ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » ព្រះរាជអាជ្ញារង​សាលាដំបូង​ខេត្តកំពង់ឆ្នាំង ដឹកនាំ​កម្លាំងចម្រុះ ​ចុះបង្ក្រាប​បទល្មើស​នេសាទ​ស្រុក​កំពង់លែង​និង​បរិបូរណ៍ ​

ព្រះរាជអាជ្ញារង​សាលាដំបូង​ខេត្តកំពង់ឆ្នាំង ដឹកនាំ​កម្លាំងចម្រុះ ​ចុះបង្ក្រាប​បទល្មើស​នេសាទ​ស្រុក​កំពង់លែង​និង​បរិបូរណ៍ ​

ខេត្តកំពង់ឆ្នាំង​៖ លោក​ឯក​ស៊ុន​រស្មី​ព្រះរាជអាជ្ញារង​សាលាដំបូង​ខេត្តកំពង់ឆ្នាំង កាលពី​ថ្ងៃទី ១៤ ខែធ្នូ​​ឆ្នាំ​២០១៤ បាន​ដឹកនាំ​សមត្ថកិច្ច​ចម្រុះ​ចុះបង្ក្រាប​បទល្មើស​នេសាទ​ជាច្រើន​កន្លែង​ក្នុងភូមិ​សាស្ត្រ ស្រុក​​កំពង់លែង និង​ស្រុក​បរិបូរណ៍ ។ កិច្ច​បង្ក្រាប​បទល្មើស​នេសាទ​ដាក់​របាំង និង​លប​សាច់​អួន​នេះ​ត្រូវបាន​​គេ​មើលឃើញថាៈ នេះ​ជាការ​បង្ក្រាប​លើក​ទី​៤​ហើយ​ដែល​ដឹកនាំ​ដោយ​ព្រះរ​ជ​អាជ្ញា​រូបនេះ ។
​    ​សមត្ថកិច្ច​ចំរុះ​ក្នុង​កិច្ចប្រតិបត្តិការ​ខាងលើនេះ​រួមមាន​៖​មន្ត្រីនគរបាល​ខេត្ត​និង​នគរបាល​ប៉ុស្តិ​រដ្ឋបាល​ផ្លូវ​ទូក​ចំនួន​៧​នាក់​មន្ត្រី​ផ្នែក​រដ្ឋបាល​ជលផល​កំពង់​លែង​៣​នាក់​ប្រជា​នេសាទ​ស្ម័គ្រចិត្ត​ក្នុង​សហគមន៍​នេសាទ​ឃុំ​កំពង់ព្រះ​គគីរ​ចំនូ​ន​២៤​នាក់​ប្រើប្រាស់​កាណូត​បា​ឡា​ចំនួន​៨​គ្រឿង ក្នុងនោះ​កាណូត​ប្រជា​នេសាទ​៦​គ្រឿង​និង​កាណូត​របស់​នគរបាល​ប៉ុស្តិ​១​គ្រឿង​និង​កាណូត​ជលផល​១​គ្រឿង​។​
​    ​រយៈពេល​ពេញ​មួយថ្ងៃ​នៃ​កិច្ចការ​ប្រឹងប្រែង​បង្ក្រាប​បទល្មើស​ខាងលើនេះ គឺ​បាន​ចុះបង្ក្រាប​ជា ច្រើន​ចំណុច​មានដូចជា​៖​ចំណុច​វាលភក់​,​ពាម​ខ្នង​,​ក្រពើ​ស្គម​,​ស្លត​ខ្នង​និង​គន្លង​១០០ ក្នុង​ទឹកដី​ឃុំ​ផ្លូវ​ទូក ស្រុក​កំពង់លែង ។​ចំណែក​ស្រុក​បរិបូរណ៍​វិញ​រួមមាន​ចំណុច​ព្រែក​ថ្លាន់​,​និង​បឹង​ធំ​, ក្នុង​តំបន់​អភិរក្ស​ពូជ​ត្រី​ឃុំ​កំពង់ព្រះ​គគីរ ។​ជាល​ទ្ឋ​ផល​បង្ក្រាបបាន​មាន​៖​កាប់បំផ្លាញរ​បាំងសាច់​អួន​ចំនួន​២១​របាំង​មាន​ប្រវែង​សារុប​ប្រាណ​១០.