុខសញ្ញា​ជួញដូរ និង​រកស៊ី​អំពើ​ខុស ច្បាប់​មួយ​នេះ អស់​ជាច្រើន​នាក់ នាពេល​កន្លងទៅ​ក៏ដោយ​នោះ ។​

​ជាក់ស្ដែង នៅក្នុង​ប្រតិ​ប​ត្ដិ​ការ​ស្រាវ ជ្រាវ និង​ស៊ើបអង្កេត​របស់ខ្លួន​អស់​រយៈ ពេល​ជាច្រើន​ថ្ងៃ​មក​នោះ កម្លាំង​នគរបាល ការិយាល័យ​ប្រឆាំង​ការជួញដូរ មនុស្ស និង ការពារ​អនីតិជន នៃ​ស្នងការដ្ឋាន​រាជធានី ភ្នំពេញ ដោយមាន​ការបញ្ជា​ពី​សំណាក់​ស្នង ការ​នគរបាល លោក​ឧត្ដមសេនីយ៍ ជួន សុវណ្ណ និង​ស្នងការរង ព្រុំ សន្ធរ​ដឹកនាំ​ដោយ​ព្រះរាជ​អា​ជា្ញ​រង​មាស ច័ន្ទ​ពិសិដ្ឋ បាន​ឃាត់ ខ្លួន​ជនសង្ស័យ​ចំនួន ២​នាក់ ក្នុងនោះ​មាន ជនជាតិ​ចិន​ម្នាក់​និង​ជនជាតិខ្មែរ​ម្នាក់​ឈ្មោះ xuxian Dia ភេទ​ប្រុស អាយុ​៣០​ឆ្នាំ ជនជាតិ​ចិន មុខរបរ​ជាងសំណង់ ស្នាក់នៅ​សង្កាត់​ចោមចៅ ខណ្ឌ​ពោធិ៍​សែន​ជ័យ និង​ជនសង្ស័យ​ឈ្មោះ​ហេង សេង ភេទ​ប្រុស អាយុ​៥៣​ឆ្នាំ ជនជាតិខ្មែ មុខរបរ​លក់ កាហ្វេរ ស្នាក់នៅ​សង្កាត់​ផ្សារ​ដើម​គរ ខណ្ឌទួលគោក ដែល​ពួកគេ​រួមគំនិត​រកស៊ី​នាំ​កូនក្រមុំ ជនជាតិ ខ្មែរ ឆ្លងដែន​ពី​កម្ពុជា​តាម​ច្រក​ព្រលាន​យន្ដ ហោះ និង​តាម​ច្រកព្រំដែន​វៀតណាម​ឆ្ពោះ ទៅកាន់​ប្រទេស​ចិន ដើម្បី​ដាក់លក់​ដោយ ខុសច្បាប់ នៅ​ទីនោះ ។​

​នៅក្នុង​ប្រតិ​ប​ត្ដិ​ការ ដែល​ធ្វើឡើង​នៅ​ថ្ងៃទី​១៥ ខែធ្នូ ឆ្នាំ​២០១៤ កម្លាំង​នគរបាល​បាន​ជួយសង្គ្រោះ នារី​ក្រមុំ ចំនួន ៥​នាក់​ហើយ ក្នុងនោះ​ក៏មាន​ការចាប់ខ្លួន​ជនជាតិខ្មែរ​ម្នាក់​និង​ជនជាតិ​ចិន​ម្នាក់​ចេញពី​
​ព្រលានយន្តហោះ​អន្តរជាតិ​ភ្នំពេញ​ផងដែរ គ្រា​ដែល​សមត្ថកិច្ច​កំពុង​តាម​ចាប់​បក្សពួក​២​នាក់​ទៀត ។​

​ចាប់ខ្លួន​ជនសង្ស័យ ទាំង​២​នាក់​នេះ នាយការិយាល័យ ប្រឆាំង​ការជួញដូរ​មនុស្ស និង​ការពារ អនីតិជន​រាជធានី​ភ្នំពេញ លោក កែវ ធា បានឱ្យដឹងថា ជនសង្ស័យ​ទាំងនេះ​ត្រូវបាន កម្លាំង​សមត្ថកិច្ច​ការិយាល័យ តាម​ចាប់ខ្លួន ក្នុងករណី ជួញដូរ​មនុស្ស​ឆ្លងដែន ។​

