ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » អាជ្ញាធរ​ខេត្ត​ស្ទឹងត្រែង​​ដាក់​វិធានការ​​ពង្រឹង​សន្តិសុខ​

អាជ្ញាធរ​ខេត្ត​ស្ទឹងត្រែង​​ដាក់​វិធានការ​​ពង្រឹង​សន្តិសុខ​

ស្ទឹងត្រែង​៖ នៅ​ព្រឹក​ថ្ងៃទី​១៥​សីហា​២០១៣​អាជ្ញាធរខេត្ត​ស្ទឹងត្រែង បាន​បើក​កិច្ចប្រជុំ​ដើម្បី​ធ្វើការ​ផ្សព្វផ្សាយ​សភាពការណ៍​សន្តិសុខ​ទូទៅ និង​ជំរុញ​ឲ្យ​កំលាំង​សមត្ថកិច្ច​ទាំងអស់​ត្រូវ​បំពេញការងា​រ​ជំនាញ​ទៅតាម​តួនាទី​របស់ខ្លួន​ឲ្យ​មាន​ប្រសិទ្ធភាព ដើម្បី​អនុវត្ត​គោលនយោបាយ​ភូមិ​ឃុំ​មាន​សុវត្ថិភាព​ជូន ប្រជាពលរដ្ឋ​ឲ្យ​បានល្អ​ប្រសើរ​។
នៅក្នុង​កិច្ចប្រជុំ​នេះ លោក កុល​    ​សំអុល អភិបាល​នៃ​គណៈ​អភិបាលខេត្ត​បាន​មានប្រសាសន៍ ក្នុង​កិច្ចប្រជុំ នៅ​សាលាខេត្ត​ស្ទឹងត្រែង​ថា ត្រូវ​ចាត់ទុក​ការងារ​ពង្រឹង​សុវត្ថិភាព​សន្តិសុខ​សង្គម​ជា​កត្តា​ចម្បង​ដើម្បី​ធ្វើ​ឲ្យ​ការរស់នៅ​របស់​ប្រជាពលរដ្ឋ​មាន​សុខក្សេមក្សាន្ត និង​ការប្រកប​របរ​ចិញ្ចឹមជីវិត ទទួលបាន​ជីវភាព​ធូរធារ​។​
លោក​អភិបាលខេត្ត​បន្តថា ដើម្បី​ឲ្យ​សំរេចបាន​នូវ​ការងារ​នេះ​កំលាំង​សមត្ថកិច្ច​ទាំងអស់​ត្រូវ​បង្កើន​កិច្ចសហការ​ជាមួយ​អាជ្ញាធរ​ភូមិ​ឃុំ និង​រួមគ្នា​អនុវត្ត​នូវ​គោល​នយោបាយ​ភូមិ​ឃុំ​មាន​សុវត្ថិភាព​ទាំង​៩​ចំណុច រួមទាំង​ពិនិត្យ​តាមដាន​នូវ​សភាពការណ៍​ផ្សេងៗ​ដែល​កើតមានឡើង​នៅ ក្រោយពេល​បោះឆ្នោត​ដើម្បី​ទប់ស្កាត់​រាល់​បាតុភាព​មិន
​ប្រក្រតី​ណាមួយ​ដែល​ធ្វើ​ឲ្យ​ខូច​សន្តិសុខ​ក្នុងសង្គម​។​
លោក​មានប្រសាសន៍​ទៀតថា ជាពិសេស​គឺ​កំលាំង​ប៉ុស្តិ៍​រដ្ឋបាល​នៅតាម​ភូមិ​ឃុំ​ដែល​នៅ​កៀក​កិត​ជាមួយ​ប្រជាពលរដ្ឋ ត្រូវ​ជួយ​ប្រជាពលរដ្ឋ​កុំ​ចាំបាច់​ប្រជាពលរដ្ឋ​រត់ទៅរក​យើង​ទើប​យើង​ទៅរក​ប្រជាពលរដ្ឋ​វិញ​មិន​ប្រសើរ​ទេ​។ យើង​ត្រូវ​ដោះស្រាយ​រឿងរ៉ាវ​គ្រប់​ករណី​ឲ្យ​បាន​ទាន់ពេលវេលា​ទើប​ហៅថា ភូមិ​ឃុំ នោះ​មាន​សន្តិសុខ​សុវត្ថិ​ភាពល្អ​ជូន​ដល់​ប្រជាពលរដ្ឋ​។​
​    ​លោក​    ​យ៉​ន​    ​ឌិន ស្នងការរង​ទទួល​ផែន​កណ្តាល​នគរបាល​យុត្តិធម៌​បាន​ឡើង​អាន
​របាយការណ៍​ថា នៅ​ខេត្តស្ទឹងត្រែង​ក្នុងភូមិ​សាស្ត្រ​ខេត្ត​មានការ​ល្អប្រសើរ​។ ក្នុង​ខែសីហា​២០១៣​មាន​បទ ល្មើស​កើតឡើង​ចំនួន​១២​លើក​(​លើ​០៧​លើ​)​បើ​ប្រៀបធៀប​ទៅនឹង​ខែកក្កដា​២០១៣ ឃើញថា​មានការ កើនឡើង​ចំនួន​៥​លើក​ក្នុងនោះ រួមមាន​បទល្មើស​ឧក្រិដ្ឋ​កើនឡើង​ចំនួន​១​លើក​ជាក់ស្តែង​រំលោភ​សេពសន្ថវ​ចំនួន​២​លើក​បទល្មើស
