ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល​ ប្រធានសាខាគយខេត្តឧត្តរមានជ័យ មានការឃុបឃិតជាប្រព័ន្ធ?​  ||     ដីគម្របព្រៃឈើឃុំត្រងិល ស្រុកកំពុងលែង ខេត្តកំពង់ឆ្នាំង កំពុងរងការទន្ទ្រានកាន់កាប់យ៉ាងអនាធិបតេយ្យ​  ||     ភ្ញាក់ផ្អើល! រោងសិប្បកម្មធំៗកែច្នៃឈើខុសច្បាប់ កើតឡើងពេញបន្ទុក ឃុំក្បាលដំរី ស្រុកសំបូរ លោក វ៉ា ថន អភិបាលខេត្តក្រចេះរក្សាភាពស្ងៀមស្ងាត់​  ||     ល្បីមេឈ្មួញឈ្មោះ ភ័ក្រ្ត ដឹកជញ្ជូនឈើពីខេត្តព្រះវិហារចូលខេត្តកំពង់ធំ ដោយរលូនមិនរំខានដល់សមត្ថកិច្ច​  ||     មន្ត្រីបរិស្ថាន ក្នុងខេត្តកំពង់ឆ្នាំង បណ្តោយឲ្យពួកក្រុមជនល្មើស ធ្វើសកម្មភាព ចូលកាប់ឆ្ការ ឈូសឆាយ ទន្រ្ទានយកដីគម្រប ព្រៃឈើ ដែលគ្រប់គ្រងដោយមន្ទីរបរិស្ថាន ខេត្តកំពង់ឆ្នាំងវាស់ចែកគ្នា លក់យ៉ាងគគ្រឹកគគ្រេង​  ||   

» ព័ត៌មានជាតិ » មន្ត្រី​ការិយាល័យ​ធម្មការ និង​សាសនា​ស្រុក​បរិបូរណ៍​ឃាត់​សង្ឃ​១​អង្គ​និង​មនុស្ស​៤​នាក់​ ​កាន់​លិខិត​ខ្លែងក្លាយ​ដើរ​រៃអង្គាស​បច្ច័យ​និង​ស្រូវ​តាម​ភូមិ​ឃុំ​មក​អប់រំ​និង​ធ្វើ​កិច្ចសន្យា​បញ្ឈប់​សកម្មភាព​ ​

មន្ត្រី​ការិយាល័យ​ធម្មការ និង​សាសនា​ស្រុក​បរិបូរណ៍​ឃាត់​សង្ឃ​១​អង្គ​និង​មនុស្ស​៤​នាក់​ ​កាន់​លិខិត​ខ្លែងក្លាយ​ដើរ​រៃអង្គាស​បច្ច័យ​និង​ស្រូវ​តាម​ភូមិ​ឃុំ​មក​អប់រំ​និង​ធ្វើ​កិច្ចសន្យា​បញ្ឈប់​សកម្មភាព​ ​