​ជនសង្ស័យ​ខាងលើ​បាន​ប្រើ​ភ្នាក់ងារ ឬ បណ្ដាញ​របស់ខ្លួន​ទៅ​លួងលោម និង​អូស ទាញ នារី​រងគ្រោះ​ដែល ភាគច្រើន​រស់នៅ តាម​ស្រុក​ស្រែចំការ រួចហើយ​នាំមក​កាន់ រាជធានី​ភ្នំពេញ ដោយ​ធ្វើលិខិត​ឆ្លងដែន​មុន ពេល​នាំ​ចាកចេញ ទៅកាន់​ប្រទេស​ចិន ។ យ៉ាងណាក៏ដោយ​រេ​ឿ​ង​នេះ​ត្រូវបាន លោក កែវ ធា​បញ្ជា​ថា នារី​រងគ្រោះ​ទទួលបាន​លុយ​៧០០០​ដុល្លារ​ហើយ​ឈ្មួញកណ្តាល​យកទៅលក់​៩០០០​ដុល្លារ​ទើប​បញ្ជូនបន្តរ​ទៅ​ប្រទេស​ចិន រាប់ម៉ឺន​ដុល្លារ ។​

​លោក កែវ ធា បាន​អំពាវនាវ​ឱ្យ​ប្រជា ពលរដ្ឋ​ទូទាំងប្រទេស ជាពិសេស​អ្នក​ដែល រស់​នៅតាម​បណ្តា​ខេត្ដ មិនត្រូវ​ចាញ់បោក ក្រុម​ឈ្មួញ ដែល​ប្រើពាក្យ​លួង លោម និង  បោក​បញ្ឆោត​នាំទៅ​លក់​ដោយ​ខុសច្បាប់ នៅ​ប្រទេស​ចិន​នោះឡើយ ពោល​ត្រូវធ្វើ ឡើង ដោយមាន​លិខិតស្នាម​ត្រឹមត្រូវ ពី ក្រសួងមហាផ្ទៃ និង ក្រសួងការបរទេស​។​

​បច្ចុប្បន្ន​ជនសង្ស័យ​ទាំង ២​នាក់ ត្រូវបាន​ឃុំខ្លួន ជា​បណ្ដោះអាសន្ន នៅ​កា​រិ យា​ល័យ​ប្រឆាំង ការជួញដូរ​មនុស្ស និង​ការពារ​អនីតិជន មុនពេល​បញ្ជូន​ទៅកាន់​សាលាដំបូង រាជធានី​ភ្នំពេញ នៅ​ថ្ងៃទី​១៧​ខែធ្នូ ឆ្នាំ​២០១៤ ។​

​សូមបញ្ជាក់ថា ក្នុង​ប្រតិបត្តិការ​នាំខ្លួន​ជនសង្ស័យ​ចេញពី​ព្រលានយន្តហោះ​អន្តរជាតិ​ភ្នំពេញ​តាម​បណ្តោយ​ផ្លូវ សហព័ន្ធរុស្ស៊ី មក​ការិយាល័យ ស្រាប់តែ​ក្រុម​ជនសង្ស័យ​ទាំង​២​នាក់​បាន​លោត​ចុះ​ពីលើ​រថយន្ត​ត្រង់ ចំណុច​មជ្ឈមណ្ឌល​អេ​ត​វូត​ខាងលិច​ស្តុ​ប​ផ្សារ​ដី​ហុយ ប៉ុន្តែ​ជនសង្ស័យ​ត្រូវបាន​ចាប់​មកវិញ បន្ទាប់ពី​មានការ​អន្តរាគមន៍​ពី​ភ្លាម ៕
481

Copyright © 2010-2021 · អរិយធម៌ · All Rights Reserved.
Develop by Sek Sathya