ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » ម្ចាស់​ម៉ាស៊ីនកិនស្រូវ​សង់​កន្លែង​ជញ្ជីង​ថ្លឹង​រថយន្ត​រំលោភ​មកលើ​ចិញ្ចើមផ្លូវ​សាធារណៈ​ ​ស្នើសុំ​សមត្ថកិច្ច​និង​មន្ទីរជំនាញ​ជួយ​ទប់ស្កាត់​ ​

ម្ចាស់​ម៉ាស៊ីនកិនស្រូវ​សង់​កន្លែង​ជញ្ជីង​ថ្លឹង​រថយន្ត​រំលោភ​មកលើ​ចិញ្ចើមផ្លូវ​សាធារណៈ​ ​ស្នើសុំ​សមត្ថកិច្ច​និង​មន្ទីរជំនាញ​ជួយ​ទប់ស្កាត់​ ​

ខេត្តកំពង់ឆ្នាំង​៖​    ​ចិញ្ចើមផ្លូវ​កៅស៊ូ​ផ្លូវជាតិ​លេខ​៥៣​មួយកន្លែង​ស្ថិតនៅ​ក្នុងភូមិ​ចំការ​តា​ម៉ៅ​ឃុំ​ស្រែ​ថ្មី​ស្រុក​រលាប្អៀរ​ខេត្តកំពង់ឆ្នាំង ត្រូវបាន​ម្ចាស់​ម៉ាស៊ីនកិនស្រូវ​ម្នាក់​ចាក់ដី​រំលោភ​យក​ធ្វើជា​ផ្លូវ​ខ្ពស់ជាង​ផ្លូវជាតិ​ដើម្បី​សាងសង់​កន្លែង​ជញ្ជីង​ថ្លឹង​រថយន្ត​ដឹកស្រូវ​ជា​ផលប្រយោជន៍​របស់ខ្លួន​ជាហេតុ​អាចធ្វើអោយ​ស្ទះ​ចរន្តទឹក​ហូរ​និង​ធ្វើអោយ​ប្រជាពលរដ្ឋ​ព្រួយបារម្ភ​ពី​គ្រោះថ្នាក់​ចរាចរណ៍​ផងដែរ​។​
​លោក​នូ​ខៀន​មេឃុំ​ស្រែ​ថ្មី​បានអោយដឹង​នៅ​ថ្ងៃទី​១០​ខែធ្នូ​ឆ្នាំ​២០១៤​នេះ​ថា​ការចាក់ដី​រំលោភ​យក​ចិញ្ចើមផ្លូវ​សាធារណៈ​ដើម្បី​ធ្វើជា​ផ្លូវ​ឡើងទៅ​កាន់​ជញ្ជីង​ថ្លឹង​រថយន្ត​ជា​របស់លោក​ង៉ោ​ទ្រី​នោះ​មិនបាន​សុំ​ការអនុញ្ញាត​ឬ​រាយការណ៍​អោយ​អាជ្ញាធរ​មូលដ្ឋាន​ឡើយ​។​មិនតែប៉ុណ្ណោះ​គេ​បានឃើញ​លូបង្ហូរទឹក​នៅតាម​ចិញ្ចើមផ្លូវ​សាធារណៈ​មួយចំនួន​នៅ​ចំណុច​នោះ​ត្រូវបាន​លោក​ង៉ោ​ទ្រី​គាស់​យកចេញ​ដែល​ករណីនេះ​ប្រជាពលរដ្ឋ​មានការ​ព្រួយបារម្ភ​ចំពោះ​ការហូរ​ច្រោះ​បាក់​ផ្លូវជាតិ​លេខ​៥៣​នៅក្នុង​រដូវវស្សា​ប្រសិនបើ​មន្ទីរជំនាញ​មិនមាន​ការទប់ស្កាត់​ទេនោះ​។​ម្យ៉ាងវិញទៀត​ការចាក់ដី​ខ្ពស់ជាង​ចិញ្ចើមផ្លូវ​សាធារណៈ​ដើម្បី​ធ្វើជា​ផ្លូវ​ចូលទៅក្នុង​កន្លែង​ជញ្ជីង​ថ្លឹង​រថយន្ត​ដឹកស្រូវ​របស់គាត់​នោះ​អាច​បង្កអោយមាន​គ្រោះថ្នាក់​ចរាចរណ៍​នៅពេល​ខាងមុខ​ជាមិនខាន​ឡើយ​។​
​លោក​កែវ​ពៅ​ប្រធាន​មន្ទីរ​សាធារណការ​និង​ដឹកជញ្ជូន​ខេត្ត​ក្រោយពី​ទទួលបាន​ព័ត៌មាន​ខាងលើនេះ​លោក​បាន​មានប្រតិកម្ម​ចំពោះ​ការចាក់ដី​រំលោភ​យក​ចិញ្ចើមផ្លូវ​សាធារណៈ​របស់រ​ដ្ឋ​គឺជា​អំពើ​ខុសច្បាប់​។​ខាងមុខនេះ​លោក​នឹង​ចាត់តាំង​អោយ​ក្រុមការងារ​របស់​មន្ទីរ​ចុះទៅ​ត្រួតពិនិត្យ​និង​ធ្វើ​កំណត់ហេតុ​ជាក់ស្តែង​និង​មាន​វិធានការណ៍​ទប់ស្កាត់​មិន​អនុញាតិ​អោយ​ម្ចាស់​ម៉ាស៊ីនកិនស្រូវ​ខាងលើនេះ​រំលោភបំពាន​យក​ចិញ្ចើមផ្លូវ​សាធារណៈ​របស់រ​ដ្ឋ​តាម​ទំនើងចិត្ត​នោះឡើយ​។​
​    ​ប្រជាពលរដ្ឋ​រស់នៅក្នុង​ភូមិ​ចំការ​តា​ម៉ៅ​បាន​និយាយ​អោយដឹងថា​កន្លងមក​ថ្មីៗ​នេះ​ខាង​មន្ទីរ​សាធារណៈការ​ខេត្ត​បាន​បោះបង្គោល​កំណត់​ព្រុំ​ចិញ្ចើម​ផ្លូវជាតិ​លេខ​៥៣​ដែល​ចេញពី​អាក់​ផ្លូវ​ទាំងសងខាង​ផ្លូវ​ប្រវែង​២៥​ម៉ែត្រ​(​ទំហំ​ផ្លូវ​ដែល​ត្រូវ​ពង្រីក​ខាងមុខ​មាន​ទទឹង​ប្រវែង​៥០​ម៉ែត្រ​)​អោយ​ប្រជាពលរដ្ឋ​បានដឹង​និង​ត្រៀម​បង្ខិតរបង​ឬ​ផ្ទះ​អោយ​ផុតពី​ចំណីផ្លូវ​របស់​រដ្ឋ​។​ប៉ុន្តែ​បែរជា​ម្ចាស់​ម៉ាស៊ីន​ខាងលើនេះ​ធ្វើ​មិនដឹងមិនឮ​ទៅវិញ​ថែមទាំង​បាន​ចាក់ដី​អោយ​ខ្ពស់​រំលោភ​យក​ចិញ្ចើមផ្លូវ​របស់​រដ្ឋ​ទៅវិញ​ដែល​ករណីនេះ​គួរតែ​ធ្វើការ​ទប់ស្កាត់​អោយទាន់​ពេលវេលា​៕ ពៅ សុខ​ហ៊ាន DSC09326DSC09318
​    ​    ​

​    ​

Copyright © 2010-2021 · អរិយធម៌ · All Rights Reserved.
Develop by Sek Sathya