៥០០​ម៉ែត្រ​និង​កាត់​យក​លប​លូ​ចំនួន​៦៣​មាត់​យកមក​កាប់បំផ្លាញ​ចោល​នៅលើ​ទីទួល​វត្ត​កំពង់ព្រះ​គគីរ​។​ក្នុង​កិច្ច​បង្ក្រាប​នេះដែរ​សមត្ថកិច្ច​ចាប់បាន​ជនល្មើស​នេសាទ​ចំនួន​៣​នាក់​រស់នៅក្នុង​ឃុំ​ផ្លូវ​ទូក​និង​កាណូត​២​គ្រឿង​កំពុង​លើក​លប​តាម​របាំង​ខុសច្បាប់​និង​យកមក​ប្រគល់អោយ​លោកនាយ​ផ្នែក​រដ្ឋ​បាលជ​ល​ផល​កំពង់លែង​កសាង​សំណុំរឿង​នៅ​សាលាឃុំ​ផ្លូវ​ទូក​។​ប៉ុន្តែ​ដោយមាន​កិច្ច​អន្តរា​គម​និង​សំណូមពរ​របស់​ប្រជាពលរដ្ឋ​លោក​មេឃុំ​និង​ក្រុមប្រឹក្សាឃុំ​ផ្លូវ​ទូក​លោក​ឯក​ស៊ុន​រស្មី​ព្រះរាជអាជ្ញារង​ខេត្ត​បានអោយ​ជនល្មើស​ធ្វើ​កិច្ចសន្យា​ជាមួយ​មន្ត្រី​ជំនាញ​ជា​លើកចុងក្រោយ​បញ្ឈប់​ការប្រព្រឹត្ត​បទល្មើស​នេសាទ​បន្ត​ទៀតហើយ​ដោះលែង​ខ្លួន​និង​កាណូត​អោយទៅ​មូលដ្ឋាន​វិញ​ប៉ុន្តែ​បើ​ចាប់ខ្លួនបាន​លើក​ក្រោយ​ទៀត​សមត្ថកិច្ច​នឹង​លោក​ព្រះរាជអាជ្ញា​នឹងមិន​លើកលែង​ទៀតឡើយ​។​
​    ​លោក​ឯក​ស៊ុន​រស្មី​បាន​និយាយ​អោយដឹងថា​ដោយបាន​ត្រួតពិនិត្យ​មុខសញ្ញា​បទ​ស្មើ​ស​មួយចំនួន​ដែល​បាន​កោះហៅ​ទៅ​សាកសួរ​នៅ​សាលាដំបូង​ខេត្ត​កន្លងមក​ដែល​ពួកគេ​ឆ្លើយថា​ពួកគេ​បានដាក់រ​បាំងសាច់​អួន​ចាប់​ត្រី​តែ​ប្រវែង​ពី​៦០​ទៅ​៧០​ម​លើស​ច្បាប់​កំណត់​តិចតួច​តែប៉ុណ្ណោះ​ប៉ុន្តែ​ពេល​សមត្ថកិច្ច​ចំរុះ​ចុះទៅ​បង្ក្រាប​ពិនិត្យឃើញរ​បាំងសាច់​អួន​ខុសច្បាប់​ក្នុង​១​បាំងៗ​មាន​ប្រវែង​រាប់ពាន់​ម៉ែត្រ​ទើប​សមត្ថកិច្ច​ធ្វើការ​បង្ក្រាប​តែម្តង​។​
​    ​ដោយឡែក​ប្រភពព័ត៌មាន​ពី​ស្រុក​ជល​គី​រី​និង​ស្រុក​រលាប្អៀរ​បានអោយដឹង​ថា​បទល្មើស​បែបនេះ​ក៏​កើតមាន​រាប់រយ​កន្លែង​ដូចគ្នា​ដែរ​។​ចំណែក​ព្រែក​មួយចំនួន​ត្រូវបាន​គេ​ឃុបឃិត​គ្នា​លក់​ស្ងាត់​រាប់ម៉ឺន​ដុល្លារ​ជា​ច្រៀង​រាល់​ឆ្នាំ​អោយគេ​ដាក់​ដាយ​ចាប់​ត្រី​យ៉ាង​អនាធិបតេយ្យ​ខុសច្បាប់​ដោយ​យក​លេស​ថា​យកលុយ​កសាង សហគមន៍ ភូមិ​ឃុំ តែ​ជាល​ទ្ឋ​ផល​មិនមាន​ឃើញ​អ្វី​រីកចំរើន​គួ​កត់សំគាល់​ឡើយ​៕
​ពៅ សុខ​ហ៊ាន​
DSC09432DSC09435

Copyright © 2010-2021 · អរិយធម៌ · All Rights Reserved.
Develop by Sek Sathya