ខេត្តកំពង់ឆ្នាំង ៖ ព្រះសង្ឃ​១​អង្គ​និង​បុរស​៤​នាក់​ត្រូវ​មន្ត្រី​ធម្មការ​ស្រុក​បរិបូរណ៍ និង​មន្ត្រី​អាជ្ញាធរ​មូល ដ្ឋា​ន ធ្វើ​ឃាត់​កាលពី​រសៀល ថ្ងៃទី​១១​ខែធ្នូ​ឆ្នាំ​២០១៤ ហើយ​បាន​យកមក​សាលាឃុំ​ដើម្បី​សាកសួរ ​ខណៈ​បាន​ក្លែង​លិខិតស្នាម​ដើរ​រៃអង្គាស​បច្ច័យ​និង​ស្រូវ​នៅតាម​ភូមិ​នានា​ក្នុងភូមិ​មេលំស្រុក​បរិបូរ​ណ៌​ខេត្តកំពង់ឆ្នាំង​។​
​    ​លោក​ថោង​មាឃ​អនុប្រធាន​ការិយាល័យ​ធម្មការ​និង​សាសនា​ស្រុក​បរិបូរ​ណ៌​បានអោយដឹងថា ក្រោយពី​បានទទួល​ព័ត៌មាន​ថា មាន​ព្រះសង្ឃ​១​អង្គ​និង​បុរស​ទាំង​៤​នាក់​មធ្យោបាយ​ធ្វើដំណើរ​ដោយ គោយន្ត​មួយគ្រឿង​និង​មាន​ប្រកាស​តាម​ឧ​ឃ្ឃោ​សន​ស័ព្ទ​ដើម្បី​រៃអង្គាស​បច្ច័យ​និង​ស្រូវ​នៅតាម​ភូមិ​នានា ក្នុង​ឃុំ​មេលុំ​រួចមក ដោយមាន​សង្ស័យ​មន្ត្រី​ជំនាញ​និង​អាជ្ញាធរ​បាន​សហការគ្នា​ឃាត់​និង​នាំមក សាកសួរ​នៅ​សាលាឃុំ​តែម្តង ព្រោះ​ចង់ដឹងថា តើ​ការដើរ​រៃអង្គាស​បច្ច័យ​នេះ​មានច្បាប់​ត្រឹមត្រូវ​ដែរ​ឬ អត់​។​ក្រោយពី​ការសាកសួរ​ត្រូវបាន ព្រះសង្ឃ​ព្រះនាម ចាន់​សំណាង មាន​សង្ឃ​ដិ​កា​ថា ការដើរ​រៃអង្គាស​បច្ច័យ​និង​ស្រូវ​នេះ​គឺ​សម្រាប់​យកទៅ​កសាង​វត្ត​មួយ​នៅក្នុង​ឃុំ​ច្រ​ណូ​ក​ស្រុក​កំពង់លែង​ប៉ុន្តែ​នៅពេល​ពិនិត្យ​ទៅលើ​លិខិត​ស្នើសុំ​បិណ្ឌបាតបច្ច័យ​និង​ស្រូវ​នោះ​ជា​លិខិត​ចាស់​ដែល​ព្រះសង្ឃ​អង្គ​នេះ​យកមក​កោស​លប់​កែ​ថ្ងៃខែ​និង​ខ្លឹមសារ​មួយចំនួន​ទៀតផង​។​
​    ​លោក​បាន​បន្តថា ដោយ​ពិនិត្យឃើញ​ភាពមិនប្រក្រតី​បែបនេះ​មន្ត្រី​ធម្មការ​និង​មន្ត្រី​អាជ្ញាធរ​បានធ្វើ​ការអប់រំ​ណែនាំ​និង​បានអោយ​ព្រះសង្ឃ​អង្គ​នេះ​ព្រមទាំង​បុរស​៤​នាក់​ទៀត​ធ្វើ​កិច្ចសន្យា​បញ្ឈប់​សកម្មភាព​មិនអោយ​បន្ត​រៃអង្គាស​បច្ច័យ​និង​ស្រូវ​តទៅទៀត​ឡើយ​ហើយ​បាន​អនុញ្ញាតិ​អោយ​វិលត្រឡប់​ទៅវិញ​។​
​    ​លោក​អនុប្រធាន​ការិយាល័យ​ធម្មការ​និង​សាសនា​ស្រុក​បរិបូរ​ណ៌ បាន​និយាយថា លោក​បាន​​ទូរស័ព្ទ​សាកសួរ​មន្ត្រី​ធម្មការ​ស្រុក​កំពង់លែង​ហើយ វត្ត​មួយ​ដែល​គេ​រៃអង្គាស​បច្ច័យ​ថា​យកទៅ កសាង អី​នោះ​គឺ គ្មាន​ការអនុញ្ញាត អោយធ្វើ​បែបនេះ​ឡើយ ។ ដោយហេតុនេះ​លោក​បញ្ជាក់ថា ការយក​សាសនា មក​ធ្វើជា​ខែល​រៃអង្គាស​ប​ច្ច​យ័ ដើម្បី​ផលប្រយោជន៍​ផ្ទាល់ខ្លួន​គឺ​ធ្វើអោយប៉ះពាល់​ធ្ងន់ធ្ងរ​ណាស់ ដល់​វិស័យ​ព្រះ​ពុ​ទ្ឋ​សាសនា ។
​    ​ព្រះសង្ឃ ១​អង្គ និង​បុរស​ទាំង​៤​នាក់​នោះ​មាន ព្រះសង្ឃ​ព្រះនាម​ចាន់​សំណាង​គង់នៅ​វត្ត​ត្រពាំង​រាំង​ឃុំ​ទឹក​ហូត​ស្រុក​រលាប្អៀរ​ខេត្តកំពង់ឆ្នាំង​។​ចំណែក​បុរស​៤​នាក់​ទៀត​១. ឈ្មោះ​ហេង​សិទ្ធា​អាយុ​៣១​ឆ្នាំ​២.​ឈ្មោះ​ហុង​លី​អាយុ​៦១​ឆ្នាំ​៣.​ឈ្មោះ​នួន​រ៉ា​អាយុ​៣២​ឆ្នាំ​និង​៤.​ឈ្មោះ​សាំង​សារិទ្ធ​អាយុ​២៣​ឆ្នាំ​អ្នក​ទាំង​៤​នាក់​នេះ​មាន​ទីលំនៅ​ក្នុង​ឃុំ​ព្រៃ​មូល​ស្រុក​រលាប្អៀរ​ខេត្តកំពង់ឆ្នាំង​៕
ពៅ​សុខ​ហ៊ាន​
q1q2q3

Copyright © 2010-2021 · អរិយធម៌ · All Rights Reserved.
Develop by Sek Sathya