​មជ្ឈិម​មា​ន​កើតឡើង​ចំនួន​១១​លើក​។ នៅក្នុង​លទ្ធផល​នៃ​កិច្ចប្រតិបត្តិការ​បង្ក្រាប​បទល្មើស​រួមមាន​ការបង្ក្រាប​ទីតាំង​ស្តុក​ឈើ ប្រណីត​ខុសច្បាប់​ចំនួន​៤​កន្លែង​ដកហូត​បាន​ឈើ​គ្រញូង​ចំនួន​១១១៥​ដុំ​ស្មើនឹង​៨.៧៦២​គីឡូក្រាម និង រថយន្ត​ចំនួន​២​គ្រឿង​បាន​យកទៅ​រក្សាទុក​នៅ​ខណ្ឌ​រដ្ឋបាល​ព្រៃឈើ​។ ជាមួយគ្នានេះ​កម្លាំង​នគរបាល ប្រឆាំង
​គ្រឿងញៀន​បានធ្វើការ​បង្ក្រាប​ការជួញដូរ​ចែកចាយ និង​ប្រើប្រាស់​គ្រឿងញៀន​ខុសច្បាប់ ចំនួន​៤​ករណី (​ចែកចាយ​៣​ករណី​ប្រើប្រាស់​១​ករណី​)​ឃាត់ខ្លួន​ជនល្មើស​ចំនួន​៧​នាក់​ដកហូត វត្ថុតាង​ថ្នាំញៀន​ប្រភេទ​មេ​តំ​ហ្វេ​តា​មីន​ចំនួន​១០​គ្រាប់​និង​ឧបករណ៍​ជក់​មួយចំនួន​។ ចំណែក​គ្រោះថ្នាក់ ចរាចរណ៍​ក្នុង​ខែសីហា កើតមាន​ចំនួន​០៧​លើក​ផ្សេងគ្នា​ក្នុងនោះ​បណ្តាល​ឲ្យ​មនុស្ស​ម្នាក់ បាន​ស្លាប់​និង​របួសធ្ងន់​៦​នាក់​របួសស្រាល​ម្នាក់​ខូចខាត​ម៉ូតូ​បន្តិចបន្តួច​ចំនួន​១​គ្រឿង និង​រថយន្ត​ខូចខាត តិចតួច​ចំនួន​២​គ្រឿង​។ ក្នុងករណី​ខាងលើ​កម្លាំង​ជំនាញ​បានធ្វើការ​សម្រុះសម្រួល​បាន​ចំនួន ៣​ករណី​។ ទាក់ទង​និង​គ្រោះ​អគ្គីភ័យ​បានកើត​ឡើង​មួយ​លើក​ស្ថិត​ក្នុងភូមិ​រា​ជានុ​កូ​ល សង្កាត់ ស្ទឹងត្រែង​។​
​    ​លោក​ឱ បូ​រិន្ទ មេបញ្ជាការ​កងរាជអាវុធហត្ថ​ខេត្តស្ទឹងត្រែង​បាន​ផ្តោត​សំខាន់​និង​លើកឡើង អំពី​បញ្ហា​ចោរកម្ម​ដែល​លោក​បានកំណត់​សំគាល់​ក្នុង​ឆ្នាំ​២០១៣ សកម្មភាព​ក្រុមចោរ​បានធ្វើ សកម្មភាព​លួច​កាច់​សោ​ម៉ូតូ ក្នុងអំឡុង​ខែតុលា​និង​ខែវិច្ឆិកា​ដែលជា​រដូវ​ទឹក​ឡើង​ក្រុមចោរ​ងាយ ធ្វើ​សកម្មភាព​។ លោក​បាន​ដាស់តឿន​ទៅ​មេបញ្ជាការ​មេបញ្ជាការរង​នៅតាម​បណ្តា​ស្រុក​ធ្វើ​យ៉ាង ណា​ត្រូវ​តាមដាន​កំណត់​មុខសញ្ញា​ឲ្យ​បានច្បាស់លាស់​និង​រាយការណ៍​បន្ទាន់​។​
​    ​លោក កុល សំអុល អភិបាល​នៃ​គណៈ​អភិបាលខេត្ត​ស្ទឹងត្រែង​បាន​ថ្លែង ក្នុង​កិច្ចប្រជុំ​ថា នេះ​ជា​រដូវ​ធ្លាក់ភ្លៀង ដូច្នេះ​កម្លាំងប្រដាប់អាវុធ​ទាំងបី​ប្រភេទ​ត្រូវដាក់​និង​រៀប​ផែនការ​ទៅតាម​បណ្តា​ស្រុក ត្រូវ​ត្រៀម​ជា​ចាំបាច់​ការពារ​នូវ​គ្រោះទឹកជំនន់​ដោយសារ​ជន់​ទឹកភ្លៀង​ឬ​គ្រោះធម្មជាតិ ដែល​កើតឡើង ជាយថាហេតុ ដើម្បី​ធ្វើ​ឲ្យ​បាន​នូវគោល​នយោបាយ​យុទ្ធសាស្ត្រ​ទាំង​៩​ចំណុច​ដែល​រដ្ឋាភិបាល បានដាក់​ចេញ​ពិសេស​ត្រូវ​រក្សា​ឲ្យ​បាន​គោលជំហរ​ភូមិ​ឃុំ​មាន​សុវត្ថិភាព​ជូន​ប្រជាពលរដ្ឋ​ក្នុង​ខេត្ត​៕

​ដោយ​៖ ឡុង កាន់​សំនៀង

Copyright © 2010-2021 · អរិយធម៌ · All Rights Reserved.
Develop by Sek Sathya